Génesis 28:15 - Li Santil hu

¹⁵ La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Q'eqchi Bible

¹⁵ K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Génesis 28:15 ပူးပေါင်းရင်းမြစ်များ

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Jeremías 1:19

Teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin cha̱colbal, chan li Dios.

Deuteronomio 31:6

Cacuubresihomak e̱chꞌo̱l ut chicua̱nk e̱metzꞌe̱u. Mexxucuak chi moco texcꞌoxlak xbaneb, xban nak li Ka̱cuaꞌ incꞌaꞌ texcanab e̱junes. Cua̱nk ban e̱riqꞌuin chi junelic, chan laj Moisés.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 31:3

Li Ka̱cuaꞌ Dios quixye re laj Jacob: —Anakcuan tatsukꞌi̱k cuiꞌchic saꞌ la̱ tenamit li cuanqueb cuiꞌ la̱ cuechꞌalal. Ut la̱in junelic cua̱nkin a̱cuiqꞌuin, chan li Ka̱cuaꞌ Dios.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

1 Reyes 8:57

Chicua̱nk taxak li Ka̱cuaꞌ kiqꞌuin joꞌ nak quicuan chak riqꞌuineb li kaxeꞌto̱nil yucuaꞌ. Ut incꞌaꞌ taxak toxtzꞌekta̱na chi moco toxcanab kajunes.

Salmos 46:7

Li Dios li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob ut aꞌan ajcuiꞌ li nacoloc ke.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

1 Timoteo 4:8

Nayeman nak us nak takatzol kib chixchꞌolaninquil kib re nak cauhako. Abanan li kꞌaxal cuiꞌchic lokꞌ aꞌan xtzolbal kib re nak cauhak kachꞌo̱l saꞌ li kapa̱ba̱l xban nak riqꞌuin li kapa̱ba̱l cuan li rusilal li Dios kiqꞌuin anakcuan arin saꞌ ruchichꞌochꞌ ut cua̱nk ajcuiꞌ li kayuꞌam chi junelic.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Génesis 48:21

Ut laj Israel quixye re laj José: —Anakcuan ca̱mc cue la̱in. Li Ka̱cuaꞌ Dios taxak chicua̱nk e̱riqꞌuin, ex cualal incꞌajol. Ut aꞌan taxak chisukꞌisi̱nk e̱re saꞌ lix tenamiteb li kaxeꞌto̱nil yucuaꞌ.

Isaías 8:10

Usta te̱cꞌu̱b ru chi us li cꞌaꞌru te̱ba̱nu, abanan incꞌaꞌ us tex-e̱lk. Usta tex-a̱tinak chi nabal, abanan ma̱cꞌaꞌak aj e li cꞌaꞌru te̱ye xban nak la̱o cuan li Ka̱cuaꞌ kiqꞌuin.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Jueces 6:16

Ut li Ka̱cuaꞌ quixye re: —La̱in cua̱nkin a̱cuiqꞌuin. La̱at tatnumta̱k saꞌ xbe̱neb laj Madián. Chanchanakeb jun chi cui̱nk nak ta̱sacheb ru, chan li Ka̱cuaꞌ.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Génesis 39:21

Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Génesis 39:2

Li Ka̱cuaꞌ Dios quitenkꞌan re laj José ut us qui-el riqꞌuin chixjunil nak cuan saꞌ rochoch laj Egipto lix patrón.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Génesis 32:9

Ut laj Jacob qui-oc chi tijoc ut quixye: —At inDios, la̱at li Dios li quixlokꞌoni laj Abraham lin xeꞌto̱nil yucuaꞌ. Ut la̱at ajcuiꞌ catxlokꞌoni chak laj Isaac, lin yucuaꞌ. La̱at xatyehoc cue nak tinsukꞌi̱k cuiꞌchic saꞌ lin tenamit li cuanqueb cuiꞌ lin comon. Xaye ajcuiꞌ cue nak ta̱ba̱nu li usilal cue.

Génesis 46:4

Anakcuan la̱in tin-ochbeni̱nk a̱cue toj saꞌ li tenamit Egipto. Relic chi ya̱l la̱in texinsukꞌisi cuiꞌchic arin saꞌ li naꞌajej Canaán. Ut laj José, aꞌan li ta̱tzꞌapok re la̱ cuu nak tatca̱mk, chan li Dios re laj Israel.

Génesis 21:20

Ut li Dios quitenkꞌan re laj Ismael. Aꞌan quicui̱nkiloꞌ saꞌ li chaki chꞌochꞌ. Quixtzol chi us li cutuc riqꞌuin tzimaj.

Génesis 31:5

Laj Jacob quixye reheb li rixakil: —La̱in yo̱quin chixqꞌuebal retal nak le̱ yucuaꞌ incꞌaꞌ chic sa ninril joꞌ junxil. Ut li Ka̱cuaꞌ Dios li naxlokꞌoni lin yucuaꞌ, aꞌan xtenkꞌan cue arin.

Génesis 31:13

La̱in li Ka̱cuaꞌ Dios. La̱in li quincꞌutbesi chak cuib cha̱cuu saꞌ li naꞌajej Bet-el nak caqꞌue li aceite saꞌ xbe̱n li pec li caxakab aran nak caba̱nu li contrato cuiqꞌuin. Anakcuan tat-e̱lk saꞌ li naꞌajej aꞌin ut tatxic cuiꞌchic saꞌ la̱ tenamit li yoꞌlajenakat cuiꞌ chak,” chan cue.—

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Éxodo 13:11

Li Ka̱cuaꞌ Dios texcꞌam saꞌ li tenamit bar cuanqueb cuiꞌ laj cananeo. Ut la̱ex te̱re̱chani li naꞌajej li quixyechiꞌi li Dios reheb le̱ xeꞌto̱nil yucuaꞌ junxilaj ut quixyechiꞌi ajcuiꞌ e̱re la̱ex.

Números 6:24

Aꞌ taxak li Ka̱cuaꞌ chi-osobtesi̱nk e̱re ut aꞌan taxak ta̱ilok e̱re.

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

Deuteronomio 30:3

Nak texsukꞌi̱k riqꞌuin li Ka̱cuaꞌ le̱ Dios texrosobtesi cuiꞌchic ut ta̱ril xtokꞌoba̱l e̱ru. Ut texrisi saꞌ eb li jalan tenamit li quixjeqꞌui cuiꞌ e̱ru.

Deuteronomio 31:8

Li Ka̱cuaꞌ ta̱cua̱nk a̱cuiqꞌuin. Aꞌan ta̱cꞌamok be cha̱cuu. Incꞌaꞌ tatxcanab a̱junes chi moco tatxtzꞌekta̱na. Joꞌcan nak matxucuac chi moco ta̱chꞌina̱nk a̱chꞌo̱l, chan laj Moisés.

Génesis 30:25

Chirix lix yoꞌlajic laj José, laj Jacob quia̱tinac riqꞌuin laj Labán ut quixye re: —Anakcuan nacuaj nak tina̱canab chi xic saꞌ lin tenamit li xinchal cuiꞌ chak.

Levítico 26:42

ta̱julticokꞌ cue li contrato li quinba̱nu riqꞌuineb laj Jacob, laj Isaac, ut laj Abraham. Ut ta̱julticokꞌ cue li chꞌochꞌ.

Levítico 26:45

Ta̱julticokꞌ ban cue li contrato li quinba̱nu riqꞌuineb le̱ xeꞌto̱nil yucuaꞌ nak queꞌcuisi chak saꞌ li tenamit Egipto chiruheb li xni̱nkal ru tenamit re nak la̱inak chic lix Dioseb, chan li Ka̱cuaꞌ.

Salmos 91:11

Li Dios tixtaklaheb li ángel cha̱colbal. Eb aꞌan teꞌilok a̱cue yalak bar tatxic.

Jeremías 16:15

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Relic chi ya̱l la̱in tinqꞌueheb cuiꞌchic chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌ.