Génesis 27:46 - Li Santil hu

⁴⁶ Joꞌcan nak lix Rebeca co̱ chi a̱tinac riqꞌuin laj Isaac ut quixye re: —La̱in xintitzꞌ xbaneb li rixakil laj Esaú. Eb aꞌan aj hitita. Cui laj Jacob naxcꞌam junak li ixk aj hitita chokꞌ rixakil, ¿cꞌaꞌru aj e nak cua̱nkin arin? Us raj nak tinca̱mk, chan lix Rebeca re laj Isaac.

Q'eqchi Bible

⁴⁶ Chirix chik a'an lix Rebeka kixye re laj Isahak: “Xintitz'k chi wank sa' xyanqeb' li xrab'ineb' laj Hit. Wi laj Jakob tixk'am cho'q rixaqil junaq xrab'ineb' laj Hit kama' li wankeb' arin, k'a' chik aj e naq yo'yooqin?”, chan.

Génesis 27:46 ပူးပေါင်းရင်းမြစ်များ

Génesis 24:3

Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

Génesis 28:8

Xban nak laj Jacob quiyeheꞌ re nak incꞌaꞌ ta̱sumla̱k riqꞌuineb li ixk aj Canaán, laj Esaú quixtau ru nak lix yucuaꞌ incꞌaꞌ nacuulac chiru lix naꞌlebeb li ixk aj Canaán.

Li xHu LAJ JOB 14:13

Us raj nak tina̱muk ta chak saꞌ lix naꞌajeb li camenak. Mukmukin raj chak aran toj ta̱numekꞌ la̱ joskꞌil. La̱at raj tatyehok re joꞌ najtil tincua̱nk chak aran nak tinjulticokꞌ a̱cue.

Li xHu LAJ JOB 7:16

Incꞌaꞌ chic nincuy. Incꞌaꞌ chic nacuaj cua̱nc saꞌ ruchichꞌochꞌ. Canabin injunes. Lin yuꞌam ma̱cꞌaꞌ na-oc cuiꞌ.

1 Reyes 19:4

Ut laj Elías co̱ xjunes saꞌ li chaki chꞌochꞌ. Jun cutan quibe̱c. Nak yo̱ chi ecuu̱c, qui-oc chi hila̱nc rubel jun to̱n li cheꞌ enebro xcꞌabaꞌ. Quiraj raj ca̱mc ut xban xrahil xchꞌo̱l quixye re li Dios: —At Ka̱cuaꞌ, tzꞌakal li raylal ac xincꞌul. Us raj cui tina̱qꞌue chi ca̱mc. La̱in moco kꞌaxal cha̱bilin ta chiruheb lin xeꞌto̱nil yucuaꞌ, chan.

Números 11:15

Cui la̱at yo̱cat chixba̱nunquil cue chi joꞌcaꞌin, kꞌaxal us cui ta̱cuisi lin yuꞌam cui ya̱l nak niquina̱ra, re nak incꞌaꞌ chic yo̱kin chi cꞌuluc nabal raylal, chan laj Moisés.

Jonás 4:9

Ut li Ka̱cuaꞌ Dios quixye re: —¿Ma nacacꞌoxla nak us nacaba̱nu nak nacatpoꞌ xban nak xchakic li cꞌum? chan li Dios re. Ut laj Jonás quichakꞌoc ut quixye: —Ya̱l. Us ninba̱nu nak ninjoskꞌoꞌ. Cuan xya̱lal nak ninpoꞌ toj retal nacuaj raj ca̱mc, chan.

Jonás 4:3

Joꞌcan nak nintzꞌa̱ma cha̱cuu, at Ka̱cuaꞌ, china̱cuisi saꞌ ruchichꞌochꞌ xban nak kꞌaxal us chokꞌ cue li ca̱mc chiru nak yoꞌyo̱kin, chan laj Jonás.