Génesis 27:41 - Li Santil hu

⁴¹ Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Q'eqchi Bible

⁴¹ Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Génesis 27:41 ပူးပေါင်းရင်းမြစ်များ

Génesis 37:4

Eb li asbej queꞌril nak laj José, aꞌan li kꞌaxal raro xban li yucuaꞌbej. Joꞌcan nak xicꞌ nequeꞌril laj José ut incꞌaꞌ chic nequeꞌa̱tinac saꞌ xya̱lal riqꞌuin.

Eclesiastés 7:9

Ut incꞌaꞌ tatjoskꞌokꞌ saꞌ junpa̱t joꞌ nequeꞌxba̱nu li ma̱cꞌaꞌeb xnaꞌleb. Eb aꞌan nequeꞌjoskꞌoꞌ saꞌ junpa̱t.

Proverbios 6:14

Junes ma̱usilal cuan saꞌ xchꞌo̱leb. Junelic yo̱queb xcꞌoxlanquil li ma̱usilal. Junes ticoc ple̱t nequeꞌxba̱nu.

Génesis 37:8

Eb li ras queꞌxye re: —¿Ma nacacꞌoxla nak la̱at tat-oc chi takla̱nc saꞌ kabe̱n? Ut, ¿ma nacacꞌoxla nak la̱o takaqꞌue kib rubel a̱takl? chanqueb re. Ut kꞌaxal cuiꞌchic xicꞌ queꞌril laj José xban li cꞌaꞌru quixye ut xban li cꞌaꞌru quixmatqꞌue.

Génesis 32:6

Nak queꞌsukꞌi chak eb lix takl queꞌxye re laj Jacob: —Xocuulac riqꞌuin laj Esaú la̱ cuas ut aꞌan yo̱ chi cha̱lc cha̱cꞌulbal. Ut xeꞌchal ajcuiꞌ ca̱hib ciento li cui̱nk chirix, chanqueb.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Ezequiel 35:5

La̱ex li junelic xicꞌ xex-iloc reheb lin tenamit Israel ut xecanabeb chi camsi̱c nak yo̱queb chi cꞌuluc raylal xban li ma̱c queꞌxba̱nu.

Proverbios 1:16

Eb aꞌan teꞌraj ru xba̱nunquil li incꞌaꞌ us ut teꞌraj ru camsi̱nc.

Salmos 142:3

At Ka̱cuaꞌ, nacanau nak kꞌaxal ra saꞌ inchꞌo̱l ut incꞌaꞌ chic nincuy nak nacuecꞌa. La̱at nacanau chanru cuanquin. La̱at nacanau nak yalak bar ninnumeꞌ nequeꞌxqꞌue li raꞌal re tineꞌxcamsi.

Salmos 37:16

Usta caꞌchꞌin ajcuiꞌ li cꞌaꞌru cuan reheb li ti̱queb xchꞌo̱l, aꞌan kꞌaxal cuiꞌchic us chiru lix biomaleb li incꞌaꞌ useb xchꞌo̱leb.

Salmos 35:14

Chanchaneb cuami̱g ut chanchaneb cuas nak xintijoc chirixeb. Quirahoꞌ inchꞌo̱l xban li raylal yo̱queb chixcꞌulbal ut xinya̱bac chirixeb. Chanchan ta ac xcam lin naꞌ nak xinya̱bac chirixeb.

2 Crónicas 35:24

Ut queꞌrisi laj Josías saꞌ lix carruaje. Queꞌxqꞌue saꞌ jun chic carruaje ut queꞌxcꞌam cuiꞌchic Jerusalén ut aran quicam. Quimukeꞌ saꞌ li naꞌajej li queꞌmukeꞌ cuiꞌ lix xeꞌto̱nil yucuaꞌ. Ut chixjunileb laj Judá ut eb laj Jerusalén queꞌya̱bac xban xcamic li rey Josías.

Deuteronomio 34:8

Laje̱b xcaꞌcꞌa̱l cutan queꞌrahoꞌ saꞌ xchꞌo̱leb laj Israel ut queꞌxya̱ba lix camic laj Moisés saꞌ li naꞌajej Moab. Joꞌcaꞌin nak queꞌxnumsiheb li cutan re rahil chꞌo̱lejil ut ya̱bac xban lix camic.

Génesis 35:29

Nak ac ti̱x chic chi us, laj Isaac quicam ut coxtauheb lix xeꞌto̱nil yucuaꞌ. Laj Esaú ut laj Jacob queꞌxmuk lix yucuaꞌeb nak quicam.

Génesis 32:11

Ba̱nu usilal cue, china̱col saꞌ rukꞌ laj Esaú li cuas. La̱in ninxucuac xban li cuas. Naru tinixcamsi ut naru tixcamsiheb li cuixakil joꞌ eb ajcuiꞌ lin cocꞌal.

Génesis 27:42

Lix Rebeca quixnau cꞌaꞌru yo̱ chixcꞌoxlanquil laj Esaú. Quixtakla xbokbal laj Jacob li i̱tzꞌinbej. Quixye re: —Qꞌue retal. Laj Esaú yo̱ chixcꞌoxlanquil a̱camsinquil.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

Génesis 50:2

Tojoꞌnak quixtakla xbokbaleb lix mo̱s li nequeꞌbanoc camenak re nak incꞌaꞌ ta̱chuhokꞌ. Ut eb aꞌan queꞌxban li camenak re nak incꞌaꞌ ta̱chuhokꞌ.

Génesis 37:18

Yo̱ chak chi cha̱lc chi najt laj José nak qui-ileꞌ xbaneb li ras. Ut eb aꞌan queꞌoc chixcꞌoxlanquil chanru nak teꞌxcamsi aꞌan.

Génesis 50:15

Chirix lix camic li yucuaꞌbej, eb li ras laj José queꞌoc chi cꞌoxlac ut queꞌxye chi ribileb rib: —Anakcuan ma̱re xicꞌ chic toril laj José. Ma̱re tixye ke nak tento takatoj rix li kama̱c li kaba̱nu chak re junxil, chanqueb.

Proverbios 18:19

Junak asbej ta̱hobekꞌ, aꞌan li kꞌaxal cuiꞌchic ta̱joskꞌokꞌ. Ta̱cacuu̱k xchꞌo̱l joꞌ junak li tenamit cau rib. Ma̱ ani ta̱ru̱k ta̱tenkꞌa̱nk re xban nak kꞌaxal cau lix chꞌo̱l joꞌ li chꞌi̱chꞌ li natzꞌapoc re li puerta.