Génesis 27:40 - Li Santil hu

⁴⁰ Ut riqꞌuin pletic ta̱col rix la̱ yuꞌam chi junelic. La̱at tatcꞌanjelak chiru la̱ cui̱tzꞌin. Abanan ta̱cuulak xkꞌehil nak la̱at ta̱col a̱cuib chiru ut incꞌaꞌ chic tatcua̱nk rubel xcuanquil. Joꞌcaꞌin ajcuiꞌ teꞌxcꞌul eb la̱ cualal a̱cꞌajol, chan laj Isaac re laj Esaú.

Q'eqchi Bible

⁴⁰ Rik'in laach'iich' taakol rix laayu'am ut chiru laawiitz'in tatk'anjelaq; ab'an naq tatkawuuq, taawisi aawib' rub'el li xwankilal”.

Génesis 27:40 ပူးပေါင်းရင်းမြစ်များ

Génesis 25:23

Li Ka̱cuaꞌ Dios quixye re lix Rebeca: —Li cocꞌal li teꞌyoꞌla̱k, luteb. Li asbej ta̱cꞌanjelak chiru li i̱tzꞌinbej. Riqꞌuin li cuib li cocꞌal aꞌin teꞌcua̱nk cuib li ni̱nki tenamit. Jun li tenamit kꞌaxal nimak xcuanquil chiru li tenamit jun chic. Ut incꞌaꞌ teꞌxcꞌam rib saꞌ usilal, chan li Dios.

2 Crónicas 21:10

Abanan eb laj Edom queꞌrisi ajcuiꞌ ribeb rubel xcuanquileb laj Judá toj chalen anakcuan. Joꞌcan ajcuiꞌ li tenamit Libna. Saꞌ ajcuiꞌ li cutan aꞌan queꞌrisi ribeb rubel xcuanquil. Quicꞌulman chi joꞌcan xban nak laj Joram quixtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Samuel 8:14

Li rey David quixyi̱b lix naꞌajeb lix soldados saꞌ chixjunil li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb chixjunileb li quicuulac cuiꞌ chi pletic.

Salmos 60:8

Moab tzꞌekta̱nanbil inban. Chanchan jun li palangana re xchꞌajbal li cuukꞌ. Tinqꞌue li cuok saꞌ xbe̱n Edom retalil nak la̱in xine̱chanin re. Ta̱sahokꞌ saꞌ inchꞌo̱l nak tinnumta̱k saꞌ xbe̱neb laj filisteo, chan li Dios.

2 Crónicas 21:8

Saꞌ eb li cutan nak laj Joram cuan saꞌ xcuanquil aran Judá, eb laj Edom queꞌpletic riqꞌuineb. Queꞌrisi ribeb rubel xcuanquil ut queꞌxxakab xreyeb.

2 Crónicas 28:17

Quiraj xtenkꞌanquil xban nak eb laj Edom queꞌchal ut queꞌpletic riqꞌuineb laj Judá ut nabaleb li cristian li queꞌxcꞌam chi pre̱xil.

2 Reyes 14:10

At rey Amasías, la̱in ninnau nak xatnumta saꞌ xbe̱neb laj Edom. Joꞌcan nak yo̱cat chixnimobresinquil a̱cuib. Ma̱cꞌaꞌ nacuaj re nak ta̱nimobresi a̱cuib. Cana̱kat saꞌ la̱ tenamit. ¿Cꞌaꞌru aj e nak ta̱chꞌic a̱cuib saꞌ chꞌaꞌajquilal la̱at ut ta̱chꞌiqueb laj Judá saꞌ chꞌaꞌajquilal? chan li rey Joás.

2 Reyes 14:7

Laj Amasías quixcamsiheb laje̱b mil chi soldado aj Edom saꞌ li ru takꞌa cuan cuiꞌ li atzꞌam. Saꞌ li ple̱t aꞌan quire̱chani li tenamit Sela ut Jocteel quixqꞌue chokꞌ xcꞌabaꞌ toj chalen anakcuan.

Génesis 32:6

Nak queꞌsukꞌi chak eb lix takl queꞌxye re laj Jacob: —Xocuulac riqꞌuin laj Esaú la̱ cuas ut aꞌan yo̱ chi cha̱lc cha̱cꞌulbal. Ut xeꞌchal ajcuiꞌ ca̱hib ciento li cui̱nk chirix, chanqueb.

San Mateo 10:34

Me̱cꞌoxla nak xinchal ta chixqꞌuebal li tuktu̱quil usilal saꞌ ruchichꞌochꞌ. Xinchal ban chixchꞌolobanquil lix ya̱lal; ut xban lix ya̱lal li nachꞌoloba̱c, nacuan li chꞌaꞌajquilal.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Génesis 33:9

Laj Esaú quixye: —Incꞌaꞌ. La̱in incꞌaꞌ naru tincꞌuleb li queto̱mk aꞌan. La̱at cui̱tzꞌin. Ut la̱in tzꞌakal ajcuiꞌ li cꞌaꞌru cue cuan. Li cꞌaꞌru xasi cue, cana̱k chokꞌ a̱cue, chan.