Génesis 27:4 - Li Santil hu

⁴ Ut ta̱yi̱b caꞌchꞌinak lin tzacae̱mk li nacuulac chicuu. Nak ac xincuaꞌac, la̱in tatcuosobtesi nak toj yoꞌyo̱quin, chan laj Isaac re laj Esaú.

Q'eqchi Bible

⁴ Moqon taak'uub' chi chaab'il intzekemq jo' nawulak chiwu, ut taak'am chaq, re tinwa'aq, xb'aan naq twaj aawosob'tesinkil rub'elaj linkamik”.

Génesis 27:4 ပူးပေါင်းရင်းမြစ်များ

Hebreos 11:20

Laj Isaac quixpa̱b nak li Dios tixqꞌue li quixyechiꞌi re. Joꞌcan nak quixye reheb laj Jacob ut laj Esaú nak li Dios ta̱osobtesi̱nk reheb nak ta̱cuulak xkꞌehil.

Génesis 48:9

Laj José quichakꞌoc ut quixye re lix yucuaꞌ: —Li Ka̱cuaꞌ Dios x-osobtesin cue ut aꞌaneb li cualal li queꞌyoꞌla arin Egipto, chan. Ut laj Jacob quixye re, —Ba̱nu usilal, jilosiheb chak chincꞌatk ut la̱in tintzꞌa̱ma chiru li Ka̱cuaꞌ Dios nak ta̱rosobtesiheb, chan laj Israel.

Génesis 49:28

Aꞌaneb aꞌin li cablaju xte̱paleb li ralal xcꞌajol laj Israel. Tzꞌi̱banbil arin li cꞌaꞌru queꞌyeheꞌ reheb xban lix yucuaꞌeb nak quixtzꞌa̱ma chiru li Ka̱cuaꞌ Dios li rosobtesinquil li junju̱nk. Jalan jala̱nk li rosobtesinquileb.

Génesis 27:25

Laj Isaac quixye re: —Qꞌue cue lix tibel lin cua li xayo chak. Tincuaꞌak ut chirix aꞌan tatcuosobtesi, chan. Laj Jacob quixqꞌue re lix tibel xcua. Quixqꞌue ajcuiꞌ lix vino. Ut laj Isaac quixtzaca li quiqꞌueheꞌ re.

San Lucas 24:51

Nak yo̱ chirosobtesinquileb, quirisi rib saꞌ xya̱nkeb ut quicꞌameꞌ takecꞌ saꞌ choxa.

San Lucas 2:34

Ut laj Simeón quixtzꞌa̱ma rusilal li Dios saꞌ xbe̱neb ut quixye re lix María li naꞌbej: —Chacuabi li oc cue xyebal a̱cue. Saꞌ xcꞌabaꞌ li cꞌulaꞌal aꞌin, nabaleb laj Israel teꞌcolekꞌ ut saꞌ xcꞌabaꞌ ajcuiꞌ aꞌan nabaleb li teꞌsachk. Ut nabaleb li teꞌtzꞌekta̱na̱nk re.

Josué 22:6

Ut chirix aꞌan laj Josué quixtzꞌa̱ma chiru li Dios nak ta̱rosobtesiheb, tojoꞌnak quixtaklaheb saꞌ lix muheba̱leb.

Josué 14:13

Ut laj Josué quixye re laj Caleb li ralal laj Jefone: —Aꞌ taxak li Dios chi-osobtesi̱nk a̱cue, chan. Ut quixqꞌue li tenamit Hebrón re aꞌan ut reheb ajcuiꞌ li ralal xcꞌajol.

Génesis 27:7

La̱ yucuaꞌ xye re, “Ayu chi yohoc ut ta̱cꞌam chak junak li xul re nak ta̱yi̱b lin tzacae̱mk. Tincuaꞌak ut la̱in tatcuosobtesi chiru li Ka̱cuaꞌ Dios nak toj yoꞌyo̱quin,” chan la̱ yucuaꞌ re laj Esaú.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 27:31

Laj Esaú quixyi̱b ajcuiꞌ lix tibel xcua lix yucuaꞌ ut quixcꞌam riqꞌuin. Quixye re: —Ba̱nu usilal, tatcuaꞌak. Cueꞌ lix tibel a̱cua li xinyo chak. Nak tatrakekꞌ chi cuaꞌac, tina̱cuosobtesi, chan laj Esaú.

Génesis 27:27

Laj Jacob quijiloc chixcꞌatk ut quirutzꞌ ru lix yucuaꞌ. Laj Isaac quirutzꞌ xbo̱c li rakꞌ. Ut quirosobtesi laj Jacob ut quixye: —Lix bo̱c li rakꞌ li cualal, aꞌan joꞌ xbo̱c li qꞌuicheꞌ li quirosobtesi chak li Ka̱cuaꞌ Dios.

Génesis 27:23

Laj Isaac incꞌaꞌ quixnau ru laj Jacob xban nak lix tel kꞌol is ru joꞌ lix tel laj Esaú. Nak ac oc re chirosobtesinquil laj Jacob,

Génesis 24:60

Queꞌxye re lix Rebeca: —Li Ka̱cuaꞌ Dios taxak chi-osobtesi̱nk a̱cue. Ut cheꞌcua̱nk taxak nabal la̱ cualal a̱cꞌajol. Ut nimak taxak xcuanquil eb la̱ cualal a̱cꞌajol li teꞌcua̱nk chiruheb li xicꞌ teꞌilok reheb aꞌan, chanqueb re.

Génesis 14:19

Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Génesis 27:5

Lix Rebeca quirabi li cꞌaꞌru quixye laj Isaac re laj Esaú. Laj Esaú co̱ saꞌ qꞌuicheꞌ chi yohoc re nak tixcamsi chak li xul li quiyeheꞌ re xban lix yucuaꞌ.

Génesis 27:9

Ayu cuanqueb cuiꞌ li queto̱mk ut ta̱cꞌam chak cuibak li cha̱bil chiba̱t li toj sa̱jeb. Riqꞌuineb aꞌan la̱in tinyi̱b xtibel xcua la̱ yucuaꞌ li nacuulac chiru.

Génesis 27:14

Laj Jacob co̱ chixcꞌambaleb li chiba̱t ut quixkꞌaxtesi saꞌ rukꞌ lix naꞌ. Ut lix naꞌ quixyi̱b li tibel cua li nacuulac chiru lix yucuaꞌ laj Jacob.

Génesis 27:17

Ut quixkꞌaxtesi li tibel cua joꞌ ajcuiꞌ li caxlan cua saꞌ rukꞌ laj Jacob.

Génesis 27:19

Laj Jacob quixye re lix yucuaꞌ: —La̱in li xbe̱n a̱cualal. Xinba̱nu li cꞌaꞌru xaye cue. Cueꞌ lix tibel a̱cua li xinyo chak. Ba̱nu usilal. Tatcuaꞌak ut tina̱cuosobtesi, chan laj Jacob.