Génesis 27:30 - Li Santil hu

³⁰ Nak quirakeꞌ rosobtesinquil laj Jacob, qui-el riqꞌuin lix yucuaꞌ. Junpa̱t relic laj Jacob nak quisukꞌi chak laj Esaú chi yohoc.

Q'eqchi Bible

³⁰ Ak kiraqe'k laj Isahak chi rosob'tesinkil laj Jakob ut toja' taa'elq laj Jakob rik'in laj Isahak li xyuwa', naq kisutq'iik chaq chi yohok laj Esaú li asb'ej.

Génesis 27:30 ပူးပေါင်းရင်းမြစ်များ

Hebreos 12:17

La̱ex nequenau nak mokon quixrahi raj cuiꞌchic xcꞌulbal li rosobtesinquil laj Esaú riqꞌuin lix yucuaꞌ. Abanan incꞌaꞌ chic quiru xban nak ac quixtzꞌekta̱na. Ta̱ya̱bak nak quixtzꞌa̱ma cuiꞌchic, aban incꞌaꞌ chic quiru. Ma̱cꞌaꞌ chic xjalenquil.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Génesis 27:31

Laj Esaú quixyi̱b ajcuiꞌ lix tibel xcua lix yucuaꞌ ut quixcꞌam riqꞌuin. Quixye re: —Ba̱nu usilal, tatcuaꞌak. Cueꞌ lix tibel a̱cua li xinyo chak. Nak tatrakekꞌ chi cuaꞌac, tina̱cuosobtesi, chan laj Esaú.

Génesis 10:9

Laj Nimrod cau rib chi yohoc xban nak natenkꞌa̱c xban li Ka̱cuaꞌ Dios. Joꞌcan nak nayeman nak junak cristian cau rib, aꞌan chanchan laj Nimrod li cau rib chi yohoc xban nak natenkꞌa̱c xban li Ka̱cuaꞌ Dios.