Génesis 27:29 - Li Santil hu

²⁹ Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Q'eqchi Bible

²⁹ Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Génesis 27:29 ပူးပေါင်းရင်းမြစ်များ

Números 24:9

Eb laj Israel chanchaneb li cakcoj. Nak nequeꞌoc chi hila̱nc, ma̱ ani naru na-ajsin reheb. Osobtesinbilakeb li teꞌxtzꞌa̱ma rosobtesinquileb laj Israel. Ut tzꞌekta̱nanbilakeb li teꞌxtzꞌa̱ma ma̱usilal saꞌ xbe̱neb, chan laj Balaam.

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Romanos 9:12

Li Dios quia̱tinac riqꞌuin lix Rebeca ut quixye re nak li asbej ta̱cꞌanjelak chiru li i̱tzꞌinbej.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Salmos 72:8

Chicua̱nk ta xcuanquil saꞌ chixjunil li ruchichꞌochꞌ. Naticla cuan cuiꞌ li Caki Palau toj saꞌ li Mar Mediterráneo ut saꞌ li nimaꞌ Éufrates ut toj saꞌ chixjunil li ruchichꞌochꞌ.

1 Reyes 22:47

Saꞌ eb li cutan aꞌan ma̱cꞌaꞌ xreyeb li cuanqueb Edom. Lix reyeb laj Judá quixxakab jun li cui̱nk chi takla̱nc saꞌ li naꞌajej aꞌan.

Números 23:8

¿Chanru nak tintzꞌa̱ma ma̱usilal saꞌ xbe̱neb li osobtesinbileb xban li Ka̱cuaꞌ? ¿Ma ta̱ru̱k ta biꞌ tintzꞌekta̱naheb li incꞌaꞌ queꞌtzꞌekta̱na̱c xban li Ka̱cuaꞌ?

Génesis 37:7

La̱in xcuil saꞌ lin matcꞌ nak yo̱co chixbacꞌbal chi jo̱b li trigo. Ut li jun jo̱b li cue quicuacli ut quixxakab rib aran. Eb li ju̱nk jo̱b e̱re queꞌxsut li cue ut queꞌxcꞌutzub rib chiru li cue nak quicuil, chan laj José.

Génesis 27:37

Laj Isaac quixye re: —Laj Jacob, aꞌan chic nima̱k xcuanquil cha̱cuu. Chixjunileb chic li rechꞌalal teꞌcꞌanjelak chiru. Xincuosobtesi aꞌan re nak teꞌu̱chi̱nk chi us li racui̱mk joꞌ ajcuiꞌ lix quiꞌil kꞌe̱n. Anakcuan, ¿cꞌaꞌ ta chic ru tinba̱nu a̱cue la̱at, at cualal? chan.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

San Mateo 25:45

Ut la̱in li Rey tinchakꞌok ut tinye reheb: “Relic chi ya̱l tinye e̱re, xban nak incꞌaꞌ quetenkꞌaheb li nequeꞌpa̱ban cue li ma̱cꞌaꞌeb xcuanquil, incꞌaꞌ ajcuiꞌ quine̱tenkꞌa la̱in,” chaꞌkin reheb.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

1 Crónicas 5:2

Eb li ralal xcꞌajol laj Judá, aꞌaneb li queꞌniman xcuanquil saꞌ xya̱nkeb li rech tenamitil, ut saꞌ xya̱nkeb aꞌan quiyoꞌla li jun li ta̱takla̱nk saꞌ xbe̱neb aꞌan. Abanan laj José li quie̱chanin re li tento raj tixcꞌul li xbe̱n alalbej.

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

Génesis 25:33

Laj Jacob quixye re laj Esaú: —Ye cue anakcuan chiru li Dios nak ta̱cꞌayi chokꞌ cue, chan. Ut laj Esaú quixcꞌayi chokꞌ re laj Jacob li cꞌaꞌru quire̱chani raj joꞌ jun xbe̱n alalbej.

Génesis 9:27

Ut quixye ajcuiꞌ: —Li Dios chixnimobresi xcuanquil laj Jafet ut chixqꞌue taxak nabal li ralal xcꞌajol. Ut eb aꞌan cheꞌcua̱nk saꞌ lix muheba̱leb li ralal xcꞌajol laj Sem. Li ralal xcꞌajol laj Canaán cheꞌcana̱k chokꞌ rahobtesinbil mo̱s riqꞌuineb li ralal xcꞌajol laj Sem, chan laj Noé.

Génesis 27:30

Nak quirakeꞌ rosobtesinquil laj Jacob, qui-el riqꞌuin lix yucuaꞌ. Junpa̱t relic laj Jacob nak quisukꞌi chak laj Esaú chi yohoc.

Génesis 27:40

Ut riqꞌuin pletic ta̱col rix la̱ yuꞌam chi junelic. La̱at tatcꞌanjelak chiru la̱ cui̱tzꞌin. Abanan ta̱cuulak xkꞌehil nak la̱at ta̱col a̱cuib chiru ut incꞌaꞌ chic tatcua̱nk rubel xcuanquil. Joꞌcaꞌin ajcuiꞌ teꞌxcꞌul eb la̱ cualal a̱cꞌajol, chan laj Isaac re laj Esaú.

Génesis 37:10

Ut quixserakꞌi ajcuiꞌ re lix yucuaꞌ. Lix yucuaꞌ quixchꞌila aꞌan ut quixye re: —¿Cꞌaꞌru xya̱lal li nacamatqꞌue? ¿Ma aꞌan naraj naxye nak la̱in ut la̱ naꞌ joꞌ eb ajcuiꞌ la̱ cuas takacuikꞌib kib cha̱cuu? chan re laj José.

Números 24:18

Eb laj Israel teꞌnumta̱k saꞌ xbe̱neb laj Edom. Teꞌnumta̱k saꞌ xbe̱neb laj Seir li xicꞌ nequeꞌiloc reheb. Ut ta̱nima̱nk xcuanquileb laj Israel.

Isaías 60:12

Teꞌsachekꞌ ruheb li tenamit ut eb lix rey li incꞌaꞌ teꞌcꞌanjelak che̱ru. Teꞌsachekꞌ chi junaj cua.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.