Génesis 27:28 - Li Santil hu

²⁸ Aꞌ taxak li Ka̱cuaꞌ Dios tixqꞌue chak li hab saꞌ xbe̱n la̱ cuacui̱mk. Tixqꞌue ajcuiꞌ a̱cue li cha̱bil chꞌochꞌ re nak sa talajeꞌqꞌuik la̱ cuacui̱mk joꞌ ajcuiꞌ la̱ quiꞌil kꞌe̱n.

Q'eqchi Bible

²⁸ Li Yos chixk'e taxaq aawe li k'ajob' li nachalk sa' choxa, li xchaq'alil ru li ch'och' ut naab'al laatriiw ut laa'uub'.

Génesis 27:28 ပူးပေါင်းရင်းမြစ်များ

Deuteronomio 33:28

Joꞌcan nak la̱ex li ralal xcꞌajol laj Israel texcua̱nk chi tuktu le̱ chꞌo̱l. Ma̱cꞌaꞌ ta̱chꞌiꞌchꞌiꞌi̱nk e̱re la̱ex li ralal xcꞌajol laj Jacob. Kꞌaxal nabal li ru le̱ racui̱mk ut kꞌaxal nabal li vino saꞌ le̱ naꞌaj li ta̱tꞌakresi̱k riqꞌuin li hab li nachal saꞌ choxa.

Deuteronomio 33:13

Ut quixye chirixeb li ralal xcꞌajol laj José: Aꞌ taxak li Ka̱cuaꞌ chi osobtesi̱nc re lix naꞌajeb ut tixtꞌakresi lix chꞌochꞌeb riqꞌuin li hab ut li xchuꞌque ut riqꞌuin li haꞌ li na-el saꞌ chꞌochꞌ.

Salmos 133:3

Chanchan li xchuꞌque li qꞌuebil xban li Dios, li nacube saꞌ li tzu̱l Hermón ut saꞌ li tzu̱l Sión. Aran quirosobtesi lix tenamit li Ka̱cuaꞌ ut quixqꞌue li junelic yuꞌam reheb.

2 Samuel 1:21

La̱ex li tzu̱l li cuanquex Gilboa, incꞌaꞌ ta chic chitꞌanekꞌ li hab saꞌ e̱be̱n, chi moco li xchuꞌque. Ut incꞌaꞌ ta chic chie̱lk li acui̱mk chiru li chꞌochꞌ xban nak saꞌ e̱be̱n la̱ex xeꞌsacheꞌ xcuanquileb lix chꞌi̱chꞌeb li cauheb rib chi pletic. Ut saꞌ e̱be̱n ajcuiꞌ la̱ex quisacheꞌ xcuanquil lix chꞌi̱chꞌ laj Saúl. Chanchan ta li incꞌaꞌ sicꞌbil ru xban li Dios.

Deuteronomio 32:2

Li tijleb li tinye chanchanak li hab. Li cua̱tin li tinye chanchanak li xchuꞌque. Chanchanak li hab cocꞌ ru li naxtꞌakresi li rax pim. Chanchanak li hab li naxtꞌakresi li acui̱mk.

Deuteronomio 7:13

Li Ka̱cuaꞌ texra ut texrosobtesi ut tixqꞌue chi qꞌuia̱nc le̱ ralal e̱cꞌajol ut ta̱rosobtesiheb. Ut tixqꞌue ajcuiꞌ chi nabalocꞌ li ru le̱ racui̱mk. Tixqꞌue nabal le̱ trigo, le̱ vino ut le̱ aceite. Tixqꞌue nabal li ral le̱ cuacax ut le̱ carner saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.

Joel 2:19

Li Dios tixye reheb lix tenamit: —Tinqꞌue cuiꞌchic li cꞌaꞌru e̱re. Tinqꞌue le̱ trigo ut tinqꞌue le̱ uvas ut tinqꞌue le̱ aceite. Ut ta̱cua̱nk cuiꞌchic chi nabal cꞌaꞌru e̱re. Ut ta̱sahokꞌ saꞌ e̱chꞌo̱l ut incꞌaꞌ chic tinqꞌue raylal saꞌ e̱be̱n re nak incꞌaꞌ chic texhobekꞌ xbaneb li incꞌaꞌ nequeꞌpa̱ban.

Isaías 45:8

Ta̱cua̱nk li ti̱quilal yalak bar. Chanchan nak nachal li hab saꞌ choxa. Ut ta̱cua̱nk li colba-ib. Chanchan nak na-el li acui̱mk saꞌ chꞌochꞌ. Ta̱cua̱nk li ti̱quilal xban nak la̱in li Ka̱cuaꞌ quinyehoc re.—

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

Salmos 36:8

La̱at nacatqꞌuehoc ke chi tzꞌakal li cꞌaꞌru nakaj xban nak la̱at aj e̱chal re chixjunil li cꞌaꞌru cuan. Lix sahilal li kachꞌo̱l li nacaqꞌue la̱at, chanchan jun li nimaꞌ li incꞌaꞌ nachakic.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Números 18:12

La̱in tinqꞌue e̱re chixjunil li xbe̱n ru li acui̱mk, ut li cha̱bil aceite ut li cha̱bil vino li nequeꞌxqꞌue eb laj Israel chokꞌ xmayejeb.

Hebreos 11:20

Laj Isaac quixpa̱b nak li Dios tixqꞌue li quixyechiꞌi re. Joꞌcan nak quixye reheb laj Jacob ut laj Esaú nak li Dios ta̱osobtesi̱nk reheb nak ta̱cuulak xkꞌehil.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Miqueas 5:7

Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

2 Crónicas 2:10

Ut la̱in tintakla lix tzacae̱mkeb li nequeꞌcꞌanjelac cha̱cuu, eb li ta̱takla chi tꞌanoc cheꞌ. Tintakla laje̱b roxcꞌa̱l mil quintal li trigo, ut laje̱b roxcꞌa̱l mil quintal li cebada. Tintakla ca̱hib ciento mil riqꞌuin caꞌcꞌa̱l mil litro li vino ut tintakla ajcuiꞌ nabal li aceite, chan laj Salomón.

1 Reyes 5:11

Ut li rey Salomón quixtakla lix tzacae̱mkeb li cuanqueb saꞌ li rochoch laj Hiram. Rajlal chihab quixtakla junmay mil bis li trigo ut cuukub mil riqꞌuin ca̱hib ciento litros li cha̱bil aceite.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Génesis 49:20

La̱at, Aser, joꞌ eb ajcuiꞌ la̱ cualal a̱cꞌajol, texcua̱nk saꞌ li cha̱bil chꞌochꞌ. Ut kꞌaxal cuiꞌchic nabalak le̱ tzacae̱mk. Ut la̱ex texqꞌuehok xtzacae̱mk li acuabej.

Génesis 45:18

Cꞌamomak chak le̱ yucuaꞌ ut te̱cꞌam ajcuiꞌ chak chixjunil le̱ jun cablal li cuan aran. Tinqꞌue ajcuiꞌ e̱re chixjunil li cꞌaꞌak re ru li cha̱bil li cuan arin saꞌ li tenamit Egipto. Ut ta̱cua̱nk ajcuiꞌ chi tzꞌakal le̱ cha̱bil tzacae̱mk arin.

Romanos 11:17

Texinjuntakꞌe̱ta riqꞌuin li cheꞌ olivo. Eb laj judío chanchan li cha̱bil cheꞌ aubil ut chꞌolaninbil chi us. Aban cuan li rukꞌ qui-isi̱c ut aꞌan retalil eb laj judío li queꞌtzꞌekta̱nan re li Cristo. Ut la̱ex li ma̱cuaꞌex aj judío chanchanex li rukꞌ li cheꞌ li moco aubil ta. Yal xjunes quimok chak. Ut anakcuan yo̱quex chi tzꞌako̱nc riqꞌuin li usilal li quiyechiꞌi̱c re laj Abraham xban li Dios.

Números 13:20

Ut te̱qꞌue ajcuiꞌ retal ma cha̱bil li chꞌochꞌ li cuanqueb cuiꞌ malaj ut incꞌaꞌ. ¿Ma na-el li acui̱mk chi us saꞌ li chꞌochꞌ malaj ut ma̱cꞌaꞌ na-el chiru? ¿Ma qꞌuicheꞌ ru malaj ut incꞌaꞌ? Mexxucuac chi oc saꞌ li naꞌajej aꞌan. Ut nacuaj ajcuiꞌ nak te̱cꞌam chak caꞌchꞌinak li ru li acui̱mk li na-el saꞌ li naꞌajej aꞌan, chan. Ac yo̱ xkꞌehil li uvas nak queꞌco̱eb li cui̱nk chixqꞌuebal retal li naꞌajej aꞌan.

Génesis 27:39

Laj Isaac quichakꞌoc ut quixye re: —Incꞌaꞌ tatcua̱nk saꞌ cha̱bil chꞌochꞌ chi moco tixqꞌue li hab saꞌ xbe̱n la̱ chꞌochꞌ.

Génesis 27:37

Laj Isaac quixye re: —Laj Jacob, aꞌan chic nima̱k xcuanquil cha̱cuu. Chixjunileb chic li rechꞌalal teꞌcꞌanjelak chiru. Xincuosobtesi aꞌan re nak teꞌu̱chi̱nk chi us li racui̱mk joꞌ ajcuiꞌ lix quiꞌil kꞌe̱n. Anakcuan, ¿cꞌaꞌ ta chic ru tinba̱nu a̱cue la̱at, at cualal? chan.

Génesis 49:25

Li Ka̱cuaꞌ Dios, li ninlokꞌoni la̱in, aꞌan ta̱tenkꞌa̱nk a̱cue. Li Ka̱cuaꞌ Dios li kꞌaxal nim xcuanquil, aꞌan ta̱osobtesi̱nk a̱cue. Aꞌan ta̱qꞌuehok a̱cue chixjunil li usilal li nachal saꞌ choxa, joꞌ li hab ut li sakꞌe. Aꞌan ta̱qꞌuehok a̱cue chixjunil li usilal li nacuan saꞌ ruchichꞌochꞌ, joꞌ li haꞌ li na-el saꞌ chꞌochꞌ. Aꞌan tixqꞌue chi qꞌuia̱nc nabaleb la̱ cualal a̱cꞌajol.

Proverbios 3:20

Xban nak cuan xnaꞌleb quixjach li haꞌ riqꞌuin li chꞌochꞌ. Ut quixyi̱b ajcuiꞌ li chok re nak tixqꞌue li hab saꞌ ruchichꞌochꞌ.

Proverbios 19:12

Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.