Génesis 27:2 - Li Santil hu

² Laj Isaac quixye re: —La̱at nacanau nak ti̱xin chic. Ma̱re chi se̱b nincam.

Q'eqchi Bible

² Kixye laj Isahak: “K'e reetal, tiixin chik ut ink'a' ninnaw li xkutankil linkamik.

Génesis 27:2 ပူးပေါင်းရင်းမြစ်များ

Santiago 4:14

Aban la̱ex incꞌaꞌ nequenau cꞌaꞌru te̱cꞌul cuulaj caꞌbej xban nak li kayuꞌam chanchan li chok. Junpa̱t ajcuiꞌ nacuan ut junpa̱t chic ac ma̱cꞌaꞌ chic.

San Marcos 13:35

Joꞌcan ajcuiꞌ la̱ex. Junelic yoꞌon cua̱nkex xban nak incꞌaꞌ nequenau jokꞌe ho̱nal tincꞌulu̱nk. Ma̱re tincha̱lk ecuu, malaj tuktu kꞌojyi̱n, malaj ut nak naya̱bac laj tzoꞌ xul malaj ut ekꞌela.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Proverbios 27:1

Me̱nimobresi e̱rib chixyebal cꞌaꞌru te̱ba̱nu cuulaj xban nak incꞌaꞌ nequenau cꞌaꞌru ta̱cꞌulma̱nk cuulaj.

Isaías 38:3

—At Ka̱cuaꞌ, at inDios, la̱in nintzꞌa̱ma cha̱cuu, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut saꞌ ti̱quilal. Xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Isaías 38:1

Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

1 Samuel 20:3

Laj David quixye re: —La̱ yucuaꞌ naxnau nak raro̱quin a̱ban. Incꞌaꞌ naraj xqꞌuebal xrahil a̱chꞌo̱l. Joꞌcan nak incꞌaꞌ naxye a̱cue. Saꞌ xcꞌabaꞌ li nimajcual Dios ut saꞌ a̱cꞌabaꞌ ajcuiꞌ la̱at, la̱in ninye a̱cue nak ta̱raj incamsinquil, chan.

Génesis 48:21

Ut laj Israel quixye re laj José: —Anakcuan ca̱mc cue la̱in. Li Ka̱cuaꞌ Dios taxak chicua̱nk e̱riqꞌuin, ex cualal incꞌajol. Ut aꞌan taxak chisukꞌisi̱nk e̱re saꞌ lix tenamiteb li kaxeꞌto̱nil yucuaꞌ.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Génesis 27:3

Anakcuan tatxic saꞌ qꞌuicheꞌ chi yohoc. Cꞌam li cꞌaꞌru a̱cue ta̱cꞌanjelak re xcamsinquil li xul. Ta̱cꞌam chak chokꞌ cue li cꞌaꞌru ta̱camsi.