Génesis 27:14 - Li Santil hu

¹⁴ Laj Jacob co̱ chixcꞌambaleb li chiba̱t ut quixkꞌaxtesi saꞌ rukꞌ lix naꞌ. Ut lix naꞌ quixyi̱b li tibel cua li nacuulac chiru lix yucuaꞌ laj Jacob.

Q'eqchi Bible

¹⁴ Koho laj Jakob chi xsik'b'aleb' li chib'aat ut kixk'ameb' chaq rik'in li xna', ut a'an kixk'uub' chi chaab'il li tzekemq, jo' nawulak chiru li yuwa'b'ej.

Génesis 27:14 ပူးပေါင်းရင်းမြစ်များ

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Salmos 141:4

China̱tenkꞌa re nak incꞌaꞌ ta̱xic inchꞌo̱l chirix li incꞌaꞌ us. Incꞌaꞌ taxak tinba̱nu li ma̱usilal li nequeꞌxba̱nu li incꞌaꞌ useb xnaꞌleb. Ut incꞌaꞌ taxak tincua̱nk saꞌ lix ninkꞌeheb li nequeꞌxba̱nu.

Génesis 27:31

Laj Esaú quixyi̱b ajcuiꞌ lix tibel xcua lix yucuaꞌ ut quixcꞌam riqꞌuin. Quixye re: —Ba̱nu usilal, tatcuaꞌak. Cueꞌ lix tibel a̱cua li xinyo chak. Nak tatrakekꞌ chi cuaꞌac, tina̱cuosobtesi, chan laj Esaú.

Génesis 27:17

Ut quixkꞌaxtesi li tibel cua joꞌ ajcuiꞌ li caxlan cua saꞌ rukꞌ laj Jacob.

Génesis 27:9

Ayu cuanqueb cuiꞌ li queto̱mk ut ta̱cꞌam chak cuibak li cha̱bil chiba̱t li toj sa̱jeb. Riqꞌuineb aꞌan la̱in tinyi̱b xtibel xcua la̱ yucuaꞌ li nacuulac chiru.

Génesis 27:7

La̱ yucuaꞌ xye re, “Ayu chi yohoc ut ta̱cꞌam chak junak li xul re nak ta̱yi̱b lin tzacae̱mk. Tincuaꞌak ut la̱in tatcuosobtesi chiru li Ka̱cuaꞌ Dios nak toj yoꞌyo̱quin,” chan la̱ yucuaꞌ re laj Esaú.

Génesis 27:4

Ut ta̱yi̱b caꞌchꞌinak lin tzacae̱mk li nacuulac chicuu. Nak ac xincuaꞌac, la̱in tatcuosobtesi nak toj yoꞌyo̱quin, chan laj Isaac re laj Esaú.

Génesis 25:28

Laj Isaac kꞌaxal naxra laj Esaú xban nak aꞌan naxtiu li xul li naxyo chak. Ut laj Jacob, aꞌan li kꞌaxal raro xban lix Rebeca.

Génesis 27:13

Ut lix naꞌ quixye re: —Matcꞌoxlac chirix aꞌan. La̱in chincꞌuluk re li raylal aꞌan. La̱at ba̱nu li cꞌaꞌru yo̱quin chixyebal a̱cue. Cꞌameb chak li chiba̱t li xinye a̱cue, chan re laj Jacob.

Génesis 27:15

Lix Rebeca quirisi chak li rakꞌ laj Esaú li kꞌaxal cha̱bil li xocxo xban, ut quixqꞌue chirix laj Jacob li i̱tzꞌinbej.