Génesis 26:4 - Li Santil hu

⁴ Teꞌnabalokꞌ la̱ cualal a̱cꞌajol joꞌ xqꞌuial li chahim chiru choxa. Chixjunil li chꞌochꞌ aꞌin tinqꞌue chokꞌ reheb la̱ cualal a̱cꞌajol. Chixjunileb li tenamit li teꞌcua̱nk saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol, chan.

Q'eqchi Bible

⁴ Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 26:4 ပူးပေါင်းရင်းမြစ်များ

Hechos 3:25

La̱ex ralal xcꞌajol eb li profeta ut la̱ex texcꞌuluk re li quiyechiꞌi̱c reheb le̱ xeꞌto̱nil yucuaꞌ. Nak li Dios quixba̱nu li contrato riqꞌuin laj Abraham, quixye re, “Chixjunileb li cuanqueb saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol.”

Gálatas 3:8

Najter kꞌe cutan nak toj ma̱jiꞌ nacꞌulun resil li evangelio saꞌ ruchichꞌochꞌ, ac cuan saꞌ xchꞌo̱l li Dios nak ta̱ti̱cobresi̱k xchꞌo̱leb li ma̱cuaꞌeb aj judío nak teꞌpa̱ba̱nk. Joꞌcan nak tzꞌi̱banbil saꞌ li Santil Hu li quixye li Dios re laj Abraham: Saꞌ a̱cꞌabaꞌ la̱at osobtesinbilakeb chixjunileb li tenamit. (Gén. 12:3)

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Éxodo 32:13

Julticak a̱cue laj Abraham ut laj Isaac ut laj Jacob. Eb aꞌan aj cꞌanjeleb cha̱cuu ut la̱at xayechiꞌi chi anchal a̱chꞌo̱l reheb. Xaye reheb nak ta̱qꞌue chi qꞌuia̱nc ut chi nabalocꞌ li ralal xcꞌajoleb joꞌ xqꞌuialeb li chahim saꞌ choxa. Ut xayechiꞌi jun cha̱bil naꞌajej reheb aꞌan chi junelic ut reheb ajcuiꞌ li ralal xcꞌajol, chan laj Moisés.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Gálatas 3:16

Joꞌ tzꞌi̱banbil saꞌ li Santil Hu, li cꞌaꞌru quiyechiꞌi̱c re laj Abraham xban li Dios, quiyechiꞌi̱c ajcuiꞌ reheb li ralal xcꞌajol. Moco yo̱ ta chi a̱tinac chirixeb chixjunileb li ralal xcꞌajol. Yo̱ ban chi a̱tinac chirix jun ajcuiꞌ. Ut li jun aꞌan, aꞌan li Cristo.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Hebreos 11:2

Li Dios quisahoꞌ xchꞌo̱l riqꞌuineb li kaxeꞌto̱nil yucuaꞌ xban nak queꞌpa̱ban.

Génesis 18:18

Laj Abraham, aꞌan li ta̱oc chokꞌ xxeꞌto̱nil yucuaꞌeb li qꞌuila tenamit ut eb aꞌan nimak xcuanquileb. Chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌ laj Abraham.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 28:14

La̱ cualal a̱cꞌajol teꞌqꞌuia̱nk joꞌ xqꞌuial li poks li cuan saꞌ li chꞌochꞌ ut telajeꞌxjeqꞌui rib saꞌ ruchichꞌochꞌ. Saꞌ a̱cꞌabaꞌ la̱at joꞌ ajcuiꞌ saꞌ xcꞌabaꞌeb la̱ cualal a̱cꞌajol, chixjunileb li tenamit li teꞌcua̱nk saꞌ ruchichꞌochꞌ teꞌxcꞌul jun li nimla usilal.

Génesis 35:12

Li chꞌochꞌ li xinqꞌue re laj Abraham joꞌ ajcuiꞌ re laj Isaac, anakcuan tinkꞌaxtesi chokꞌ a̱cue. Ut nak tatca̱mk la̱at, tinkꞌaxtesi li chꞌochꞌ aꞌin reheb la̱ cualal a̱cꞌajol, chan li Dios.

Génesis 47:27

Ut eb laj Israel queꞌcana aran Egipto saꞌ li naꞌajej Gosén. Ut queꞌtam li cꞌaꞌru reheb aꞌan. Ut queꞌqꞌuian ajcuiꞌ eb li ralal xcꞌajol.

Éxodo 6:4

La̱in quinba̱nu lin contrato riqꞌuineb ut quinyechiꞌi reheb li naꞌajej Canaán. Yal aj numeleb nak queꞌhilan aran.

Deuteronomio 9:5

Moco xban ta xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Ta̱risiheb ban xban nak kꞌaxal yibru lix naꞌlebeb ut xban ajcuiꞌ nak tento tixba̱nu li cꞌaꞌru quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

1 Crónicas 27:23

Laj David incꞌaꞌ quirajlaheb li toj ma̱cꞌaꞌ junmay chihab reheb xban nak li Ka̱cuaꞌ quixye nak tixqꞌueheb chi qꞌuia̱nc chi nabal laj Israel. Chanchanakeb xqꞌuial li chahim li cuanqueb chiru choxa.