Génesis 26:28 - Li Santil hu

²⁸ Eb aꞌan queꞌchakꞌoc ut queꞌxye re: —La̱o xkil nak li Ka̱cuaꞌ Dios yo̱ cha̱tenkꞌanquil. Ut xkaye chi kibil kib nak takaba̱nu junak li contrato a̱cuiqꞌuin.

Q'eqchi Bible

²⁸ Ke'chaq'ok eb' a'an ut ke'xye: “Xqak'e reetal naq li Qaawa' wank aawik'in. Jo'kan naq xqaye: «Chiwanq junaq jurament sa' qayanq ut choowanq sa' sum'aatin chiqib'il qib'».

Génesis 26:28 ပူးပေါင်းရင်းမြစ်များ

Isaías 61:9

Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Josué 3:7

Li Ka̱cuaꞌ Dios quixye re laj Josué: —Chalen anakcuan tinqꞌue a̱cuanquil re nak eb laj Israel teꞌxqꞌue a̱lokꞌal ut teꞌxnau nak la̱in cuanquin a̱cuiqꞌuin joꞌ nak quincuan riqꞌuin laj Moisés.

Génesis 39:5

Chalen nak quixkꞌaxtesi saꞌ rukꞌ laj José li cꞌaꞌru cuan re, li Ka̱cuaꞌ Dios quirosobtesi laj Potifar laj Egipto saꞌ xcꞌabaꞌ laj José. Xban li Ka̱cuaꞌ Dios quinabaloꞌ li cꞌaꞌru cuan re laj Potifar.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Hebreos 6:16

Nak na-uxman li juramento napatzꞌman xcꞌabaꞌ junak li kꞌaxal nim xcuanquil re nak nachꞌola ru li ya̱l ut narakeꞌ ajcuiꞌ li cuechꞌi̱nc ib.

1 Corintios 14:25

Li Dios tixcꞌut chiru chi tzꞌakal cꞌaꞌru cuan saꞌ xchꞌo̱l. Ut li jun aꞌan tixcuikꞌib rib ut tixlokꞌoni li Dios ut tixye nak relic chi ya̱l li Dios cuan saꞌ xya̱nkeb laj pa̱banel.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

2 Crónicas 1:1

Lix cuanquil laj Salomón, li ralal laj David, quixakaba̱c saꞌ xnaꞌaj ut kꞌaxal cuiꞌchic quiniman xucuanquil xban nak li Ka̱cuaꞌ lix Dios cuan riqꞌuin.

Génesis 24:41

Ut quixye ajcuiꞌ cue laj Abraham, “Nak tatcuulak aran riqꞌuineb lin comon, ta̱sicꞌ rixakil li cualal. Cui eb li cuechꞌalal incꞌaꞌ teꞌxqꞌue li ixk, matcꞌoxlac chic chirix li juramento li xkaba̱nu,” chan cue laj Abraham.

Génesis 24:3

Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Génesis 31:44

Joꞌcan nak anakcuan la̱o takaba̱nu junak li contrato chi kibil kib. Takaba̱nu li contrato chokꞌ retalil nak xkayi̱b ru li chꞌaꞌajquilal aꞌin saꞌ xya̱lal, chan laj Labán.

Génesis 39:3

Laj Potifar quixqꞌue retal nak li Ka̱cuaꞌ Dios yo̱ chi tenkꞌa̱nc re laj José. Joꞌcan nak us na-el chiru chixjunil li cꞌaꞌru naxba̱nu.

1 Samuel 11:1

Laj Nahas, lix reyeb laj Amón, quixcauresiheb lix soldado ut queꞌco̱eb Jabes re Galaad re teꞌpletik riqꞌuineb. Eb li cui̱nk li cuanqueb Jabes re Galaad queꞌxye re: —Ba̱nu jun li contrato kiqꞌuin ut la̱o takacanab kib rubel a̱cuanquil, chanqueb.

1 Samuel 18:28

Laj Saúl quixqꞌue retal nak li Ka̱cuaꞌ natenkꞌan re laj David. Ut quixqꞌue ajcuiꞌ retal nak lix Mical lix rabin naxra laj David.

2 Crónicas 15:9

Chirix aꞌan quixchꞌutubeb li ralal xcꞌajol laj Judá ut eb li ralal xcꞌajol laj Benjamín. Ut quixchꞌutubeb ajcuiꞌ li ralal xcꞌajol laj Efraín, ut eb li ralal xcꞌajol laj Simeón, joꞌ eb ajcuiꞌ li ralal xcꞌajol laj Manasés, li queꞌel saꞌ li naꞌajej Israel ut queꞌco̱eb chi cua̱nc Judá. Nabaleb li queꞌco̱eb Judá xban nak queꞌxqꞌue retal nak li Ka̱cuaꞌ cuan riqꞌuin laj Asa.