Génesis 26:25 - Li Santil hu

²⁵ Ut laj Isaac quixtus li pec ut quixyi̱b jun lix artal ut quixlokꞌoni li Ka̱cuaꞌ Dios. Laj Isaac quixyi̱b ajcuiꞌ lix muheba̱l re nak ta̱cua̱nk aran. Ut eb lix mo̱s laj Isaac queꞌxbec aran jun chic lix julel haꞌ.

Q'eqchi Bible

²⁵ Toja' naq laj Isahak kixyiib' aran jun li artal ut kixyaab'a xk'ab'a' li Qaawa'. Sa' li na'ajej a'an kixyiib' li xmuheb'aal, ut eb' laj k'anjel ke'xb'ek jun xjulel li ha'.

Génesis 26:25 ပူးပေါင်းရင်းမြစ်များ

Salmos 116:17

La̱in tinya̱ba lix cꞌabaꞌ li nimajcual Dios ut tinmayejak re xbantioxinquil chiru.

Génesis 13:18

Tojoꞌnak laj Abram quixjal lix naꞌajeb lix muheba̱l. Ut co̱ chi cua̱nc saꞌ li naꞌajej ji ru. Eb li cheꞌ ji, aꞌan re laj Mamre. Li naꞌajej aꞌin nachꞌ cuan riqꞌuin li tenamit Hebrón. Ut laj Abram quixyi̱b jun chic li artal aran re xlokꞌoninquil li Ka̱cuaꞌ Dios.

Éxodo 17:15

Laj Moisés quixyi̱b jun li artal ut quixqꞌue chokꞌ xcꞌabaꞌ Jehová-nisi. Li cꞌabaꞌej aꞌan naraj naxye: “li Ka̱cuaꞌ Dios naxqꞌue kacuanquil”.

Génesis 35:1

Ut li Dios quixye re laj Jacob: —Anakcuan yi̱bomak li cꞌaꞌru e̱re ut texxic saꞌ li tenamit Bet-el ut texcana̱k aran. Ut ta̱yi̱b junak li artal re tina̱lokꞌoni cuiꞌ. Aꞌan li naꞌajej li quincꞌutbesi cuiꞌ cuib cha̱cuu nak cat-e̱lelic chiru laj Esaú la̱ cuas, chan li Dios.

Génesis 33:20

Ut aran quixyi̱b jun li artal laj Jacob re xlokꞌoninquil li Ka̱cuaꞌ Dios. Li naꞌajej aꞌan quixqꞌue chokꞌ xcꞌabaꞌ El-Elohe-Israel.

Génesis 22:9

Queꞌcuulac saꞌ li naꞌajej li quiyeheꞌ re xban li Dios. Ut laj Abraham quixyi̱b jun lix artal riqꞌuin li tusbil pec ut quixtus lix siꞌ saꞌ xbe̱n. Ut quixbacꞌ li ralal ut quixyocob saꞌ xbe̱n li siꞌ.

Génesis 13:4

Aꞌan li naꞌajej li quixyi̱b cuiꞌ li artal junxil. Ut aran laj Abram quixlokꞌoni cuiꞌchic li Ka̱cuaꞌ Dios.

Génesis 8:20

Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Génesis 4:26

Ut mokon chic laj Set quicuan jun li ralal. Aj Enós quixqꞌue chokꞌ xcꞌabaꞌ. Nak ac cuan chic laj Enós, queꞌxtiquib xchꞌutubanquileb rib re xlokꞌoninquil li Dios.

Génesis 26:32

Saꞌ ajcuiꞌ li cutan aꞌan lix mo̱seb laj Isaac queꞌcuulac riqꞌuin ut queꞌxye re nak queꞌxbec jun chic lix julel li haꞌ. Queꞌxye re, —Anakcuan xkatau li haꞌ, chanqueb.