Génesis 26:24 - Li Santil hu

²⁴ Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Q'eqchi Bible

²⁴ Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 26:24 ပူးပေါင်းရင်းမြစ်များ

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Hechos 7:32

“La̱in li Ka̱cuaꞌ Dios li queꞌxlokꞌoni chak la̱ xeꞌto̱nil yucuaꞌ. La̱in li Dios li queꞌxlokꞌoni chak laj Abraham, laj Isaac, ut laj Jacob,” chan. Ut laj Moisés nasicsot xban xxiu ut incꞌaꞌ chic quixcuy rilbal.

Génesis 24:12

Li mo̱s quitijoc ut quixye re li Dios: —At Ka̱cuaꞌ, la̱at li Dios li naxlokꞌoni laj Abraham lin patrón. Tintzꞌa̱ma cha̱cuu nak china̱tenkꞌa anakcuan. Chacuuxta̱na taxak ru lin patrón.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

Isaías 44:2

La̱in li Ka̱cuaꞌ Dios. La̱in quinyoꞌobtesin e̱re. Chalen saꞌ le̱ yoꞌlajic la̱in xintenkꞌan e̱re. Mexxucuac, la̱ex aj cꞌanjel chicuu. La̱ex sicꞌbil e̱ru ut raro̱quex inban.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Génesis 31:5

Laj Jacob quixye reheb li rixakil: —La̱in yo̱quin chixqꞌuebal retal nak le̱ yucuaꞌ incꞌaꞌ chic sa ninril joꞌ junxil. Ut li Ka̱cuaꞌ Dios li naxlokꞌoni lin yucuaꞌ, aꞌan xtenkꞌan cue arin.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Génesis 22:19

Chirix chic aꞌan laj Abraham quisukꞌi cuiꞌchic saꞌ li naꞌajej li quixcanabeb cuiꞌ lix mo̱s. Ut chixjunileb queꞌco̱eb cuiꞌchic saꞌ li tenamit Beerseba. Ut aran quicana laj Abraham.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Génesis 21:17

Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 30:27

Ut laj Labán quixye: —Ba̱nu usilal, cana̱kat cuiqꞌuin. Xinqꞌue retal nak saꞌ a̱cꞌabaꞌ la̱at ninrosobtesi li Ka̱cuaꞌ Dios.

Génesis 46:1

Laj Israel qui-el aran ut quixcꞌam chirix chixjunil li cꞌaꞌru cuan re. Ut nak quicuulac saꞌ li naꞌajej Beerseba, quimayejac chiru li Ka̱cuaꞌ Dios, li naxlokꞌoni laj Isaac lix yucuaꞌ.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

Génesis 39:2

Li Ka̱cuaꞌ Dios quitenkꞌan re laj José ut us qui-el riqꞌuin chixjunil nak cuan saꞌ rochoch laj Egipto lix patrón.

Génesis 39:3

Laj Potifar quixqꞌue retal nak li Ka̱cuaꞌ Dios yo̱ chi tenkꞌa̱nc re laj José. Joꞌcan nak us na-el chiru chixjunil li cꞌaꞌru naxba̱nu.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Levítico 26:42

ta̱julticokꞌ cue li contrato li quinba̱nu riqꞌuineb laj Jacob, laj Isaac, ut laj Abraham. Ut ta̱julticokꞌ cue li chꞌochꞌ.

Levítico 26:45

Ta̱julticokꞌ ban cue li contrato li quinba̱nu riqꞌuineb le̱ xeꞌto̱nil yucuaꞌ nak queꞌcuisi chak saꞌ li tenamit Egipto chiruheb li xni̱nkal ru tenamit re nak la̱inak chic lix Dioseb, chan li Ka̱cuaꞌ.

Deuteronomio 31:6

Cacuubresihomak e̱chꞌo̱l ut chicua̱nk e̱metzꞌe̱u. Mexxucuak chi moco texcꞌoxlak xbaneb, xban nak li Ka̱cuaꞌ incꞌaꞌ texcanab e̱junes. Cua̱nk ban e̱riqꞌuin chi junelic, chan laj Moisés.

Li xHu LIX RUT 3:11

At Kanaꞌ, matcꞌoxlac chirix li yo̱cat chixtzꞌa̱manquil. Chixjunileb li tenamit nequeꞌxnau nak ti̱c a̱chꞌo̱l. La̱in tinba̱nu li cꞌaꞌru yo̱cat chixtzꞌa̱manquil chicuu.

1 Reyes 17:13

Laj Elías quixye re: —Matcꞌoxlac. Ayu saꞌ la̱ cuochoch. Ba̱nu joꞌ xaye. Abanan xbe̱n cua ta̱yi̱b jun chꞌina caxlan cua ut ta̱cꞌam chak chokꞌ cue. Chirix aꞌan ta̱yi̱b re la̱ yum ut la̱ cue la̱at.

Lamentaciones 3:57

Saꞌ li cutan nak quintzꞌa̱ma intenkꞌanquil a̱cue, la̱at caye cue: Matxucuac.