Génesis 26:22 - Li Santil hu

²² Ut laj Isaac queꞌel aran ut queꞌco̱eb saꞌ jalan chic naꞌajej. Ut aran queꞌxbec jun chic lix julel haꞌ. Aran ma̱ ani chic queꞌchꞌiꞌchꞌiꞌin re chirix li becbil haꞌ. Laj Isaac quixqꞌue Rehobot chokꞌ xcꞌabaꞌ li becbil haꞌ aꞌan. Ut laj Isaac quixye: —Anakcuan li Ka̱cuaꞌ Dios xoxtenkꞌa chixtaubal jun li kanaꞌaj cha̱bil. Sa chic tocua̱nk arin ut ta̱cua̱nk chixjunil li cꞌaꞌru ke, chan.

Q'eqchi Bible

²² Naq laj Isahak ki'elk aran, kixb'ek jun chik xjulel li ha', ab'an ink'a' chik ke'xpleeti rib' chirix a'an: jo'kan naq Rehobot kixk'e cho'q xk'ab'a'. Ut kixye: “Anaqwan li Qaawa' xk'e qanimla na'aj; sa chik toowanq sa' li ch'och' a'in”, chan.

Génesis 26:22 ပူးပေါင်းရင်းမြစ်များ

Éxodo 1:7

Aꞌut eb li imambej queꞌnabaloꞌ ut queꞌqꞌuian li ralal xcꞌajol laj Israel. Queꞌnumtajenakoꞌ lix cacuilaleb ut quila̱tzꞌoꞌ lix naꞌajeb.

Génesis 17:6

Relic chi ya̱l nak tebinqꞌue chi qꞌuia̱nc la̱ cualal a̱cꞌajol. Nabalak le̱ tenamit ut teꞌcua̱nk ajcuiꞌ le̱ rey saꞌ le̱ tenamit chixju̱nkaleb.

Salmos 118:5

Nak cuanquin saꞌ raylal xintzꞌa̱ma intenkꞌanquil chiru li Ka̱cuaꞌ. Ut aꞌan xinixsume ut xinixcol.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

Salmos 18:19

Quinixcol saꞌ rukꞌeb li xicꞌ nequeꞌiloc cue. Quinixcol xban nak niquinixra.

Salmos 4:1

Chaqꞌue taxak li cꞌaꞌru nintzꞌa̱ma cha̱cuu, at inDios. Caꞌaj cuiꞌ a̱cuiqꞌuin nintau xti̱quilal inchꞌo̱l. Nak cuanquin saꞌ raylal, la̱at nacattenkꞌan cue ut nacaqꞌue xsahil inchꞌo̱l. Chacuil taxak xtokꞌoba̱l cuu ut chacuabi taxak lin tij.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 26:21

Ut lix mo̱s laj Isaac queꞌxbec jun chic lix julel haꞌ. Ut quicuan cuiꞌchic li ple̱t chirix lix julel haꞌ aꞌan. Ut laj Isaac quixqꞌue Sitna chokꞌ xcꞌabaꞌ lix julel haꞌ aꞌan.

Isaías 54:2

Chenimobresiheb le̱ muheba̱l li nequexcuan cuiꞌ. Nimak rok le̱ cꞌa̱m li nachapoc re li muheba̱l ut qꞌuehomakeb xcacuub li cheꞌ li nequeꞌchapoc re li cꞌa̱m saꞌ chꞌochꞌ.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Salmos 119:32

Tinqꞌue inchꞌo̱l chixba̱nunquil li cꞌaꞌru naxye la̱ chakꞌrab xban nak la̱at nacacꞌut chicuu lix ya̱lal.