Génesis 26:18 - Li Santil hu

¹⁸ Laj Isaac quixtakla cuiꞌchic xbecbaleb lix julel li haꞌ li queꞌxbec nak toj yoꞌyo̱k laj Abraham, li queꞌxbutꞌ eb laj filisteo nak ac xcam laj Abraham. Lix cꞌabaꞌeb li qꞌuebil chak junxil xban laj Abraham, aꞌan cuiꞌchic quixqꞌue chokꞌ xcꞌabaꞌ laj Isaac.

Q'eqchi Bible

¹⁸ Kixb'ek wi' chik eb' li xjulel li ha' li xb'ekomeb' junxil laj k'anjel chiru laj Abrahán li xyuwa', a'eb' li ke'b'ut'e'k xb'aaneb' laj Filistea chirix xkamik laj Abrahán; ut kixk'e wi' chik xk'ab'a'eb' li ak xk'ehom laj Abrahán junxil.

Génesis 26:18 ပူးပေါင်းရင်းမြစ်များ

Zacarías 13:2

Saꞌ chixjunil li tenamit Israel, la̱in tinsacheb ru li jalanil dios ut tinsacheb ajcuiꞌ lix cꞌabaꞌeb re nak incꞌaꞌ chic teꞌlokꞌoni̱k xbaneb li tenamit. Ut tincuisiheb ajcuiꞌ li profeta li incꞌaꞌ useb xnaꞌlebeb saꞌ xya̱nkeb ut tincuisi ajcuiꞌ lix ma̱usilaleb.

Oseas 2:17

La̱in tin-isi̱nk re saꞌ xchꞌo̱l lix cꞌabaꞌeb laj Baal. Ut ma̱ jun sut chic tixpatzꞌ xcꞌabaꞌeb.

Salmos 16:4

Eb li nequeꞌlokꞌonin re li jalanil dios, raylal ta̱cha̱lk saꞌ xbe̱neb. La̱in incꞌaꞌ tinmayeja lix quiqꞌuel li xul chiruheb lix dioseb chi moco tinqꞌue xlokꞌaleb.

Números 32:38

ut Nebo ut Baal-meón, li cuib chi tenamit li queꞌxjal xcꞌabaꞌeb mokon. Ut queꞌxyi̱b ajcuiꞌ li tenamit Sibma. Ut queꞌxqꞌue jalan xcꞌabaꞌeb li tenamit li queꞌxyi̱b.

Génesis 21:31

Li becbil haꞌ aꞌin Beerseba queꞌxqꞌue chokꞌ xcꞌabaꞌ xban nak aran queꞌxba̱nu li contrato.

Génesis 21:25

Ut laj Abraham quijitoc chiru laj Abimelec chirix jun li becbil haꞌ. Quixye re nak li becbil haꞌ aꞌan quimakꞌeꞌ chiru xbaneb lix mo̱s laj Abimelec.

Génesis 26:17

Ut laj Isaac queꞌel aran ut co̱ toj saꞌ li ru takꞌa re Gerar. Ut aran queꞌcana chi cua̱nc.

Génesis 26:19

Saꞌ jun li cutan eb lix mo̱s laj Isaac yo̱queb chixbecbal jun chic lix julel haꞌ saꞌ li ru takꞌa nak queꞌxtau jun yuꞌam haꞌ.

2 Crónicas 26:10

Quixyi̱beb ajcuiꞌ li cab li najt xteram saꞌ li chaki chꞌochꞌ. Ut quixbec nabal li haꞌ xban nak cuan nabal lix queto̱mk saꞌ li ru takꞌa ut saꞌ li naꞌajej Sefela li tzu̱l ru. Ut cuanqueb ajcuiꞌ lix mo̱s li queꞌcꞌanjelac saꞌ lix naꞌaj lix uvas joꞌ saꞌ li tzu̱l ut saꞌ li ru takꞌa saꞌ li cha̱bil chꞌochꞌ xban nak aꞌan quicuulac ajcuiꞌ chiru li a̱uc.

Génesis 21:30

Laj Abraham quichakꞌoc ut quixye re: —Nak ta̱cꞌul li cuukub chi carner aꞌin, aꞌan retalil nak cue li becbil haꞌ xban nak la̱in xinbecoc re, chan.