Génesis 26:14 - Li Santil hu

¹⁴ Cꞌajoꞌ lix queto̱mk. Cuanqueb ajcuiꞌ nabal lix mo̱s. Ut eb laj filisteo queꞌoc chixcakalinquil laj Isaac.

Q'eqchi Bible

¹⁴ Wankeb' xkarneer, xwakax ut naab'aleb' laj k'anjel chiru. Ut eb' laj Filistea ke'ok chi xkaqalinkil.

Génesis 26:14 ပူးပေါင်းရင်းမြစ်များ

Génesis 37:11

Eb li ras cꞌajoꞌ nak nequeꞌxcakali riqꞌuin li cꞌaꞌak re ru aꞌin. Ut lix yucuaꞌ qui-oc chi cꞌoxlac chirix li quixmatqꞌue.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Proverbios 27:4

Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

Proverbios 10:22

Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

Salmos 112:3

Ta̱cua̱nk xbiomaleb ut ti̱cak xchꞌo̱leb chi junelic.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Li xHu LAJ JOB 5:2

La̱at nacanau nak li incꞌaꞌ useb xnaꞌleb, aꞌ ajcuiꞌ lix joskꞌil nacamsin reheb. Ut li ani nacakalin, aꞌan ajcuiꞌ lix cakal naqꞌuehoc re chi osocꞌ.

Li xHu LAJ JOB 1:3

Laj Job kꞌaxal nabal cꞌaꞌru re cuan. Cuukub mil lix carner ut oxib mil lix camello, o̱b ciento sumal lix bo̱yx ut o̱b ciento lix bu̱r. Kꞌaxal nabaleb lix mo̱s. Laj Job, aꞌan li kꞌaxal biom saꞌ chixjunil li naꞌajej li cuan saꞌ li oriente.

1 Samuel 18:9

Joꞌcan nak chalen saꞌ li cutan aꞌan, laj Saúl incꞌaꞌ chic sa naril laj David. Quixcakali ban.

Génesis 13:2

Numtajenak xbiomal laj Abram. Cuan x-oro. Cuan xplata ut cuan ajcuiꞌ nabal lix queto̱mk.

Génesis 12:16

Xban nak laj Abram quixkꞌaxtesi lix Sarai saꞌ rukꞌ laj faraón, nabal lix ra̱bal quiqꞌueheꞌ re laj Abram. Laj faraón quixqꞌue xqueto̱mk, quixqꞌue xcuacax, quixqꞌue xbu̱r ut quixqꞌue ajcuiꞌ lix mo̱s cui̱nk ut lix mo̱s ixk. Ut quiqꞌueheꞌ ajcuiꞌ xni̱nki xul camello xcꞌabaꞌ.

Salmos 112:10

Eb li incꞌaꞌ useb xnaꞌleb nequeꞌxqꞌue retal nak osobtesinbil li cha̱bil xnaꞌleb. Nequeꞌjoskꞌoꞌ xban. Xicꞌ chic nequeꞌril ut nequeꞌraj xba̱nunquil ma̱usilal re. Abanan incꞌaꞌ teꞌru̱k.

Génesis 24:35

Li Ka̱cuaꞌ Dios nabal li usilal xba̱nu re lin patrón. Nim lix cuanquil laj Abraham. Cꞌajoꞌ xqꞌuial li cꞌaꞌru re li quiqꞌueheꞌ re xban li Ka̱cuaꞌ Dios. Ma̱ caꞌchꞌin lix queto̱mk cuan. Cuan xcarner, cuan xcuacax, cuan xcamellos ut cuan xburros. Cuan ajcuiꞌ nabal lix oro ut lix plata. Ut nabaleb ajcuiꞌ lix mo̱s, joꞌ ixk joꞌ cui̱nk.

Génesis 25:5

Chixjunil li cꞌaꞌru cuan re laj Abraham, laj Isaac quie̱chanin re.

Génesis 30:43

Chi joꞌcaꞌin laj Jacob quinumta xbiomal. Quicuan nabaleb lix queto̱mk. Quicuan ajcuiꞌ nabal lix camellos joꞌ ajcuiꞌ lix burros. Ut queꞌcuan ajcuiꞌ nabal lix mo̱s joꞌ cui̱nk joꞌ ixk.