Génesis 26:12 - Li Santil hu

¹² Saꞌ li chihab aꞌan laj Isaac qui-au saꞌ li naꞌajej aꞌan. Ut kꞌaxal cuiꞌchic nabal li ru li racui̱mk li quixxoc xban nak li Ka̱cuaꞌ Dios quirosobtesi laj Isaac.

Q'eqchi Bible

¹² Sa' li chihab' a'an laj Isahak ki'awk sa' li na'ajej a'an ut kixxok o'taqk'aal sa' xb'een li junjunq, xb'aan naq ki'osob'tesiik xb'aan li Qaawa'.

Génesis 26:12 ပူးပေါင်းရင်းမြစ်များ

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

San Marcos 4:8

Ut cuan cuiꞌchic li iyaj coxnak saꞌ li cha̱bil chꞌochꞌ. Quimok ut quiqꞌui ut quiu̱chin chi us. Cuan quixqꞌue laje̱tk xcaꞌcꞌa̱l (30) ru. Cuan li quixqꞌue oxtakcꞌa̱l (60) ru ut cuan cuiꞌchic quixqꞌue oꞌtakcꞌa̱l (100) ru li junju̱nk.

Eclesiastés 11:6

Nak tat-a̱uk, ta̱cuau la̱ cuiyaj ekꞌela ut ta̱cuau cuiꞌchic ecuu xban nak incꞌaꞌ nacanau bar cuan li ta̱e̱lk chi us, ma li ta̱cuau xbe̱n cua, malaj ut li ta̱cuau mokon, malaj ut juntakꞌe̱t ta̱e̱lk.

Salmos 67:6

Li Ka̱cuaꞌ li kaDios ta̱osobtesi̱nk ke ut kꞌaxal nabal li ru li kacui̱mk ta̱e̱lk saꞌ li kachꞌochꞌ.

Génesis 24:35

Li Ka̱cuaꞌ Dios nabal li usilal xba̱nu re lin patrón. Nim lix cuanquil laj Abraham. Cꞌajoꞌ xqꞌuial li cꞌaꞌru re li quiqꞌueheꞌ re xban li Ka̱cuaꞌ Dios. Ma̱ caꞌchꞌin lix queto̱mk cuan. Cuan xcarner, cuan xcuacax, cuan xcamellos ut cuan xburros. Cuan ajcuiꞌ nabal lix oro ut lix plata. Ut nabaleb ajcuiꞌ lix mo̱s, joꞌ ixk joꞌ cui̱nk.

Génesis 24:1

Laj Abraham ac ti̱x chic. Qꞌuila chihab cuan re. Laj Abraham qui-osobtesi̱c xban li Dios. Numtajenak li usilal li quiqꞌueheꞌ re.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Génesis 30:30

Julticak a̱cue nak xincꞌulun a̱cuiqꞌuin, incꞌaꞌ qꞌui li cꞌaꞌru a̱cue. Ut anakcuan numtajenakeb xqꞌuial li cꞌaꞌru a̱cue. Chalen cuoquic a̱cuiqꞌuin, li Ka̱cuaꞌ Dios xatrosobtesi inban. Ut anakcuan ¿jokꞌe naru tintiquib trabajic re nak eb li cualal incꞌajol ta̱cua̱nk cꞌaꞌru reheb? chan.

San Mateo 13:8

Ut cuan cuiꞌchic li iyaj quinak saꞌ li cha̱bil chꞌochꞌ. Quimok ut quiu̱chin. Cuan quixqꞌue laje̱tk xcaꞌcꞌa̱l ru (30). Cuan quixqꞌue oxtakcꞌa̱l ru (60), ut cuan cuiꞌchic quixqꞌue oꞌtakcꞌa̱l ru (100) li junju̱nk.

Salmos 72:16

Chie̱lk taxak chi nabal li trigo saꞌ li naꞌajej. Numtajenakak ta li acui̱mk saꞌ eb li tzu̱l. Incꞌaꞌ ta chic ta̱cꞌutu̱nk li chꞌochꞌ xban xqꞌuialil. Chiu̱chi̱nk ta chi nabal li acui̱mk joꞌ xqꞌuial li cheꞌ li cuan Líbano. Ut cheꞌqꞌuia̱nk ta li tenamit joꞌ xqꞌuial li pim saꞌ cꞌaleba̱l.

San Mateo 13:23

Ut li iyaj li quinak saꞌ li cha̱bil chꞌochꞌ, aꞌaneb li nequeꞌrabi ut nequeꞌxpa̱b ut nequeꞌxtau ru chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60), ut li naxqꞌue oꞌtakcꞌa̱l ru (100) li junju̱nk.—

Génesis 26:29

Me̱ba̱nu li incꞌaꞌ us kiqꞌuin. La̱o ma̱cꞌaꞌ kaba̱nu chak e̱re. Junes usilal kaba̱nu chak e̱riqꞌuin. Saꞌ xya̱lal catkisi saꞌ kaya̱nk. Ut anakcuan la̱at osobtesinbilat xban li Ka̱cuaꞌ Dios, chan laj Abimelec.

Proverbios 10:22

Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

Génesis 25:11

Nak camenak chic laj Abraham, laj Isaac qui-osobtesi̱c xban li Dios. Laj Isaac quicuan saꞌ li naꞌajej cuan cuiꞌ li yuꞌam haꞌ “Li yoꞌyo̱quil Dios li na-iloc cue” xcꞌabaꞌ.