Génesis 25:22 - Li Santil hu

²² Saꞌ jun li cutan nak ma̱jiꞌ nacuulac xcutanquil xyoꞌlajic lix cꞌulaꞌal, lix Rebeca quirecꞌa nak cꞌajoꞌ nak yo̱ chi ecꞌa̱nc lix cꞌulaꞌal. Ut qui-oc xcꞌaꞌux riqꞌuin li cꞌaꞌru quirecꞌa. Lix Rebeca quixye saꞌ xchꞌo̱l: —¿Cꞌaꞌut nak yo̱quin chixcꞌulbal chi joꞌcaꞌin? chan. Ut quitijoc chiru li Dios ut quixye: —¿Cꞌaꞌut nak yo̱quin chixcꞌulbal chi joꞌcaꞌin? chan re li Dios.

Q'eqchi Bible

²² Ab'an eb' li xk'uula'al neke'xpleeti rib' rik'in chaq li xna'. Ut a'an kixye: “Wi jo'ka'in li wank, k'a' aj e naq yo'yooqin?”, chan. Ut koho chi patz'ok rik'in li Qaawa'.

Génesis 25:22 ပူးပေါင်းရင်းမြစ်များ

1 Samuel 9:9

(Saꞌ eb li cutan aꞌan cui queꞌraj xnaubal cꞌaꞌru naraj li Dios, queꞌxye, “Yoꞌo riqꞌuin laj kꞌe”, chanqueb, xban nak junxil “aj kꞌe” nequeꞌxye reheb. Anakcuan profeta chic nequeꞌxye reheb.)

Ezequiel 20:31

Chalen anakcuan nequemux e̱rib riqꞌuin xlokꞌoninquileb li jalanil dios ut nequeqꞌue le̱ cocꞌal chokꞌ cꞌatbil mayej. Ut chirix aꞌan nequexchal chixsicꞌbal e̱naꞌleb cuiqꞌuin. La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru nequepatzꞌ.

1 Samuel 30:8

Laj David quitijoc ut quixye re li Dios: —¿Ma us cui tinxic chirixeb chixchapbaleb laj Amalec? ¿Ma toj toxebintau saꞌ be? chan. Li Ka̱cuaꞌ quixye re: —Ayukex. Relic chi ya̱l ta̱tauheb ut ta̱coleb li xeꞌxchap ut xeꞌxcꞌam chirixeb, chan.

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

1 Samuel 10:22

Nak incꞌaꞌ queꞌxtau, queꞌxye re li Ka̱cuaꞌ: —¿Ma cuan saꞌ kaya̱nk li cui̱nk li xasicꞌ ru? chanqueb. Ut li Dios quixye reheb: —Laj Saúl cuan saꞌ e̱ya̱nk. Xmuk rib saꞌ xya̱nk li i̱k, chan.

Ezequiel 36:37

Ut tincuabi li cꞌaꞌru teꞌxtzꞌa̱ma chicuu eb li ralal xcꞌajol laj Israel. Tinqꞌueheb cuiꞌchic chi qꞌuia̱nc joꞌ xqꞌuial li queto̱mk.

1 Samuel 22:15

¿Ma tojeꞌ ta biꞌ anakcuan tinpatzꞌok chiru li Dios chirix aꞌan? Ma̱cꞌoxla nak la̱in yo̱quin chixcꞌu̱banquil li incꞌaꞌ us cha̱cuix, chi moco eb li cuechꞌalal. Chi ti̱c ma̱cꞌaꞌ ninnau chirix li naꞌleb aꞌan, chan.