Génesis 24:53 - Li Santil hu

⁵³ Tojoꞌnak quixkꞌaxtesi nabal lix ma̱tan lix Rebeca. Quixqꞌue li rakꞌ, quixqꞌue lix plata joꞌ ajcuiꞌ lix oro. Lix naꞌ ut li ras lix Rebeca queꞌxcꞌul ajcuiꞌ nabal lix ma̱tan terto xtzꞌak.

Q'eqchi Bible

⁵³ Chirix chik a'an kirisi chaq li aq'ej ut k'a'aq re ru yiib'anb'il rik'in oor ut plaat, ut kixk'e re lix Rebeka. Jo'kan ajwi' kixk'e xmaataneb' li ras ut li xna'.

Génesis 24:53 ပူးပေါင်းရင်းမြစ်များ

Génesis 24:22

Nak queꞌrakeꞌ chi ucꞌac eb li camellos, lix mo̱s laj Abraham quixkꞌaxtesi lix ma̱tan lix Rebeca. Quixqꞌue jun lix sahob ru li ruꞌuj tzꞌakal oro caꞌchꞌin chic ma̱ mero onza li ra̱lal ut quixqꞌue ajcuiꞌ cuib xsahob ru lix cux rukꞌ oro numenak ca̱hib onza li ra̱lal.

Génesis 24:10

Lix mo̱s laj Abraham quixcꞌam laje̱b li camello chirix. Quixcꞌam ajcuiꞌ qꞌuila pa̱y ru li ma̱tan terto xtzꞌak li quitakla̱c xban laj Abraham. Li mo̱s co̱ saꞌ li tenamit Mesopotamia. Aꞌan lix tenamit laj Nacor, li ri̱tzꞌin laj Abraham.

Éxodo 12:35

Ac quilajeꞌxba̱nu laj Israel joꞌ queꞌyeheꞌ reheb xban laj Moisés. Quilajeꞌxtzꞌa̱ma riqꞌuineb laj Egipto li cꞌaꞌak re ru yi̱banbil riqꞌuin oro ut plata joꞌ ajcuiꞌ li rakꞌeb.

Éxodo 11:2

Anakcuan ta̱yeheb re laj Israel nak xicakeb chixtzꞌa̱manquil li cꞌaꞌak re ru yi̱banbil riqꞌuin oro ut plata. Eb li cui̱nk teꞌxtzꞌa̱ma riqꞌuineb li rech cui̱nkilal ut joꞌcan ajcuiꞌ li ixk teꞌxtzꞌa̱ma riqꞌuin li rech ixkilal, chan li Dios.

Éxodo 3:22

Chixjunileb li ixk aj Israel teꞌxtzꞌa̱ma li cꞌaꞌak re ru yi̱banbil riqꞌuin oro ut plata riqꞌuineb li rechcabal joꞌ ajcuiꞌ riqꞌuineb li ani teꞌhila̱nk riqꞌuineb. Teꞌxtzꞌa̱ma ajcuiꞌ li cha̱bil akꞌej ut te̱qꞌueheb chirixeb le̱ ralal e̱cꞌajol. Chi joꞌcaꞌin ta̱makꞌma̱nk lix biomaleb laj Egipto, chan li Dios.

Isaías 39:2

Laj Ezequías quixcꞌuleb chi sa saꞌ xchꞌo̱l lix takl laj Merodac-baladán ut quixcꞌut chiruheb chixjunil lix biomal. Quixcꞌut chiruheb lix plata, lix oro, ut li qꞌuila pa̱y ru lix sununquil ban. Ut quixcꞌut ajcuiꞌ chiruheb lix chꞌi̱chꞌ re pletic. Chixjunil li cꞌaꞌru cuan re saꞌ lix naꞌaj quixcꞌut chiruheb. Ma̱cꞌaꞌ cꞌaꞌru re li rey Ezequías incꞌaꞌ ta quixcꞌut chiruheb lix takl laj Merodac-baladán.

Cantares 4:13

Saꞌ li naꞌajej aꞌan, cuan lix cheꞌel li granada ut cha̱bil nau̱chin. Ut cuan ajcuiꞌ li utzꞌuꞌuj alheña ut nardo.

Esdras 1:6

Ut chixjunileb li cuanqueb chi nachꞌ riqꞌuineb queꞌxtenkꞌaheb. Queꞌxqꞌue li plata, queꞌxqꞌue li oro ut li cꞌaꞌak re ru li ta̱cꞌanjelak chiruheb. Queꞌxqꞌue li xul li nequeꞌi̱kan ut nabal li cꞌaꞌak re ru terto xtzꞌak. Ut queꞌxqꞌue ajcuiꞌ lix mayej aꞌ yal joꞌ nimal x-ala chak saꞌ xchꞌo̱l li junju̱nk.

2 Crónicas 21:3

Lix yucuaꞌeb quixsi reheb nabal li oro, li plata ut cꞌaꞌak chic re ru li terto xtzꞌak. Ut quixqꞌue ajcuiꞌ reheb li tenamit li ac cauresinbileb re teꞌxcol cuiꞌ ribeb aran Judá. Abanan quixxakab laj Joram chi oc chokꞌ rey chokꞌ re̱kaj xban nak aꞌan li xbe̱n alalbej.

Cantares 1:10

Cꞌajoꞌ xchꞌinaꞌusal lix co a̱cue. Chꞌinaꞌus li caꞌxic nacacuocsi. Ut cꞌajoꞌ xchꞌinaꞌusal la̱ cux nacꞌutun riqꞌuin la̱ kꞌol.