Génesis 24:52 - Li Santil hu

⁵² Nak lix mo̱s laj Abraham quirabi li cꞌaꞌru queꞌxye, quixxulub rib saꞌ chꞌochꞌ chixbantioxinquil chiru li Dios.

Q'eqchi Bible

⁵² Naq laj k'anjel chiru laj Abrahán kirab'i li yookeb' chi xyeeb'al, kixhupub' rib' chiru ch'och' chi xloq'oninkil li Qaawa'.

Génesis 24:52 ပူးပေါင်းရင်းမြစ်များ

Génesis 24:48

Ut la̱in xinxulub lin jolom chixlokꞌoninquil li Ka̱cuaꞌ Dios li naxlokꞌoni laj Abraham lin patrón. Xinbantioxi chiru li Dios nak aꞌan xberesin chak cue ut xcꞌut chicuu ani tzꞌakal ta̱oc chokꞌ rixakil laj Isaac, chan.

Génesis 24:26

Nak quirabi aꞌan, lix mo̱s laj Abraham quixxulub lix jolom ut qui-oc chixlokꞌoninquil li Ka̱cuaꞌ Dios.

Salmos 95:6

Cha̱lkex ut kacuikꞌibak kib re xlokꞌoninquil li nimajcual Dios. Takacuikꞌib kib ut takalokꞌoni li Ka̱cuaꞌ li quiyoꞌobtesin ke.

2 Crónicas 20:18

Laj Josafat quixxulub rib saꞌ chꞌochꞌ. Ut chixjunileb laj Judá ut eb laj Jerusalén queꞌxcuikꞌib ribeb chiru li Ka̱cuaꞌ ut queꞌxlokꞌoni.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

San Mateo 2:11

Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

Génesis 24:51

Takaqꞌue lix Rebeca. Naru nacacꞌam cha̱cuix. Aꞌan ta̱oc chokꞌ rixakil li ralal la̱ patrón joꞌ quixye li Ka̱cuaꞌ Dios, chanqueb re.

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.