Génesis 24:45 - Li Santil hu

⁴⁵ La̱in toj yo̱quin ajcuiꞌ chi tijoc nak xchal lix Rebeca. Pakpo chak lix cuc xbe̱n xtel. Ut aꞌan xcube chixbutꞌbal lix cuc. Nak xtakeꞌ chak, la̱in xinye re, “Ba̱nu usilal, si bayak cuucꞌa. Ta̱chakik cue,” chanquin re.

Q'eqchi Bible

⁴⁵ Ka'ajwi' xinraqe'k chi raatinankil wib' injunes, naq lix Rebeka xwulak, paqpo xkuk sa' xb'een xtel; xkub'eek sa' li jul ut xrisi chaq xha'. Ut laa'in xinye re: «B'aanu usilal, si b'ayaq wuk'a'».

Génesis 24:45 ပူးပေါင်းရင်းမြစ်များ

Hechos 10:30

Quichakꞌoc laj Cornelio ut quixye: —Ca̱hib cutan anakcuan joꞌcaꞌin ajcuiꞌ ho̱nal nak yo̱quin chi ayunic ut chi tijoc saꞌ li cuochoch. Oxib o̱r re ecuu quixcꞌutbesi rib chicuu jun li cui̱nk nalemtzꞌun li rakꞌ.

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

Daniel 9:23

Chalen nak xatiquib tzꞌa̱ma̱nc chiru li Dios, aꞌan xrabi la̱ tij ut tixba̱nu li cꞌaꞌru xatzꞌa̱ma. Joꞌcan nak xinixtakla chak a̱cuiqꞌuin chixyebal a̱cue lix ya̱lal. La̱at raro̱cat xban li Dios. Chacuabi li tinye a̱cue re nak ta̱tau ru lix ya̱lal li quicꞌutbesi̱c cha̱cuu xban li Ka̱cuaꞌ.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

Romanos 8:26

Ut li Santil Musikꞌej nocoxtenkꞌa xban nak ma̱cꞌaꞌ naru nakaba̱nu kajunes. Incꞌaꞌ nakanau chanru nak totijok chi moco nakanau cꞌaꞌru takatzꞌa̱ma. Aban li Santil Musikꞌej natzꞌa̱man chikix chiru li Dios riqꞌuin yotꞌba chꞌo̱lej incꞌaꞌ naru xyebal yal riqꞌuin a̱tin.

Daniel 9:19

Choa̱cuabi, at Ka̱cuaꞌ. Chacuy taxak li kama̱c, at kaDios. At Ka̱cuaꞌ, chasume taxak li katij. Matbay taxak chixsumenquil li cꞌaꞌru xkatzꞌa̱ma a̱cue saꞌ xcꞌabaꞌ lix nimal la̱ rahom. La̱o nakaya̱ba la̱ cꞌabaꞌ saꞌ xbe̱n li tenamit aꞌin ut saꞌ xbe̱neb la̱ cualal a̱cꞌajol, chanquin re li Ka̱cuaꞌ.

Isaías 58:9

Cui te̱tzꞌa̱ma e̱tenkꞌanquil cue, la̱in texintenkꞌa. Nak te̱ya̱ba lin cꞌabaꞌ, la̱in tinye e̱re, “Cueꞌquin re texintenkꞌa.” Abanan tento nak te̱canab xba̱nunquil raylal reheb le̱ ras e̱ri̱tzꞌin ut te̱canab xkꞌabanquileb. Ut incꞌaꞌ tex-a̱tinak chi ma̱cꞌaꞌ rajbal.

Nehemías 2:4

Ut li rey quixye cue: —¿Cꞌaꞌru ta̱cuaj tinba̱nu?— Ut saꞌ li ho̱nal aꞌan quinpatzꞌ intenkꞌanquil riqꞌuin li Dios li cuan saꞌ choxa.

2 Samuel 7:27

At nimajcual Dios, la̱at li kaDios la̱o aj Israel. La̱at xacꞌutbesi chicuu nak xakxo̱k saꞌ xnaꞌaj lin cuanquil chi junelic. La̱at xaye cue nak eb li cualal incꞌajol teꞌoc chokꞌ rey chi junelic. Joꞌcan nak la̱in aj cꞌanjel cha̱cuu, yo̱quin chixtzꞌa̱manquil cha̱cuu li usilal aꞌin.

Génesis 24:44

Ut cui aꞌan tixye cue, ‘Us. Ucꞌan ut tinqꞌue ajcuiꞌ rucꞌaheb la̱ camellos,’ chaꞌak cue, aꞌan taxak retalil nak aꞌan li ixk li sicꞌbil ru a̱ban chokꞌ rixakil li ralal laj Abraham lin patrón,” chanquin re li Dios.