Génesis 24:42 - Li Santil hu

⁴² Nak xincꞌulun cuan cuiꞌ li becbil haꞌ, xin-oc chi tijoc chiru li Ka̱cuaꞌ Dios, li naxlokꞌoni laj Abraham. La̱in xinye re, “China̱tenkꞌa taxak re nak tintau lin taklanquil li xinchal chixba̱nunquil arin.

Q'eqchi Bible

⁴² “Us b'i', sa' li kutan a'in xink'ulunk chire li ha' ut xinye sa' inch'ool: «At Qaawa', xYosat laj Abrahán laj eechal we, wi taawaj rusilankil linb'eenik,

Génesis 24:42 ပူးပေါင်းရင်းမြစ်များ

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

Romanos 1:10

Cui li Dios naxqꞌue cue, chi se̱b tincuulak e̱riqꞌuin. Aꞌan li nintzꞌa̱ma junelic chiru li Dios.

Salmos 90:17

Aꞌ taxak li rusilal li Dios chicua̱nk kiqꞌuin. Aꞌ taxak li Dios chi-osobtesi̱nk ke re nak us toe̱lk riqꞌuin chixjunil li cꞌaꞌru takaba̱nu. Ya̱l. Aꞌan taxak chi-osobtesi̱nk ke re nak us toe̱lk riqꞌuin chixjunil li cꞌaꞌru takaba̱nu.

Salmos 37:5

Junelic chekꞌaxtesi e̱rib re li Ka̱cuaꞌ ut cauhak e̱chꞌo̱l riqꞌuin. Ut aꞌan ta̱tenkꞌa̱nk e̱re.

Esdras 8:21

Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Génesis 39:3

Laj Potifar quixqꞌue retal nak li Ka̱cuaꞌ Dios yo̱ chi tenkꞌa̱nc re laj José. Joꞌcan nak us na-el chiru chixjunil li cꞌaꞌru naxba̱nu.

Génesis 24:31

Laj Labán quixye re: —La̱at raro̱cat xban li Dios. Incꞌaꞌ tatcana̱k arin chire li haꞌ. Yoꞌo saꞌ kochoch ut tathila̱nk kiqꞌuin. Ac yi̱banbil le̱ naꞌaj joꞌ ajcuiꞌ xnaꞌajeb la̱ camellos, chan.

Génesis 24:11

Chire li tenamit cuan jun li becbil haꞌ. Li mo̱s quixqꞌueheb chi buchlac li camellos aran. Ac ecuu chic nak quicuulac. Aꞌan x-o̱ril nak nequeꞌcuulac li ixk chixcꞌambal lix haꞌeb.

Génesis 24:27

Quixye re li Dios: —Kꞌaxal nim la̱ cuanquilal. La̱at li Dios li naxlokꞌoni laj Abraham lin patrón. Junelic cuan saꞌ a̱chꞌo̱l ut nacaba̱nu li usilal re. La̱at xatcꞌamoc be chicuu. Joꞌcan nak xintau lix comoneb lin patrón, chan re li Ka̱cuaꞌ Dios.

1 Samuel 1:13

Nak lix Ana yo̱ chi tijoc, caꞌaj cuiꞌ lix tzꞌu̱mal re na-ecꞌan ut laj Elí incꞌaꞌ narabi li cꞌaꞌru yo̱ chixyebal. Joꞌcan nak laj Elí quixcꞌoxla nak ta̱cala̱k.

1 Samuel 9:6

Li mo̱s quixye re: —Saꞌ li tenamit aꞌin cuan jun li profeta naꞌno ru xban nak chixjunil li cꞌaꞌru naxye nacꞌulman. Toxic chirilbal. Ma̱re aꞌan tixye ke bar takatau eb li bu̱r, chan.