Génesis 24:32 - Li Santil hu

³² Ut li cui̱nk qui-oc saꞌ li rochoch ut laj Labán quixhiteb li ri̱keb li camellos. Quixqꞌue li qꞌuim joꞌ ajcuiꞌ xcuaheb li camellos. Quixqꞌue ajcuiꞌ xhaꞌeb li cui̱nk re nak teꞌxchꞌaj li rok.

Q'eqchi Bible

³² Ki'ok li winq sa' li kab'l, ut laj Labán kirisi li riiq eb' li kameey, kixk'eheb' xk'im ut xwa. Kixk'e ajwi' xha' li winq jo'wi' eb' li rochb'een re te'xch'aj li roqeb'.

Génesis 24:32 ပူးပေါင်းရင်းမြစ်များ

Jueces 19:21

Ut quixcꞌameb saꞌ li rochoch ut quixqꞌue richaj lix bu̱reb. Li cui̱nk ut eb li cuanqueb rochben queꞌxchꞌaj li rokeb ut queꞌcuaꞌac ut queꞌucꞌac.

Génesis 43:24

Ut li mo̱s quirocsiheb li cui̱nk saꞌ rochoch laj José, ut quixtakla xcꞌambal li haꞌ re nak teꞌxchꞌaj li rokeb. Ut queꞌqꞌueheꞌ ajcuiꞌ xcuaheb lix bu̱r.

Génesis 18:4

Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

San Lucas 7:44

Ut li Jesús quiril li ixk ut quixye re laj Simón: —Il a ixk aꞌin. Nak xincꞌulun saꞌ la̱ cuochoch, la̱at incꞌaꞌ xaqꞌue inhaꞌ re xchꞌajbal li cuok joꞌ cꞌaynako xba̱nunquil. Ut li ixk aꞌin xchꞌaj li cuok riqꞌuin xyaꞌal ru ut xmes riqꞌuin rismal xjolom.

Génesis 19:2

Ut quixye reheb: —Ex Ka̱cuaꞌ, ba̱nuhomak li usilal. Yoꞌkeb saꞌ li cuochoch ut aran te̱numsi li kꞌojyi̱n. Aran naru te̱chꞌaj le̱ rok. Ut toj cuulaj ekꞌela texxic, chan. Eb aꞌan queꞌxye re: —Bantiox a̱cue. Ma̱chꞌiꞌchꞌiꞌi a̱cuib. Naru nococuar saꞌ be, chanqueb.

1 Samuel 25:41

Lix Abigail quixcuikꞌib rib chiruheb ut quixye reheb: —La̱in aj cꞌanjel chiru laj David. La̱in tinchꞌaj li rokeb lix mo̱s cui joꞌcan naraj aꞌan tinba̱nu, chan.

Génesis 24:33

Ut quixqꞌue ajcuiꞌ lix tibel xcuaheb li cui̱nk. Lix mo̱s laj Abraham quixye re laj Labán: —Chacuy inma̱c. Toj ma̱jiꞌ nacuaj cuaꞌac. Xbe̱n cua tinye e̱re cꞌaꞌru lin taklanquil, chan. Ut laj Labán quixye re, —Ye ke cꞌaꞌru la̱ taklanquil xatchal chixba̱nunquil, chan re.

Génesis 29:13

Nak laj Labán quirabi resil nak laj Jacob cuan aran, quia̱linac saꞌ junpa̱t chixcꞌulbal. Nak quicuulac cuan cuiꞌ laj Jacob, quixkꞌalu ut quirutzꞌ ru. Ut saꞌ junpa̱t quixbok saꞌ rochoch. Laj Jacob najt quiserakꞌic riqꞌuin laj Labán.