Génesis 24:30 - Li Santil hu

³⁰ Quirabi nak lix Rebeca quixserakꞌi re lix naꞌ li cꞌaꞌru quiyeheꞌ re xban li cui̱nk. Quiril ajcuiꞌ lix sahob ru li ruꞌuj joꞌ ajcuiꞌ lix sahob ru lix cux rukꞌ. Joꞌcan nak co̱ saꞌ junpa̱t chi a̱tinac riqꞌuin li cui̱nk. Xakxo li cui̱nk chire li haꞌ nak quixtau rochben lix camellos.

Q'eqchi Bible

³⁰ Naq laj Labán kiril li xmatq'ab' ut li xsahob' ru xkux ruq' li ranab', ut kirab'i xyeeb'al lix Rebeka: “Jo'ka'in naq xinraatina li winq a'an”, kiwulak rik'in li winq ut koxtaw chire li ha' wankeb' wi' li xkameey.

Génesis 24:30 ပူးပေါင်းရင်းမြစ်များ

Génesis 24:22

Nak queꞌrakeꞌ chi ucꞌac eb li camellos, lix mo̱s laj Abraham quixkꞌaxtesi lix ma̱tan lix Rebeca. Quixqꞌue jun lix sahob ru li ruꞌuj tzꞌakal oro caꞌchꞌin chic ma̱ mero onza li ra̱lal ut quixqꞌue ajcuiꞌ cuib xsahob ru lix cux rukꞌ oro numenak ca̱hib onza li ra̱lal.

Génesis 24:29

Lix Rebeca cuan jun ras cui̱nk aj Labán xcꞌabaꞌ. Laj Labán co̱ saꞌ junpa̱t chi a̱tinac riqꞌuin li cui̱nk li cuan chire li haꞌ.

Génesis 24:31

Laj Labán quixye re: —La̱at raro̱cat xban li Dios. Incꞌaꞌ tatcana̱k arin chire li haꞌ. Yoꞌo saꞌ kochoch ut tathila̱nk kiqꞌuin. Ac yi̱banbil le̱ naꞌaj joꞌ ajcuiꞌ xnaꞌajeb la̱ camellos, chan.

Ezequiel 23:42

Qui-abi̱c xya̱beb li qꞌuila tenamit li yo̱queb chi ninkꞌei̱nc. Cuanqueb li cui̱nk li queꞌcꞌameꞌ saꞌ li chaki chꞌochꞌ, li ma̱cꞌaꞌeb xcuanquil. Queꞌxqꞌue lix sahob ru lix teleb li ixk ut queꞌxqꞌue li corona saꞌ xjolomeb.

Jueces 17:2

Laj Micaía quixye re lix naꞌ: —Nak qui-elkꞌa̱c cha̱cuu li jun mil riqꞌuin jun ciento chi tumin plata, la̱at xatzꞌa̱ma ma̱usilal saꞌ xbe̱n li ani qui-elkꞌan re. La̱in xin-elkꞌan re la̱ tumin. Cueꞌ li tumin cuan cuiqꞌuin. Anakcuan tinkꞌaxtesi a̱cue, chan. Ut li naꞌbej quixye: —Li Ka̱cuaꞌ Dios taxak chi-osobtesi̱nk a̱cue, chan.

Isaías 3:19

Ta̱risiheb ajcuiꞌ li kꞌol li nequeꞌxqꞌue chi xcux joꞌ eb ajcuiꞌ li caꞌxic joꞌ ajcuiꞌ lix sahob ru li nequeꞌxqꞌue saꞌ xcux rukꞌeb.

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.