Génesis 24:3 - Li Santil hu

³ Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

Q'eqchi Bible

³ Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Génesis 24:3 ပူးပေါင်းရင်းမြစ်များ

1 Corintios 7:39

Li ixk li sumsu tento nak ta̱cua̱nk riqꞌuin lix be̱lom aꞌ yal joꞌ najtil yoꞌyo̱k lix be̱lom. Ut cui nacam lix be̱lom aꞌan chic yal re ani aj iqꞌuin ta̱sumla̱k. Abanan cui naraj sumla̱c, tento nak riqꞌuin junak aj pa̱banel ta̱sumla̱k.

Nehemías 13:25

La̱in quincuechꞌiheb ut quinbok raylal saꞌ xbe̱neb. Cuan quinsaqꞌueb ut cuan quinmichꞌeb chi rismal ut quinpuersiheb nak teꞌxye riqꞌuin juramento nak incꞌaꞌ chic teꞌxqꞌue li ralal xcꞌajoleb chi sumla̱c riqꞌuineb li ralal xcꞌajoleb li jalaneb xtenamit, chi moco teꞌxcꞌam rixakileb saꞌ xya̱nkeb li jalaneb xtenamit, chanquin reheb.

Génesis 28:8

Xban nak laj Jacob quiyeheꞌ re nak incꞌaꞌ ta̱sumla̱k riqꞌuineb li ixk aj Canaán, laj Esaú quixtau ru nak lix yucuaꞌ incꞌaꞌ nacuulac chiru lix naꞌlebeb li ixk aj Canaán.

Jeremías 10:11

La̱ex aj Israel, cheyehak reheb li xni̱nkal ru tenamit nak eb lix yi̱banbil dios teꞌisi̱k saꞌ ruchichꞌochꞌ. Ma̱cuaꞌeb li yi̱banbil dios li queꞌyi̱ban re li choxa ut li ruchichꞌochꞌ.

2 Reyes 19:15

Quitijoc ut quixye: —At Ka̱cuaꞌ, la̱at li kaDios la̱o aj Israel. La̱at li cuancat saꞌ xyi li querubines. Caꞌaj cuiꞌ la̱at li Dios. La̱at cuan a̱cuanquil saꞌ xbe̱neb li xni̱nkal ru tenamit li cuanqueb saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Éxodo 34:16

Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

Nehemías 9:6

Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.

2 Crónicas 2:12

Lokꞌoninbil taxak li Ka̱cuaꞌ lix Dioseb laj Israel, li quiyi̱ban re li choxa joꞌ ajcuiꞌ li ruchichꞌochꞌ. Aꞌan quiqꞌuehoc re li rey David jun li ralal cha̱bil ut cuan xnaꞌleb. (Li ralal aꞌan, aꞌan la̱at.) La̱at ta̱yi̱b lix templo li Ka̱cuaꞌ ut ta̱yi̱b ajcuiꞌ la̱ cuochoch.

Josué 2:12

Joꞌcan nak la̱in nintzꞌa̱ma che̱ru nak te̱ba̱nu li juramento saꞌ xcꞌabaꞌ li Ka̱cuaꞌ le̱ Dios nak te̱ba̱nu usilal reheb li cuechꞌalal joꞌ nak xinba̱nu usilal e̱re la̱in. Te̱qꞌue junak retalil cue re nak tinnau nak ya̱l nak te̱ba̱nu li cꞌaꞌru yo̱quin chixtzꞌa̱manquil che̱ru.

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

Deuteronomio 6:13

Chelokꞌonihak li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Ut nak te̱ba̱nu junak juramento, te̱ba̱nu saꞌ xcꞌabaꞌ aꞌan.

Números 5:21

li Ka̱cuaꞌ tixqꞌue chi si̱pocꞌ la̱ saꞌ ut incꞌaꞌ chic ta̱ru̱k tatqꞌuiresi̱nk ut eb la̱ tenamit tateꞌxtzꞌekta̱na.

Éxodo 23:13

Cheba̱nu chixjunil li xinye e̱re. Incꞌaꞌ te̱lokꞌoni li jalanil dios chi moco te̱patzꞌ xcꞌabaꞌeb.

Éxodo 20:7

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Génesis 50:25

Laj José quixye ajcuiꞌ reheb: —Anakcuan la̱ex te̱ba̱nu junak li juramento cuiqꞌuin. Nak li Ka̱cuaꞌ Dios texrisi saꞌ li tenamit aꞌin, te̱ba̱nu usilal, te̱cꞌam lin bakel che̱rix nak texxic, chan laj José. Ut eb li ras laj José queꞌxcꞌul xchꞌo̱l li juramento li quixye reheb.

Génesis 27:46

Joꞌcan nak lix Rebeca co̱ chi a̱tinac riqꞌuin laj Isaac ut quixye re: —La̱in xintitzꞌ xbaneb li rixakil laj Esaú. Eb aꞌan aj hitita. Cui laj Jacob naxcꞌam junak li ixk aj hitita chokꞌ rixakil, ¿cꞌaꞌru aj e nak cua̱nkin arin? Us raj nak tinca̱mk, chan lix Rebeca re laj Isaac.

Génesis 21:23

Xban aꞌan, tintzꞌa̱ma cha̱cuu nak ta̱ye cue saꞌ xya̱lal chiru li Ka̱cuaꞌ Dios nak la̱at incꞌaꞌ ta̱ba̱nu li incꞌaꞌ us kiqꞌuin. Incꞌaꞌ ta̱ba̱nu li incꞌaꞌ us riqꞌuineb li cualal, joꞌ ajcuiꞌ riqꞌuineb li ralal xcꞌajol eb aꞌan. Joꞌ nak xinba̱nu li usilal a̱cue la̱at, joꞌcan ajcuiꞌ nak ta̱ba̱nu li usilal ke la̱o. Ta̱ba̱nu ajcuiꞌ usilal reheb li cristian li cuanqueb saꞌ li naꞌajej li cuancat cuiꞌ la̱at, chan.

Génesis 14:19

Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Génesis 6:4

Saꞌ eb li cutan aꞌan queꞌcuan cui̱nk ni̱nkeb rok. Ut eb li ralal xcꞌajol li Dios quilajeꞌcuan ralal xcꞌajol riqꞌuineb li ixk. Ut li ralal xcꞌajol eb aꞌan ni̱nkeb ajcuiꞌ rokeb. Eb li cui̱nk aꞌan cauheb rib ut naꞌno ruheb.

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

Hebreos 6:16

Nak na-uxman li juramento napatzꞌman xcꞌabaꞌ junak li kꞌaxal nim xcuanquil re nak nachꞌola ru li ya̱l ut narakeꞌ ajcuiꞌ li cuechꞌi̱nc ib.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Jeremías 12:16

Ya̱l nak eb aꞌan queꞌcꞌamoc be chiruheb lin tenamit chixlokꞌoninquil li yi̱banbil dios Baal. Abanan naru teꞌcua̱nk saꞌ xya̱nkeb lin tenamit cui teꞌxqꞌue inlokꞌal joꞌ nequeꞌxba̱nu lin tenamit ut cui teꞌxba̱nu li juramento saꞌ incꞌabaꞌ la̱in li yoꞌyo̱quil Dios.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Isaías 65:16

Li ani naraj nak ta̱osobtesi̱k tixtzꞌa̱ma li rosobtesinquil cuiqꞌuin la̱in, li tzꞌakal Dios. Ut li ani tixba̱nu li juramento tixba̱nu saꞌ incꞌabaꞌ la̱in, li tzꞌakal Dios. Ut ta̱sachk saꞌ inchꞌo̱l chi junaj cua li cꞌaꞌru quicꞌulman. Chanchan tzꞌaptzꞌo xbe̱n ta̱cana̱k, chan li Dios.

Isaías 48:1

Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Isaías 45:23

La̱in xinye li cua̱tin. Saꞌ incꞌabaꞌ la̱in xina̱tinac. Ma̱ ani ta̱jalok re li cꞌaꞌru xinye la̱in saꞌ ti̱quilal. Relic chi ya̱l chixjunileb teꞌxcuikꞌib ribeb chicuu ut teꞌxye nak la̱in li Ka̱cuaꞌ Dios.

Salmos 115:15

Aꞌ ta li nimajcual Dios li quiyi̱ban re li choxa ut li ruchichꞌochꞌ chi-osobtesi̱nk e̱re.

1 Samuel 20:17

Jun sut chic laj Jonatán quixye nak teꞌxba̱nu li juramento xban nak kꞌaxal cuiꞌchic naxra laj David joꞌ nak naxra rib aꞌan.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Éxodo 22:11

tento nak li jun li quicanaba̱c cuiꞌ li xul tixye li juramento saꞌ incꞌabaꞌ la̱in li Ka̱cuaꞌ Dios chiru laj e̱chal re nak aꞌan incꞌaꞌ xcheꞌ. Ut tento nak ta̱cꞌojla̱k xchꞌo̱l laj e̱chal re lix xul riqꞌuin li a̱tin aꞌan. Ut li jun chic incꞌaꞌ ta̱tojok.

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Génesis 24:7

Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.

Génesis 28:1

Laj Isaac quixbok laj Jacob riqꞌuin ut quixtzꞌa̱ma rusilal li Dios saꞌ xbe̱n. Quixye re: —Incꞌaꞌ naru ta̱cꞌam chokꞌ a̱cuixakil junak li ixk aj Canaán, li cuanqueb arin.

Génesis 47:31

Ut lix yucuaꞌ quixye re: —Ye cue ma relic chi ya̱l nak ta̱ba̱nu chi joꞌcan, chan. Ut laj José quixye re: —Relic chi ya̱l tinye a̱cue nak la̱in tinba̱nu chi joꞌcan, chan. Ut laj Jacob quix-anab rib chiru xjolom lix chꞌa̱t ut quixlokꞌoni li Ka̱cuaꞌ Dios.

Jueces 14:3

Ut lix naꞌ xyucuaꞌ queꞌxye re: —¿Cꞌaꞌut nak tatxic xsicꞌbal la̱ cuixakil saꞌ xya̱nkeb li incꞌaꞌ nequeꞌxpa̱b li Dios? ¿Ma ma̱cꞌaꞌ ta biꞌ ixk saꞌ kaya̱nk la̱o? ¿Ma ma̱cꞌaꞌ ta biꞌ ixk saꞌ li katenamit? chanqueb. Abanan laj Sansón quixye cuiꞌchic reheb: —Aꞌ li ixk aꞌan, aꞌan li nacuulac chicuu. Te̱tzꞌa̱ma aꞌan chokꞌ cuixakil, chan.

Salmos 136:26

Cheqꞌuehak taxak xlokꞌal li nimajcual Dios li cuan saꞌ choxa xban nak kꞌaxal nim li ruxta̱n saꞌ kabe̱n junelic.

Génesis 34:9

Us raj nak teꞌxcꞌam ribeb li kalal kacꞌajol re nak kechꞌalalak chic kib, chan. Li kalal la̱o teꞌsumla̱k riqꞌuineb le̱ rabin la̱ex. Ut le̱ ralal la̱ex teꞌsumla̱k riqꞌuineb li karabin la̱o.

Génesis 38:2

Ut aran cuan jun li cui̱nk aj cananeo aj Súa xcꞌabaꞌ. Laj Súa cuan jun lix rabin. Ut co̱ xchꞌo̱l laj Judá chirix li xkaꞌal aꞌan toj retal quixcꞌam chokꞌ rixakil.

1 Samuel 30:15

Laj David quixye re: —¿Ma ta̱ru̱k tina̱cꞌam cuanqueb cuiꞌ li jun chꞌu̱tal chi aj e̱lkꞌ aꞌan? chan. Ut li cui̱nk quixye re: —Cui la̱at ta̱ye cue saꞌ xcꞌabaꞌ li Dios nak incꞌaꞌ tina̱camsi, chi moco tina̱kꞌaxtesi saꞌ rukꞌ lin patrón, la̱in tatincꞌam bar cuanqueb cuiꞌ, chan.

Esdras 5:11

Eb aꞌan queꞌxye ke chi joꞌcaꞌin, “La̱o aj cꞌanjel chiru li Dios li kꞌaxal nim xcuanquil joꞌ saꞌ choxa joꞌ saꞌ ruchichꞌochꞌ. Yo̱co cuiꞌchic chixyi̱banquil li templo li quixakaba̱c najter xban jun lix nimal ru rey li quicuan Israel.”

Jeremías 29:6

Chexsumla̱k re teꞌcua̱nk e̱ralal e̱cꞌajol. Sicꞌomak li rixakileb le̱ ralal ut qꞌuehomakeb le̱ rabin chi sumla̱c re nak teꞌcua̱nk ajcuiꞌ li ralal xcꞌajoleb. Chexnabalokꞌ ut chexqꞌuia̱nk.