Génesis 24:28 - Li Santil hu

²⁸ Lix Rebeca co̱ saꞌ junpa̱t cuan cuiꞌ lix naꞌ. Ut quixcꞌut chiru li ma̱tan li quiqꞌueheꞌ re ut quixserakꞌi re chixjunil li cꞌaꞌru quiyeheꞌ re xban li cui̱nk li quixtau chire li haꞌ.

Q'eqchi Bible

²⁸ Toja' naq li ixqa'al koho sa' aanil sa' rochoch li xna' chi xyeeb'al chixjunil a'in.

Génesis 24:28 ပူးပေါင်းရင်းမြစ်များ

Génesis 31:33

Ut laj Labán quixsiqꞌueb lix dios saꞌ xmuheba̱l laj Jacob ut incꞌaꞌ quixtau. Quixsicꞌ ajcuiꞌ saꞌ xmuheba̱l lix Lea ut incꞌaꞌ quixtau. Quixsicꞌ ajcuiꞌ saꞌ xmuheba̱l li cuib chi mo̱s ut incꞌaꞌ ajcuiꞌ quixtau. Tojoꞌnak co̱ chixsicꞌbal saꞌ xmuheba̱l lix Raquel.

Génesis 24:67

Ut laj Isaac quixcꞌam lix Rebeca chokꞌ rixakil saꞌ rochoch lix naꞌ camenak. Laj Isaac cꞌajoꞌ nak quixra lix Rebeca. Ut riqꞌuin aꞌan quicꞌojla xchꞌo̱l ut incꞌaꞌ chic quirahoꞌ xchꞌo̱l xban xcamic lix naꞌ.

Génesis 24:55

Laj Labán ut lix naꞌ queꞌxye re: —¿Ma incꞌaꞌ naru ta̱cana̱k laje̱bak cutan chic lix Rebeca kiqꞌuin? Chirix li laje̱b cutan aꞌan ta̱ru̱k ta̱xic, chanqueb.

Génesis 24:48

Ut la̱in xinxulub lin jolom chixlokꞌoninquil li Ka̱cuaꞌ Dios li naxlokꞌoni laj Abraham lin patrón. Xinbantioxi chiru li Dios nak aꞌan xberesin chak cue ut xcꞌut chicuu ani tzꞌakal ta̱oc chokꞌ rixakil laj Isaac, chan.

Génesis 29:12

Laj Jacob quixye re lix Raquel: —Lin naꞌ la̱in, aꞌan lix Rebeca li ri̱tzꞌin la̱ yucuaꞌ. La̱o kacomon kib, chan. Ut lix Raquel co̱ saꞌ junpa̱t chixyebal re lix yucuaꞌ nak quia̱tinac riqꞌuin laj Jacob lix comoneb.

Génesis 24:29

Lix Rebeca cuan jun ras cui̱nk aj Labán xcꞌabaꞌ. Laj Labán co̱ saꞌ junpa̱t chi a̱tinac riqꞌuin li cui̱nk li cuan chire li haꞌ.