Génesis 24:22 - Li Santil hu

²² Nak queꞌrakeꞌ chi ucꞌac eb li camellos, lix mo̱s laj Abraham quixkꞌaxtesi lix ma̱tan lix Rebeca. Quixqꞌue jun lix sahob ru li ruꞌuj tzꞌakal oro caꞌchꞌin chic ma̱ mero onza li ra̱lal ut quixqꞌue ajcuiꞌ cuib xsahob ru lix cux rukꞌ oro numenak ca̱hib onza li ra̱lal.

Q'eqchi Bible

²² Naq ke'raqe'k chi uk'ak eb' li kameey, li winq kixchap jun matq'ab' oor kach'in chik maa mero oons li raalal, ut kixk'e chi ru'uj ruq' li ixqa'al; kixk'e ajwi' jun sumal xsahob' ru xkux ruq', numenaq kaahib' oons li raalal.

Génesis 24:22 ပူးပေါင်းရင်းမြစ်များ

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

Génesis 24:47

Ut la̱in xinpatzꞌ re, “¿Ani la̱ yucuaꞌ?” Ut aꞌan xye cue, “La̱in lix rabin laj Betuel. Lin yucuaꞌ, aꞌan li ralal laj Nacor riqꞌuin lix Milca,” chan. La̱in xinqꞌue re lix sahob ru li ruꞌuj. Ut xinqꞌue ajcuiꞌ lix sahob ru lix cux rukꞌ.

Génesis 24:30

Quirabi nak lix Rebeca quixserakꞌi re lix naꞌ li cꞌaꞌru quiyeheꞌ re xban li cui̱nk. Quiril ajcuiꞌ lix sahob ru li ruꞌuj joꞌ ajcuiꞌ lix sahob ru lix cux rukꞌ. Joꞌcan nak co̱ saꞌ junpa̱t chi a̱tinac riqꞌuin li cui̱nk. Xakxo li cui̱nk chire li haꞌ nak quixtau rochben lix camellos.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

1 Pedro 3:3

Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro.

Génesis 24:10

Lix mo̱s laj Abraham quixcꞌam laje̱b li camello chirix. Quixcꞌam ajcuiꞌ qꞌuila pa̱y ru li ma̱tan terto xtzꞌak li quitakla̱c xban laj Abraham. Li mo̱s co̱ saꞌ li tenamit Mesopotamia. Aꞌan lix tenamit laj Nacor, li ri̱tzꞌin laj Abraham.

Génesis 24:23

Lix mo̱s laj Abraham quixpatzꞌ re: —¿Ani la̱ yucuaꞌ? ¿Ma ta̱ru̱k tohila̱nk jun kꞌojyi̱nak saꞌ le̱ rochoch? chan re.

Génesis 24:53

Tojoꞌnak quixkꞌaxtesi nabal lix ma̱tan lix Rebeca. Quixqꞌue li rakꞌ, quixqꞌue lix plata joꞌ ajcuiꞌ lix oro. Lix naꞌ ut li ras lix Rebeca queꞌxcꞌul ajcuiꞌ nabal lix ma̱tan terto xtzꞌak.

Jeremías 32:9

Joꞌcan nak la̱in quinlokꞌ riqꞌuin laj Hanameel li chꞌochꞌ li cuan Anatot. Caꞌchꞌin ma̱ mero libra li plata li quintoj cuiꞌ.

Li xHu LAJ JOB 28:1

Cuan naꞌajej bar nequeꞌxtau cuiꞌ li plata saꞌ chꞌochꞌ. Ut cuan ajcuiꞌ naꞌajej re xcꞌatbal li oro re nak ta̱e̱lk lix tzꞌajnil.