Génesis 24:15 - Li Santil hu

¹⁵ Lix mo̱s laj Abraham ma̱jiꞌ narakeꞌ chi tijoc nak quicuulac lix Rebeca chire li haꞌ. Pakpo chak lix cuc saꞌ xbe̱n xtel. Lix Rebeca, aꞌan lix rabin laj Betuel, li ralal laj Nacor riqꞌuin lix Milca. Laj Nacor, aꞌan li ri̱tzꞌin laj Abraham.

Q'eqchi Bible

¹⁵ Toja' ajwi' traqe'q chi aatinak naq yo chi chalk lix Rebeka, paqpo chaq li xkuk sa' xb'een xtel. A'an xrab'in laj Betuel, xyum lix Milká, rixaqil laj Najor, riitz'in laj Abrahán.

Génesis 24:15 ပူးပေါင်းရင်းမြစ်များ

Génesis 11:29

Laj Abram quisumla riqꞌuin jun li ixk xSarai xcꞌabaꞌ. Ut laj Nacor quisumla riqꞌuin lix Milca. Lix Milca ut lix Isca xrabineb laj Harán.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

Génesis 24:45

La̱in toj yo̱quin ajcuiꞌ chi tijoc nak xchal lix Rebeca. Pakpo chak lix cuc xbe̱n xtel. Ut aꞌan xcube chixbutꞌbal lix cuc. Nak xtakeꞌ chak, la̱in xinye re, “Ba̱nu usilal, si bayak cuucꞌa. Ta̱chakik cue,” chanquin re.

Isaías 58:9

Cui te̱tzꞌa̱ma e̱tenkꞌanquil cue, la̱in texintenkꞌa. Nak te̱ya̱ba lin cꞌabaꞌ, la̱in tinye e̱re, “Cueꞌquin re texintenkꞌa.” Abanan tento nak te̱canab xba̱nunquil raylal reheb le̱ ras e̱ri̱tzꞌin ut te̱canab xkꞌabanquileb. Ut incꞌaꞌ tex-a̱tinak chi ma̱cꞌaꞌ rajbal.

Salmos 65:2

xban nak nacasume li cꞌaꞌru nakatzꞌa̱ma a̱cue. Chixjunileb li cuanqueb saꞌ ruchichꞌochꞌ, a̱cuiqꞌuin teꞌxtzꞌa̱ma li cꞌaꞌru teꞌraj.

Salmos 34:15

Li Ka̱cuaꞌ aꞌan naril li cꞌaꞌru nequeꞌxcꞌul li ti̱queb xchꞌo̱l ut naxtenkꞌaheb. Aꞌan narabi nak nequeꞌxtzꞌa̱ma xtenkꞌanquil chiru.

Éxodo 2:16

Ut aran coxtau jun li becbil haꞌ ut coxchunla̱k aran. Laj tij saꞌ li tenamit Madián cuukub lix rabin cuan. Eb aꞌan queꞌcuulac chirisinquil li haꞌ re nak teꞌxbutꞌ xnaꞌajeb rucꞌa lix queto̱mk lix yucuaꞌ.

Li xHu LIX RUT 2:17

Ac ecuu chic chi us nak quixcanab xxocbal lix cebada lix Rut. Tojoꞌnak quixten ru li joꞌ qꞌuial quixxoc. Ut numenak na caꞌcꞌa̱l libra li ru li cebada quixxoc.

Li xHu LIX RUT 2:2

Saꞌ jun li cutan lix Rut quixye re lix Noemí: —Tincuaj raj xic chixxocbal caꞌchꞌinak li cebada li natꞌaneꞌ chiruheb laj xocol cebada. La̱in tinxocok chirixeb li ani teꞌcꞌuluk cue saꞌ xya̱lal, chan. Ut lix Noemí quichakꞌoc ut quixye: —Us. Ayu, at incoꞌ.—

Génesis 29:9

Toj yo̱ ajcuiꞌ chi a̱tinac laj Jacob riqꞌuineb li cui̱nk nak quicuulac lix Raquel rochbeneb lix carner. Aꞌan na-iloc re lix carner lix yucuaꞌ.

Génesis 24:24

Lix Rebeca quichakꞌoc ut quixye re: —La̱in xrabin laj Betuel. Lin yucuaꞌ, aꞌan li ralal laj Nacor riqꞌuin lix Milca.

Génesis 11:27

Aꞌan aꞌin lix cꞌabaꞌeb li ralal xcꞌajol laj Taré. Laj Taré, aꞌan lix yucuaꞌeb laj Abram, laj Nacor ut laj Harán. Ut laj Harán, aꞌan lix yucuaꞌ laj Lot.

Proverbios 31:27

Incꞌaꞌ naxnumsi li cutan yal chi joꞌcan. Junelic ban naxqꞌue xchꞌo̱l xchꞌolaninquil lix jun cablal.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

Génesis 24:14

La̱in tinye re junak li xkaꞌal, “Ba̱nu usilal, cubsi la̱ cuc. Si bayak cuucꞌa”, chaꞌkin re. Ut cui aꞌan tixye cue, “Us. Ucꞌan ut tinqꞌue ajcuiꞌ rucꞌaheb la̱ camello”, chaꞌak cue, aꞌanak taxak retalil nak li ixk aꞌan li sicꞌbil ru a̱ban chokꞌ rixakil laj Isaac la̱ mo̱s. Chi joꞌcaꞌin tinnau nak xaba̱nu usilal re lin patrón, chan li mo̱s.

Génesis 25:20

Caꞌcꞌa̱l (40) chihab cuan re laj Isaac nak quixcꞌam lix Rebeca chokꞌ rixakil. Lix Rebeca, aꞌan lix rabin laj Betuel aj arameo re li tenamit Padan-aram. Li ras lix Rebeca, aꞌan laj Labán.

1 Samuel 9:11

Nak yo̱queb chi taksi̱nc saꞌ li tzu̱l, queꞌxcꞌul li tukꞌ ixk li yo̱queb chi xic chixcꞌambal xhaꞌeb. Queꞌxpatzꞌ reheb: —¿Ma arin cuan laj kꞌe? chanqueb.

Génesis 29:5

Laj Jacob quixye cuiꞌchic reheb, —¿Ma nequenau ru laj Labán li ralal laj Nacor? chan. Eb aꞌan queꞌchakꞌoc ut queꞌxye re: —Nakanau ru.—