Génesis 24:14 - Li Santil hu

¹⁴ La̱in tinye re junak li xkaꞌal, “Ba̱nu usilal, cubsi la̱ cuc. Si bayak cuucꞌa”, chaꞌkin re. Ut cui aꞌan tixye cue, “Us. Ucꞌan ut tinqꞌue ajcuiꞌ rucꞌaheb la̱ camello”, chaꞌak cue, aꞌanak taxak retalil nak li ixk aꞌan li sicꞌbil ru a̱ban chokꞌ rixakil laj Isaac la̱ mo̱s. Chi joꞌcaꞌin tinnau nak xaba̱nu usilal re lin patrón, chan li mo̱s.

Q'eqchi Bible

¹⁴ Li ixqa'al li tinye wi': «B'aanu usilal, salab' b'ayaq laakuk re tin'uk'aq», ut a'an tixye: «Uk'an ut tink'eheb' ajwi' chi uk'ak laakameey», a'an taxaq li xaxaqab' cho'q rixaqil laj Isahak laj k'anjel chawu. Jo'ka'in tinnaw naq xawusila ru laj eechal we”.

Génesis 24:14 ပူးပေါင်းရင်းမြစ်များ

Jueces 6:37

La̱in tinqꞌue jun rix li carner saꞌ li naꞌajej bar nequeꞌxpuxi cuiꞌ ru li trigo. Cui tꞌaktꞌakak rix li xul nak ta̱sake̱uk ut incꞌaꞌ ta̱tꞌaka̱k li chꞌochꞌ chi xjun sutam li rix li xul, aꞌanak li retalil chicuu nak la̱at tattenkꞌa̱nk cue chixcolbaleb laj Israel joꞌ xaye, chan laj Gedeón.

Jueces 6:17

Quichakꞌoc laj Gedeón ut quixye: —At Ka̱cuaꞌ, cui sa a̱chꞌo̱l cuiqꞌuin, qꞌue junak retalil re nak la̱in tinnau nak relic chi ya̱l la̱at li Ka̱cuaꞌ li yo̱cat chi a̱tinac cuiqꞌuin.

Génesis 15:8

Ut laj Abram quichakꞌoc ut quixye: —Ka̱cuaꞌ Dios, ¿chanru nak tinnau chi tzꞌakal nak tincue̱chani li chꞌochꞌ? ¿Cꞌaꞌru li retalil ta̱qꞌue? chan.

Isaías 7:11

—Tzꞌa̱ma chiru li Ka̱cuaꞌ la̱ Dios nak tixcꞌutbesi junak retalil cha̱cuu. Naru tixtakla chak saꞌ xchamal li ruchichꞌochꞌ malaj ut takecꞌ toj saꞌ choxa, chan.

Proverbios 19:14

Riqꞌuineb li naꞌbej yucuaꞌbej naru nakacꞌul kajun cablal ut kabiomal. Abanan junak li cha̱bil ixakilbej, caꞌaj cuiꞌ li Dios naru naqꞌuehoc re.

2 Samuel 5:24

Nak ta̱cuabi li ecꞌa̱nc saꞌ rukꞌeb li cheꞌ chanchan yo̱queb chi be̱c li soldados, tatxic chi pletic riqꞌuineb xban nak la̱in tinxic chi ubej ut tinsach xcuanquileb lix solda̱deb laj filisteo, chan li Dios.

Jueces 18:5

Ut eb li cui̱nk queꞌxye re: —Patzꞌ re li Dios ma us ta̱e̱lk chiku li yo̱co chixba̱nunquil arin, chanqueb.

Romanos 1:10

Cui li Dios naxqꞌue cue, chi se̱b tincuulak e̱riqꞌuin. Aꞌan li nintzꞌa̱ma junelic chiru li Dios.

2 Samuel 20:9

Laj Joab quixye re laj Amasa: —¿Chan xacuil, at cuami̱g?— Ut quixchap lix mach laj Amasa riqꞌuin li rukꞌ nim re ta̱rutzꞌ ru.

1 Samuel 20:7

Cui la̱ yucuaꞌ tixye nak us nak xco̱in, ta̱cꞌojla̱k inchꞌo̱l. Abanan cui najoskꞌoꞌ, aꞌan retalil cha̱cuu nak aꞌan ta̱raj incamsinquil.

Génesis 24:44

Ut cui aꞌan tixye cue, ‘Us. Ucꞌan ut tinqꞌue ajcuiꞌ rucꞌaheb la̱ camellos,’ chaꞌak cue, aꞌan taxak retalil nak aꞌan li ixk li sicꞌbil ru a̱ban chokꞌ rixakil li ralal laj Abraham lin patrón,” chanquin re li Dios.

Génesis 24:13

Arin cuanquin. Xakxo̱quin chire li haꞌ. Ut yo̱queb chi cha̱lc eb li xkaꞌal chixcꞌambal lix haꞌeb.

Génesis 24:15

Lix mo̱s laj Abraham ma̱jiꞌ narakeꞌ chi tijoc nak quicuulac lix Rebeca chire li haꞌ. Pakpo chak lix cuc saꞌ xbe̱n xtel. Lix Rebeca, aꞌan lix rabin laj Betuel, li ralal laj Nacor riqꞌuin lix Milca. Laj Nacor, aꞌan li ri̱tzꞌin laj Abraham.

Génesis 24:18

Lix Rebeca quixcubsi lix cuc ut quixye re: —Ucꞌan, cuaꞌchin,— ut quixqꞌue li rucꞌa.

Génesis 24:19

Nak yo̱ chi ucꞌac lix mo̱s laj Abraham, lix Rebeca quixye re: —Tinqꞌue ajcuiꞌ rucꞌaheb la̱ camello toj retal teꞌucꞌak chi us, chan.

Génesis 24:43

Anakcuan xakxo̱quin arin chire li haꞌ. Ut yo̱queb chi cha̱lc eb li xkaꞌal chixcꞌambal lix haꞌ. La̱in tinye re junak li xkaꞌal, ‘Ba̱nu usilal, cubsi la̱ cuc. Si bayak cuucꞌa’, chaꞌkin re.