Génesis 24:13 - Li Santil hu

¹³ Arin cuanquin. Xakxo̱quin chire li haꞌ. Ut yo̱queb chi cha̱lc eb li xkaꞌal chixcꞌambal lix haꞌeb.

Q'eqchi Bible

¹³ Tinkanaaq chi xaqxo chi xk'atq li b'ekb'il ha' naq eb' li xtuq'ixqilal li tenamit te'chalq chi risinkileb' xha'.

Génesis 24:13 ပူးပေါင်းရင်းမြစ်များ

Génesis 24:43

Anakcuan xakxo̱quin arin chire li haꞌ. Ut yo̱queb chi cha̱lc eb li xkaꞌal chixcꞌambal lix haꞌ. La̱in tinye re junak li xkaꞌal, ‘Ba̱nu usilal, cubsi la̱ cuc. Si bayak cuucꞌa’, chaꞌkin re.

Salmos 37:5

Junelic chekꞌaxtesi e̱rib re li Ka̱cuaꞌ ut cauhak e̱chꞌo̱l riqꞌuin. Ut aꞌan ta̱tenkꞌa̱nk e̱re.

San Juan 4:7

Quicuulac jun li ixk aj Samaria chirisinquil xhaꞌ. Ut li Jesús quixye re: —Si bayak cuucꞌa, chan.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

1 Samuel 9:11

Nak yo̱queb chi taksi̱nc saꞌ li tzu̱l, queꞌxcꞌul li tukꞌ ixk li yo̱queb chi xic chixcꞌambal xhaꞌeb. Queꞌxpatzꞌ reheb: —¿Ma arin cuan laj kꞌe? chanqueb.

Jueces 5:11

Chicuulak ta xya̱b lix bicheb toj saꞌ eb li naꞌajej li cuan cuiꞌ li haꞌ. Najt riqꞌuineb li nequeꞌpletic, cheꞌxbicha resil li usilal quilajxba̱nu li Ka̱cuaꞌ reheb laj Israel. Cheꞌxbicha resil chanru nak quixtenkꞌaheb laj Israel chixcolbal ribeb. Ut lix tenamit li Dios queꞌco̱eb saꞌ li oqueba̱l re li tenamit.

Éxodo 2:16

Ut aran coxtau jun li becbil haꞌ ut coxchunla̱k aran. Laj tij saꞌ li tenamit Madián cuukub lix rabin cuan. Eb aꞌan queꞌcuulac chirisinquil li haꞌ re nak teꞌxbutꞌ xnaꞌajeb rucꞌa lix queto̱mk lix yucuaꞌ.

Génesis 24:11

Chire li tenamit cuan jun li becbil haꞌ. Li mo̱s quixqꞌueheb chi buchlac li camellos aran. Ac ecuu chic nak quicuulac. Aꞌan x-o̱ril nak nequeꞌcuulac li ixk chixcꞌambal lix haꞌeb.

Génesis 24:14

La̱in tinye re junak li xkaꞌal, “Ba̱nu usilal, cubsi la̱ cuc. Si bayak cuucꞌa”, chaꞌkin re. Ut cui aꞌan tixye cue, “Us. Ucꞌan ut tinqꞌue ajcuiꞌ rucꞌaheb la̱ camello”, chaꞌak cue, aꞌanak taxak retalil nak li ixk aꞌan li sicꞌbil ru a̱ban chokꞌ rixakil laj Isaac la̱ mo̱s. Chi joꞌcaꞌin tinnau nak xaba̱nu usilal re lin patrón, chan li mo̱s.