Génesis 23:9 - Li Santil hu

⁹ Te̱tzꞌa̱ma chiru nak tixcꞌayi chokꞌ cue li ochoch pec, Macpela xcꞌabaꞌ, li cuan saꞌ xnuba̱l lix chꞌochꞌ. Tintoj chi tzꞌakal li joꞌ nimal naraj chirix lix chꞌochꞌ. Aꞌan tixkꞌaxtesi cue li chꞌochꞌ che̱ru la̱ex. Chi joꞌcan ta̱cua̱nk li naꞌajej re xmukbaleb lin camenak, chan laj Abraham.

Q'eqchi Bible

⁹ re naq tixk'e we li ochoch pek wank Makpelá, sa' xnub'ajlil li xch'och', xb'aan naq re li na'ajej a'an. Chixk'ayihaq we jo'nimal xtz'aq taaraj, ut chi jo'kan taawanq sa' eeyanq jun na'ajej tinmuqeb' wi' linkamenaq”, chan.

Génesis 23:9 ပူးပေါင်းရင်းမြစ်များ

Romanos 13:8

Ma̱ ani aj iqꞌuin chicua̱nk e̱cꞌas. Ut cherahak e̱rib chi ribil e̱rib xban nak li ani naxra li ras ri̱tzꞌin naxba̱nu li cꞌaꞌru naxye li chakꞌrab.

Romanos 12:17

Cui na-ux raylal e̱re, me̱qꞌue re̱kaj riqꞌuin raylal. Cheqꞌuehak ban e̱chꞌo̱l chixba̱nunquil li cꞌaꞌru us, li nanauman nak aꞌan li tzꞌakal cha̱bil.

Génesis 23:4

Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

Génesis 23:8

Quixye reheb: —Cui naxcꞌul le̱ chꞌo̱l nak tinmuk lin camenak arin, cherabihak li cꞌaꞌru tinye e̱re. Tex-a̱tinak chicuix riqꞌuin laj Efrón li ralal laj Zohar.

Génesis 23:10

Laj Efrón cuan saꞌ xya̱nkeb laj hititas. Quichakꞌoc chiruheb li cuanqueb aran joꞌ ajcuiꞌ chiruheb li yo̱queb chi numecꞌ saꞌ li oqueba̱l re li tenamit.

Génesis 25:10

Laj Abraham quimukeꞌ saꞌ li naꞌajej li queꞌxmuk cuiꞌ lix Sara li rixakil. Aꞌan li chꞌochꞌ li quixlokꞌ junxil laj Abraham riqꞌuineb laj hititas.

Génesis 49:29

Joꞌcaꞌin quixye laj Jacob reheb: —Xcuulac xkꞌehil lin camic. Xic cue anakcuan. Aran tine̱muk saꞌ li ochoch pec li mukbileb cuiꞌ lin xeꞌto̱nil yucuaꞌ. Li ochoch pec aꞌan cuan saꞌ lix chꞌochꞌ laj Efrón aj hitita.

Génesis 50:13

Queꞌxpako lix caxonil lix yucuaꞌ saꞌ xbe̱neb lix tel ut queꞌxcꞌam aran Canaán. Ut queꞌxmuk aꞌan saꞌ li ochoch pec li cuan Macpela, li cuan jun pacꞌal Mamre. Aꞌan li mukleba̱l li quixlokꞌ laj Abraham junxil riqꞌuin laj Efrón laj hitita.

1 Crónicas 21:22

Laj David quixye re laj Ornán: —La̱in tincuaj xlokꞌbal la̱ naꞌaj li nacacuisi cuiꞌ rix la̱ trigo. Tinyi̱b jun li artal arin re xlokꞌoninquil li Dios re nak teꞌxcanab ca̱mc li tenamit. La̱in tintoj chi tzꞌakal li naꞌajej, chan.

1 Crónicas 21:24

Laj David quixye re: —Incꞌaꞌ tincꞌul yal chi joꞌcan. La̱in tintoj chi tzꞌakal lix tzꞌak. Incꞌaꞌ naru tinmayeja chiru li Ka̱cuaꞌ li incꞌaꞌ xintoj rix. Incꞌaꞌ tinmayeja chiru li moco cue ta, chan.