Génesis 23:16 - Li Santil hu

¹⁶ Nak quirabi joꞌ nimal xtzꞌak li chꞌochꞌ, laj Abraham qui-oc chixbisbal li plata. Quixbis ca̱hib ciento bisoc li plata joꞌ nequeꞌbisoc laj cꞌay. Ut quixqꞌue li plata re laj Efrón chiruheb laj hititas.

Q'eqchi Bible

¹⁶ Laj Abrahán kixk'ul xch'ool ut kixb'is li tumin kixxaqab' laj Efrón, chiruheb' laj Hit: jun o'q'ob' chi tumin plaat, jo' neke'b'isok wi' eb' laj k'ay.

Génesis 23:16 ပူးပေါင်းရင်းမြစ်များ

Zacarías 11:12

Ut la̱in quinye reheb: —Cui te̱raj tine̱toj, tojomakin. Cui ut incꞌaꞌ nequeraj intojbal, mine̱toj. Ut queꞌxbis li plata ut queꞌxqꞌue cue laje̱b xcaꞌcꞌa̱l (30) chi tumin plata chokꞌ intojbal.

Jeremías 32:9

Joꞌcan nak la̱in quinlokꞌ riqꞌuin laj Hanameel li chꞌochꞌ li cuan Anatot. Caꞌchꞌin ma̱ mero libra li plata li quintoj cuiꞌ.

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

Romanos 13:8

Ma̱ ani aj iqꞌuin chicua̱nk e̱cꞌas. Ut cherahak e̱rib chi ribil e̱rib xban nak li ani naxra li ras ri̱tzꞌin naxba̱nu li cꞌaꞌru naxye li chakꞌrab.

San Mateo 7:12

Joꞌcan nak li cꞌaꞌru nequeraj la̱ex nak teꞌxba̱nu raj le̱ ras e̱ri̱tzꞌin, cheba̱nuhak la̱ex reheb aꞌan, xban nak aꞌan aꞌin xya̱lal li chakꞌrab li quiqꞌueheꞌ re laj Moisés, ut aꞌan ajcuiꞌ lix ya̱lal lix yehomeb li profeta.

Ezequiel 45:12

Junmay geras, aꞌan jun siclo. Jun siclo, aꞌan junlaju gramos. Oxcꞌa̱l siclos, aꞌan jun mina.

Li xHu LAJ JOB 28:15

Incꞌaꞌ naru xlokꞌbal riqꞌuin oro, chi moco riqꞌuin li plata.

Éxodo 30:13

Chixjunileb li ac xeꞌajla̱c teꞌxqꞌue caꞌchꞌin ma̱ media onza li plata chokꞌ xmayejeb. Aꞌan li xqꞌuial lix mayejeb teꞌxqꞌue cue la̱in li Ka̱cuaꞌ joꞌ nequeꞌbisoc saꞌ li tabernáculo.

Génesis 43:21

Nak xohilan saꞌ be, bar xkanumsi cuiꞌ li kꞌojyi̱n, xkateheb li kacoxtal. Ut xkaqꞌue retal nak cuan li tumin xtzꞌak li trigo chi saꞌ li kacoxtal. Joꞌcan nak la̱o xkacꞌam cuiꞌchic chak xcaꞌ sut lix tzꞌak li trigo li xkacꞌam junxil.

Génesis 23:15

—Ka̱cuaꞌ Abraham, abi li cꞌaꞌru tinye a̱cue. Lix tzꞌak li chꞌochꞌ aꞌan ca̱hib ciento bisoc chi plata. ¿Cꞌaꞌ ta ru aj e nak tinpatzꞌ li tumin a̱cue? Muk chak la̱ camenak, chan.

Hechos 7:16

Lix bakeleb queꞌcꞌameꞌ Siquem ut queꞌmukeꞌ saꞌ li naꞌajej li quixlokꞌ laj Abraham riqꞌuineb li ralal xcꞌajol laj Hamor.

Génesis 49:29

Joꞌcaꞌin quixye laj Jacob reheb: —Xcuulac xkꞌehil lin camic. Xic cue anakcuan. Aran tine̱muk saꞌ li ochoch pec li mukbileb cuiꞌ lin xeꞌto̱nil yucuaꞌ. Li ochoch pec aꞌan cuan saꞌ lix chꞌochꞌ laj Efrón aj hitita.

Génesis 50:13

Queꞌxpako lix caxonil lix yucuaꞌ saꞌ xbe̱neb lix tel ut queꞌxcꞌam aran Canaán. Ut queꞌxmuk aꞌan saꞌ li ochoch pec li cuan Macpela, li cuan jun pacꞌal Mamre. Aꞌan li mukleba̱l li quixlokꞌ laj Abraham junxil riqꞌuin laj Efrón laj hitita.

2 Samuel 14:26

Rajlal, nak ac rakecꞌ re li chihab, naxqꞌue chi besecꞌ lix jolom xban nak kꞌaxal nabal li rismal ut nachꞌiꞌchꞌiꞌi̱c xban. Li rismal li nabeseꞌ numenak o̱b libras ra̱lal joꞌ nequeꞌbisoc cuiꞌ saꞌ rochoch li rey.

Jeremías 32:10

Xinbis li plata saꞌ li bisleb. Xintzꞌi̱ba li hu ut xinqꞌue sello chiru ut xincꞌut chiruheb li testigo.

2 Samuel 24:24

Li rey David quixye re: —Incꞌaꞌ tincꞌul yal chi joꞌcan. Incꞌaꞌ naru tinmayeja chiru li Ka̱cuaꞌ li incꞌaꞌ xintoj rix la̱in, chan. Joꞌcan nak quixlokꞌ li naꞌajej li narisi cuiꞌ rix lix trigo laj Arauna, joꞌ eb ajcuiꞌ lix bo̱yx. Laje̱b roxcꞌa̱l (50) chi tumin plata quixqꞌue re.