Génesis 22:3 - Li Santil hu

³ Joꞌ cuulajak chic nak toj ekꞌela laj Abraham quicuacli. Quixqꞌue rix lix bu̱r. Ut quixyocꞌ lix siꞌ. Ut co̱ saꞌ li naꞌajej li quiyeheꞌ re xban li Dios. Quixcꞌam li ralal chirix nak co̱ ut quixcꞌam ajcuiꞌ cuib lix mo̱s li toj sa̱jeb.

Q'eqchi Bible

³ Kiwakliik ut laj Abrahán toj hik'ho, kixyiib' rix li xb'uur, kixk'am chirix wiib' aj k'anjel chiru, rochb'een laj Isahak li ralal. Kixtz'ir xsi'ul li mayej ut koho sa' li na'ajej li kiyehe'k re xb'aan li Yos.

Génesis 22:3 ပူးပေါင်းရင်းမြစ်များ

Salmos 119:60

Junpa̱t xin-oc cuiꞌchic xba̱nunquil li cꞌaꞌru naxye la̱ chakꞌrab. Incꞌaꞌ xinbay cuib.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

San Lucas 14:26

—Li ani ta̱raj ta̱ke̱nc cue, tento nak tinixra chi tzꞌakal la̱in chiruheb lix naꞌ xyucuaꞌ, li rixakil ut eb lix cocꞌal, ut eb li rechꞌalal joꞌ ajcuiꞌ lix yuꞌam. Cui incꞌaꞌ tinixra chi tzꞌakal, li jun aꞌan moco us ta chokꞌ intzolom.

Gálatas 1:16

Ut nak li Dios quiraj xcꞌutbesinquil li Ralal chicuu re nak tinchꞌolob resil chiruheb li ma̱cuaꞌeb aj judío, incꞌaꞌ xinpatzꞌ innaꞌleb re junak cui̱nk.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

Génesis 17:23

Saꞌ ajcuiꞌ li cutan aꞌan laj Abraham quixset lix tzꞌu̱mal ruꞌuj xtzꞌejcual laj Ismael. Chi joꞌcaꞌin quixba̱nu li circuncisión reheb lix mo̱s li queꞌyoꞌla saꞌ rochoch. Ut quixba̱nu ajcuiꞌ reheb lix lokꞌbil mo̱s. Saꞌ li cutan aꞌan qui-uxman chixjunil joꞌ quiyeheꞌ re xban li Ka̱cuaꞌ Dios.

Hebreos 11:8

Xban lix pa̱ba̱l, laj Abraham qui-abin chiru li Dios nak quixye re nak ta̱e̱lk saꞌ li tenamit cuan cuiꞌ. Co̱ saꞌ li naꞌajej li quiyechiꞌi̱c re xban li Dios. Nak qui-el chak saꞌ li tenamit, co̱ chi incꞌaꞌ naxnau bar xic re.

Génesis 22:2

Li Dios quixye re: —Cꞌam la̱ cualal li jun ajcuiꞌ cha̱cuu. Aꞌan laj Isaac li kꞌaxal raro a̱ban. Ta̱cꞌam aꞌan saꞌ li naꞌajej Moriah saꞌ li tzu̱l li tincꞌut cha̱cuu. Ut aran ta̱qꞌue la̱ cualal chokꞌ jun cꞌatbil mayej chicuu, chan li Dios.

Génesis 22:4

Saꞌ rox li cutan laj Abraham quiril chi najt li naꞌajej li yo̱queb cuiꞌ chi xic.

Génesis 22:18

Xban nak xapa̱b li cua̱tin, chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌeb la̱ cualal a̱cꞌajol, chan.

Josué 8:10

Cuulajak chic laj Josué quicuacli toj ekꞌela ut quixchꞌutub lix soldado. Ut laj Josué rochbeneb li nequeꞌcꞌamoc be saꞌ xya̱nkeb laj Israel, aꞌan eb li queꞌcꞌamoc be chiruheb li soldado nak queꞌco̱eb chi pletic riqꞌuineb laj Hai.

Josué 3:1

Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.