Génesis 22:20 - Li Santil hu

²⁰ Mokon chic laj Abraham quirabi resil nak laj Nacor li ri̱tzꞌin quicuan xcocꞌal riqꞌuin lix Milca.

Q'eqchi Bible

²⁰ Moqon chik kiyehe'k resil re laj Abrahán: “Lix Milká ajwi' kirala xk'uula'aleb' laj Najor laawiitz'in:

Génesis 22:20 ပူးပေါင်းရင်းမြစ်များ

Génesis 11:29

Laj Abram quisumla riqꞌuin jun li ixk xSarai xcꞌabaꞌ. Ut laj Nacor quisumla riqꞌuin lix Milca. Lix Milca ut lix Isca xrabineb laj Harán.

Génesis 24:24

Lix Rebeca quichakꞌoc ut quixye re: —La̱in xrabin laj Betuel. Lin yucuaꞌ, aꞌan li ralal laj Nacor riqꞌuin lix Milca.

Proverbios 25:25

Li cha̱bil esilal li nachal chak saꞌ najtil naꞌajej naxqꞌue xsahil chꞌo̱lej joꞌ li cha̱bil haꞌ li narucꞌ li ta̱chakik re.

Génesis 31:53

Li Dios li quixlokꞌoni laj Abraham la̱ xeꞌto̱nil yucuaꞌ joꞌ ajcuiꞌ laj Nacor lin xeꞌto̱nil yucuaꞌ aꞌan ta̱rakok a̱tin saꞌ kabe̱n cui incꞌaꞌ takaba̱nu li cꞌaꞌru xkaye, chan laj Labán. Ut laj Jacob quixye re laj Labán: —La̱in tinye a̱cue chiru li Ka̱cuaꞌ Dios, li quixlokꞌoni laj Isaac lin yucuaꞌ, nak ac xcꞌul inchꞌo̱l li contrato li xkaba̱nu chi kibil kib, chan.

Génesis 24:15

Lix mo̱s laj Abraham ma̱jiꞌ narakeꞌ chi tijoc nak quicuulac lix Rebeca chire li haꞌ. Pakpo chak lix cuc saꞌ xbe̱n xtel. Lix Rebeca, aꞌan lix rabin laj Betuel, li ralal laj Nacor riqꞌuin lix Milca. Laj Nacor, aꞌan li ri̱tzꞌin laj Abraham.

Génesis 24:10

Lix mo̱s laj Abraham quixcꞌam laje̱b li camello chirix. Quixcꞌam ajcuiꞌ qꞌuila pa̱y ru li ma̱tan terto xtzꞌak li quitakla̱c xban laj Abraham. Li mo̱s co̱ saꞌ li tenamit Mesopotamia. Aꞌan lix tenamit laj Nacor, li ri̱tzꞌin laj Abraham.

Génesis 11:26

Laje̱b xca̱cꞌa̱l (70) chihab cuan re laj Taré nak quiyoꞌla laj Harán li ralal. Ut mokon chic quicuan cuib chic li ralal. Lix cꞌabaꞌeb aꞌan aj Abram ut aj Nacor.

Génesis 22:21

Li xbe̱n li quiyoꞌla, aꞌan laj Uz xcꞌabaꞌ. Ut li xcab, aꞌan laj Buz. Ut li rox, aꞌan laj Kemuel. Nak ac cui̱nk chic laj Kemuel quicuan jun li ralal laj Aram xcꞌabaꞌ.

Génesis 11:27

Aꞌan aꞌin lix cꞌabaꞌeb li ralal xcꞌajol laj Taré. Laj Taré, aꞌan lix yucuaꞌeb laj Abram, laj Nacor ut laj Harán. Ut laj Harán, aꞌan lix yucuaꞌ laj Lot.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.