Génesis 22:18 - Li Santil hu

¹⁸ Xban nak xapa̱b li cua̱tin, chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌeb la̱ cualal a̱cꞌajol, chan.

Q'eqchi Bible

¹⁸ Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Génesis 22:18 ပူးပေါင်းရင်းမြစ်များ

Hechos 3:25

La̱ex ralal xcꞌajol eb li profeta ut la̱ex texcꞌuluk re li quiyechiꞌi̱c reheb le̱ xeꞌto̱nil yucuaꞌ. Nak li Dios quixba̱nu li contrato riqꞌuin laj Abraham, quixye re, “Chixjunileb li cuanqueb saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol.”

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Gálatas 3:16

Joꞌ tzꞌi̱banbil saꞌ li Santil Hu, li cꞌaꞌru quiyechiꞌi̱c re laj Abraham xban li Dios, quiyechiꞌi̱c ajcuiꞌ reheb li ralal xcꞌajol. Moco yo̱ ta chi a̱tinac chirixeb chixjunileb li ralal xcꞌajol. Yo̱ ban chi a̱tinac chirix jun ajcuiꞌ. Ut li jun aꞌan, aꞌan li Cristo.

Jeremías 7:23

Li cꞌaꞌru quinchakꞌrabiheb cuiꞌ chak junxil, aꞌan aꞌin: te̱ba̱nu li cꞌaꞌru ninye ut la̱inak le̱ Dios ut la̱exak lin tenamit. Chexcua̱nk joꞌ ninye e̱re re nak us tex-e̱lk, chanquin reheb.

Génesis 18:18

Laj Abraham, aꞌan li ta̱oc chokꞌ xxeꞌto̱nil yucuaꞌeb li qꞌuila tenamit ut eb aꞌan nimak xcuanquileb. Chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌ laj Abraham.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Romanos 1:3

Aꞌan aꞌin resilal li Ka̱cuaꞌ Jesucristo li Ralal li Dios. Li Ka̱cuaꞌ Jesucristo tzꞌakal cui̱nk xban nak quiyoꞌla arin saꞌ ruchichꞌochꞌ riqꞌuin jun reheb li ralal xcꞌajol laj David.

Gálatas 3:18

Cui ta naru xcꞌulbal li colba-ib riqꞌuin xba̱nunquil li naxye li chakꞌrab, ma̱cꞌaꞌ raj rajbal li quiyechiꞌi̱c re laj Abraham xban li Dios. Abanan li cꞌaꞌru quixyechiꞌi li Dios re laj Abraham, aꞌan yal chi ma̱tan quixqꞌue.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Génesis 22:10

Laj Abraham quixchap lix chꞌi̱chꞌ ut quixtaksi li rukꞌ. Oc raj re xcamsinquil li ralal.

Génesis 22:3

Joꞌ cuulajak chic nak toj ekꞌela laj Abraham quicuacli. Quixqꞌue rix lix bu̱r. Ut quixyocꞌ lix siꞌ. Ut co̱ saꞌ li naꞌajej li quiyeheꞌ re xban li Dios. Quixcꞌam li ralal chirix nak co̱ ut quixcꞌam ajcuiꞌ cuib lix mo̱s li toj sa̱jeb.

San Mateo 1:1

Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Génesis 28:14

La̱ cualal a̱cꞌajol teꞌqꞌuia̱nk joꞌ xqꞌuial li poks li cuan saꞌ li chꞌochꞌ ut telajeꞌxjeqꞌui rib saꞌ ruchichꞌochꞌ. Saꞌ a̱cꞌabaꞌ la̱at joꞌ ajcuiꞌ saꞌ xcꞌabaꞌeb la̱ cualal a̱cꞌajol, chixjunileb li tenamit li teꞌcua̱nk saꞌ ruchichꞌochꞌ teꞌxcꞌul jun li nimla usilal.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Éxodo 7:6

Laj Moisés ut laj Aarón queꞌxba̱nu chi tzꞌakal re ru li quiyeheꞌ reheb xban li Ka̱cuaꞌ Dios.