Génesis 22:17 - Li Santil hu

¹⁷ Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Q'eqchi Bible

¹⁷ Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Génesis 22:17 ပူးပေါင်းရင်းမြစ်များ

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Jeremías 33:22

La̱in tinqꞌue chi qꞌuia̱nc li ralal xcꞌajol laj David ut tinqꞌueheb chi qꞌuia̱nc li ralal xcꞌajol laj Leví. Chanchanakeb xqꞌuial li chahim ut chanchanakeb xqꞌuial li samaib li cuan chire li palau. Incꞌaꞌ ta̱ru̱k rajlanquileb, chan li Dios.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 26:4

Teꞌnabalokꞌ la̱ cualal a̱cꞌajol joꞌ xqꞌuial li chahim chiru choxa. Chixjunil li chꞌochꞌ aꞌin tinqꞌue chokꞌ reheb la̱ cualal a̱cꞌajol. Chixjunileb li tenamit li teꞌcua̱nk saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol, chan.

Génesis 24:60

Queꞌxye re lix Rebeca: —Li Ka̱cuaꞌ Dios taxak chi-osobtesi̱nk a̱cue. Ut cheꞌcua̱nk taxak nabal la̱ cualal a̱cꞌajol. Ut nimak taxak xcuanquil eb la̱ cualal a̱cꞌajol li teꞌcua̱nk chiruheb li xicꞌ teꞌilok reheb aꞌan, chanqueb re.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Deuteronomio 1:10

Li Ka̱cuaꞌ li kaDios xoxqꞌue chi ta̱mc. Anakcuan chanchano chic xqꞌuial li chahim chiru li choxa.

Génesis 32:12

La̱at junxil caye chak cue nak tina̱cuosobtesi ut caye ajcuiꞌ nak teꞌcua̱nk nabal li cualal incꞌajol joꞌ xqꞌuial ru li samaib li cuan chire li palau, li incꞌaꞌ naru rajlanquil xban xqꞌuial, chan.

1 Corintios 15:57

Joꞌcan ut chikabantioxi re li Dios nak ma̱cꞌaꞌ chic xcuanquil li ca̱mc saꞌ kabe̱n saꞌ xcꞌabaꞌ li Ka̱cuaꞌ Jesucristo.

Jeremías 32:22

Caqꞌue li naꞌajej aꞌin reheb joꞌ caye reheb lix xeꞌto̱nil yucuaꞌ nak ta̱ba̱nu. Caqꞌue li naꞌajej reheb li na-el cuiꞌ chi us li sahil echej.

Miqueas 1:9

Xban li ma̱usilal li yo̱queb chixba̱nunquil laj Samaria, chanchan nak cuan jun xtochꞌolal yo̱ chi kꞌa̱c. Ma̱cꞌaꞌ xbanol. Ut xbon rib li ma̱usilal riqꞌuineb li ralal xcꞌajol laj Judá. Joꞌcan nak teꞌosokꞌ ut teꞌosokꞌ ajcuiꞌ lin tenamit li cuanqueb Jerusalén. Ma̱cꞌaꞌ xjalenquil. Cha̱lc re li rakba a̱tin saꞌ xbe̱neb chixjunileb.

1 Reyes 9:26

Ut li rey Salomón quixyi̱b nabaleb li ni̱nki jucub saꞌ li tenamit Ezión-geber li cuan nachꞌ riqꞌuin li tenamit Elot chire li Caki Palau li cuan saꞌ xcue̱nt Edom.

Deuteronomio 21:19

Tento nak li naꞌbej yucuaꞌbej teꞌxcꞌam li al aꞌan saꞌ li oqueba̱l re lix tenamiteb ut teꞌxxakab chiruheb li nequeꞌcꞌamoc be saꞌ li tenamit aꞌan.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 17:6

Relic chi ya̱l nak tebinqꞌue chi qꞌuia̱nc la̱ cualal a̱cꞌajol. Nabalak le̱ tenamit ut teꞌcua̱nk ajcuiꞌ le̱ rey saꞌ le̱ tenamit chixju̱nkaleb.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Romanos 4:13

Li Dios quixyechiꞌi re laj Abraham joꞌ ajcuiꞌ reheb li ralal xcꞌajol nak eb aꞌan teꞌe̱chani̱nk re li ruchichꞌochꞌ. Ma̱cuaꞌ riqꞌuin xba̱nunquil li naxye li chakꞌrab nak teꞌre̱chani. Quiyechiꞌi̱c ban reheb xban nak quipa̱ban laj Abraham ut li Dios quixye nak laj Abraham aꞌan jun cui̱nk ti̱c xchꞌo̱l.

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

Hebreos 6:14

Quixye re: Relic chi ya̱l tatcuosobtesi ut tinqꞌue chi qꞌuia̱nc la̱ cualal a̱cꞌajol. (Gén. 22:16-17)

Hebreos 11:12

Usta ac ti̱x chic laj Abraham nak quiyoꞌla li ralal, abanan queꞌtam li ralal xcꞌajol. Lix qꞌuialeb li ralal xcꞌajol joꞌ xqꞌuial li chahim chiru li choxa ut joꞌ xqꞌuial li samaib li cuan chire li palau. Ut incꞌaꞌ naru rajlanquileb xban lix qꞌuialeb.

Génesis 25:11

Nak camenak chic laj Abraham, laj Isaac qui-osobtesi̱c xban li Dios. Laj Isaac quicuan saꞌ li naꞌajej cuan cuiꞌ li yuꞌam haꞌ “Li yoꞌyo̱quil Dios li na-iloc cue” xcꞌabaꞌ.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 28:4

Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Deuteronomio 10:22

Laje̱b xca̱cꞌa̱leb (70) ajcuiꞌ le̱ xeꞌto̱nil yucuaꞌ nak queꞌco̱eb Egipto najter. Abanan li Ka̱cuaꞌ le̱ Dios xexqꞌue chi qꞌuia̱nc joꞌ xqꞌuial li chahim li cuanqueb chiru choxa.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

1 Crónicas 27:23

Laj David incꞌaꞌ quirajlaheb li toj ma̱cꞌaꞌ junmay chihab reheb xban nak li Ka̱cuaꞌ quixye nak tixqꞌueheb chi qꞌuia̱nc chi nabal laj Israel. Chanchanakeb xqꞌuial li chahim li cuanqueb chiru choxa.

2 Crónicas 1:9

Joꞌcan ut, at Ka̱cuaꞌ, at inDios, chaba̱nu joꞌ cayechiꞌi re laj David inyucuaꞌ. La̱at catxakaban cue chokꞌ rey saꞌ xbe̱n jun tenamit kꞌaxal nim. Chanchaneb li poks xban nak kꞌaxal nabaleb.

Oseas 1:10

Li ralal xcꞌajol laj Israel kꞌaxal cuiꞌchic teꞌta̱mk. Lix qꞌuialeb chanchan li ru li samaib li cuan chire li palau. Incꞌaꞌ naru rajlanquil xban xqꞌuialeb. Saꞌ li naꞌajej bar quiyeheꞌ cuiꞌ reheb xban li Dios, “La̱ex ma̱cuaꞌex chic lin tenamit”, aran ajcuiꞌ ta̱yehekꞌ reheb: “La̱ex cualal incꞌajol la̱in li yoꞌyo̱quil Dios.”

Génesis 32:13

Laj Jacob quixnumsi li kꞌojyi̱n aran. Ut saꞌ xya̱nkeb li cꞌaꞌru cuan re, quixsicꞌ ru li ma̱tan li tixqꞌue re laj Esaú.

Éxodo 32:13

Julticak a̱cue laj Abraham ut laj Isaac ut laj Jacob. Eb aꞌan aj cꞌanjeleb cha̱cuu ut la̱at xayechiꞌi chi anchal a̱chꞌo̱l reheb. Xaye reheb nak ta̱qꞌue chi qꞌuia̱nc ut chi nabalocꞌ li ralal xcꞌajoleb joꞌ xqꞌuialeb li chahim saꞌ choxa. Ut xayechiꞌi jun cha̱bil naꞌajej reheb aꞌan chi junelic ut reheb ajcuiꞌ li ralal xcꞌajol, chan laj Moisés.

Deuteronomio 1:11

Aꞌ taxak li Ka̱cuaꞌ, lix Dioseb li kaxeꞌto̱nil yucuaꞌ, ta̱qꞌuehok e̱re chi ta̱mc chi nabal chiru anakcuan ut texrosobtesi chi nabal joꞌ quixyechiꞌi xba̱nunquil ke.

Deuteronomio 13:18

Tixba̱nu chi joꞌcan cui te̱ba̱nu li quixye e̱re li Ka̱cuaꞌ le̱ Dios. Cheba̱nu chixjunil li chakꞌrab li yo̱quin chixyebal e̱re anakcuan. Ut cua̱nkex saꞌ ti̱quilal chiru li Ka̱cuaꞌ.

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

Nehemías 9:23

Caqꞌueheb chi ta̱mc li ralal xcꞌajoleb joꞌ xqꞌuial li chahim chiru choxa. Ut cacꞌameb chi cua̱nc saꞌ li naꞌajej li cayechiꞌi reheb lix xeꞌto̱nil yucuaꞌ.

Isaías 48:19

Kꞌaxal nabaleb raj le̱ ralal e̱cꞌajol. Lix qꞌuialeb chanchaneb raj li samaib chire li palau. Incꞌaꞌ naru rajlanquileb. Ut incꞌaꞌ raj xexintzꞌekta̱na chi moco xcꞌabaꞌ le̱ tenamit raj xinsach.

Oseas 2:1

Joꞌcan nak te̱ye reheb laj Israel le̱ rech tenamitil “Ammi” ut te̱ye ajcuiꞌ reheb “Ruhama”. Chi jalbil ru naraj naxye: La̱ex ralal xcꞌajol li Dios ut raro̱quex xban.