Génesis 22:16 - Li Santil hu

¹⁶ Ut quixye re: —Joꞌcaꞌin xye li Ka̱cuaꞌ Dios: xban nak la̱at xamayeja raj la̱ cualal chicuu, relic chi ya̱l tinye a̱cue nak tatincuosobtesi.

Q'eqchi Bible

¹⁶ ut kixye re: “Li Qaawa' xye chi jo'ka'in: «Xwil naq xab'aanu a'in ut ink'a' xaram chiwu laawalal li junaj chirib'il.

Génesis 22:16 ပူးပေါင်းရင်းမြစ်များ

San Lucas 1:73

Li Ka̱cuaꞌ riqꞌuin juramento quixyechiꞌi aꞌan re laj Abraham li kaxeꞌto̱nil yucuaꞌ.

Salmos 105:9

Junelic jultic re nak quixba̱nu li contrato riqꞌuin laj Abraham. Ut jultic ajcuiꞌ re nak quixba̱nu li contrato aꞌan riqꞌuin laj Isaac.

Jeremías 51:14

Li Ka̱cuaꞌ li nimajcual Dios quixba̱nu li juramento saꞌ xcꞌabaꞌ aꞌan ut quixye nak tixtakla li qꞌuila soldado chi pletic e̱riqꞌuin la̱ex aj Babilonia. Chanchanakeb laj sa̱cꞌ nak teꞌcha̱lk xban xqꞌuialeb. Ut japjo̱k reheb nak teꞌnumta̱k saꞌ e̱be̱n.

Jeremías 49:13

Saꞌ incꞌabaꞌ la̱in xinba̱nu jun li juramento ut xinye nak li tenamit Bosra ta̱sachekꞌ ru ut xucuajel chic rilbal ta̱cana̱k. Tzꞌekta̱nanbilak ut majecuanbilak. Chixjunileb li tenamit li cuanqueb chi xjun sutam teꞌsachekꞌ ruheb chi junaj cua, chan li Dios.

Isaías 45:23

La̱in xinye li cua̱tin. Saꞌ incꞌabaꞌ la̱in xina̱tinac. Ma̱ ani ta̱jalok re li cꞌaꞌru xinye la̱in saꞌ ti̱quilal. Relic chi ya̱l chixjunileb teꞌxcuikꞌib ribeb chicuu ut teꞌxye nak la̱in li Ka̱cuaꞌ Dios.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.

Génesis 22:2

Li Dios quixye re: —Cꞌam la̱ cualal li jun ajcuiꞌ cha̱cuu. Aꞌan laj Isaac li kꞌaxal raro a̱ban. Ta̱cꞌam aꞌan saꞌ li naꞌajej Moriah saꞌ li tzu̱l li tincꞌut cha̱cuu. Ut aran ta̱qꞌue la̱ cualal chokꞌ jun cꞌatbil mayej chicuu, chan li Dios.

Génesis 22:12

Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Génesis 22:15

Lix ángel li Ka̱cuaꞌ Dios quia̱tinac chak saꞌ choxa xcaꞌ sut riqꞌuin laj Abraham.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Génesis 26:5

—Tinba̱nu aꞌin a̱cuiqꞌuin xban nak laj Abraham quixpa̱b chi anchal xchꞌo̱l li cua̱tin ut quixba̱nu li cꞌaꞌru naxye lin chakꞌrab. Quixba̱nu chixjunil li quinye re, chan li Ka̱cuaꞌ Dios.

Éxodo 2:24

Nak li Dios quirabi nak yo̱queb chi kꞌoko̱nc, quijulticoꞌ re li usilal li quixyechiꞌi chak reheb laj Abraham, laj Isaac ut laj Jacob junxil.

Éxodo 17:16

Ut laj Moisés quixye: —Xban nak eb laj Amalec queꞌxtiquib li ple̱t riqꞌuineb laj Israel, li Dios ta̱pletik riqꞌuin laj Amalec ut joꞌ ajcuiꞌ riqꞌuineb li ralal xcꞌajol ut riqꞌuineb li ri xmam, chan.

Éxodo 32:13

Julticak a̱cue laj Abraham ut laj Isaac ut laj Jacob. Eb aꞌan aj cꞌanjeleb cha̱cuu ut la̱at xayechiꞌi chi anchal a̱chꞌo̱l reheb. Xaye reheb nak ta̱qꞌue chi qꞌuia̱nc ut chi nabalocꞌ li ralal xcꞌajoleb joꞌ xqꞌuialeb li chahim saꞌ choxa. Ut xayechiꞌi jun cha̱bil naꞌajej reheb aꞌan chi junelic ut reheb ajcuiꞌ li ralal xcꞌajol, chan laj Moisés.

1 Crónicas 16:16

Jultic re nak quixba̱nu li contrato riqꞌuin laj Abraham. Ut jultic ajcuiꞌ re nak quixba̱nu li contrato aꞌan riqꞌuin laj Isaac.

Jeremías 22:5

Abanan cui incꞌaꞌ te̱ba̱nu joꞌ ninye e̱re, ta̱sachekꞌ ru li palacio aꞌin. Juqꞌuinbil chic ta̱cana̱k. Saꞌ incꞌabaꞌ ajcuiꞌ la̱in xinba̱nu li juramento nak ta̱cꞌulma̱nk li cꞌaꞌru xinye.

Jeremías 44:26

Abanan la̱ex aj judío li cuanquex arin Egipto, cherabi li cꞌaꞌru naxye li Ka̱cuaꞌ. Li Ka̱cuaꞌ naxye: —La̱in li yoꞌyo̱quil Dios riqꞌuin juramento ninye nak ma̱ jun aj judío li cuan Egipto tixpatzꞌ incꞌabaꞌ nak ta̱tijok, chi moco tixba̱nu chic li juramento saꞌ incꞌabaꞌ.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

Miqueas 7:20

La̱at toa̱cuosobtesi joꞌ cayechiꞌi re laj Jacob, li kaxeꞌto̱nil yucuaꞌ. La̱at ta̱cuuxta̱na cuiꞌchic ku joꞌ cayechiꞌi re laj Abraham li kaxeꞌto̱nil yucuaꞌ najter kꞌe cutan.