Génesis 22:12 - Li Santil hu

¹² Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Q'eqchi Bible

¹² Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Génesis 22:12 ပူးပေါင်းရင်းမြစ်များ

Santiago 2:18

Ma̱re cuan junak tixye: Cuan li nequeꞌxpa̱b li Cristo ut cuan ajcuiꞌ li nequeꞌxye nak tzꞌakal riqꞌuin xba̱nunquil li us. Abanan la̱in tincꞌut cha̱cuu nak ninpa̱b li Cristo riqꞌuin li us ninba̱nu. Ut la̱at, ¿chanru nak ta̱cꞌut chicuu nak cuan a̱pa̱ba̱l cui incꞌaꞌ nacaba̱nu li us?

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Romanos 8:32

Usta li Acuabej Dios kꞌaxal raro li Ralal xban, incꞌaꞌ quixcol chiru li ca̱mc. Quixkꞌaxtesi ban chi ca̱mc saꞌ kacꞌabaꞌ la̱o. Cui quixqꞌue li Ralal re ca̱mc, ¿ma incꞌaꞌ ta biꞌ tixqꞌue ke chixjunil li cꞌaꞌak re ru quixyechiꞌi ke?

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Génesis 26:5

—Tinba̱nu aꞌin a̱cuiqꞌuin xban nak laj Abraham quixpa̱b chi anchal xchꞌo̱l li cua̱tin ut quixba̱nu li cꞌaꞌru naxye lin chakꞌrab. Quixba̱nu chixjunil li quinye re, chan li Ka̱cuaꞌ Dios.

Génesis 22:2

Li Dios quixye re: —Cꞌam la̱ cualal li jun ajcuiꞌ cha̱cuu. Aꞌan laj Isaac li kꞌaxal raro a̱ban. Ta̱cꞌam aꞌan saꞌ li naꞌajej Moriah saꞌ li tzu̱l li tincꞌut cha̱cuu. Ut aran ta̱qꞌue la̱ cualal chokꞌ jun cꞌatbil mayej chicuu, chan li Dios.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

Salmos 147:11

Nasahoꞌ ban xchꞌo̱l riqꞌuin li ani naxucuan ru ut naroybeni nak ta̱uxta̱na̱k ru xban li Ka̱cuaꞌ.

Salmos 25:12

Li Dios naxcꞌut lix ya̱lal chiruheb li ani nequeꞌxqꞌue xlokꞌal li Dios ut naxcꞌut chiruheb li cꞌaꞌru naraj teꞌxba̱nu.

Romanos 5:8

Aꞌut li Dios naxcꞌutbesi chiku nak kꞌaxal nocoxra xban nak toj aj ma̱co chak nak quicam li Cristo saꞌ kacꞌabaꞌ.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

Jeremías 19:5

Queꞌxyi̱beb li naꞌajej li najt xteram re teꞌxlokꞌoni cuiꞌ li yi̱banbil dios Baal ut aran queꞌxcꞌateb li ralal chokꞌ xmayejeb. La̱in incꞌaꞌ quintaklaheb chixba̱nunquil aꞌan, chi moco quebinye reheb nak teꞌxba̱nu. Ma̱ jokꞌe quincꞌoxla nak joꞌcan teꞌxba̱nu.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Génesis 20:11

Laj Abraham quichakꞌoc ut quixye re: —La̱in xincꞌoxla nak incꞌaꞌ nequepa̱b li Ka̱cuaꞌ Dios saꞌ li tenamit aꞌin. Cuan saꞌ inchꞌo̱l nak ma̱re tine̱camsi xban li cuixakil.

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

Salmos 111:10

Li ani ta̱raj ta̱cua̱nk xnaꞌleb, tento nak tixxucua ru li Dios. Li Ka̱cuaꞌ naxqꞌue xnaꞌlebeb chixjunileb li nequeꞌxba̱nu li cꞌaꞌru naxye lix chakꞌrab. Lokꞌoninbil taxak li Ka̱cuaꞌ chi junelic kꞌe cutan.

Salmos 2:11

Chexucua ru li Dios ut chexcꞌanjelak chiru chi sa saꞌ e̱chꞌo̱l.

Salmos 1:6

Li Ka̱cuaꞌ Dios na-iloc reheb li ti̱queb xchꞌo̱l, ut li incꞌaꞌ useb xnaꞌleb teꞌsachekꞌ.

Li xHu LAJ JOB 5:19

Aꞌan junelic tatxcol chiru li raylal ut incꞌaꞌ tixcanab chi numta̱c saꞌ a̱be̱n li raylal.

Hebreos 11:19

Cui ta quicam laj Isaac, laj Abraham ac naxnau nak nim xcuanquil li Dios re xcuaclesinquil cuiꞌchic chi yoꞌyo saꞌ xya̱nkeb li camenak. Naru xyebal nak chanchan aꞌan quixba̱nu li Dios xban nak laj Abraham quixkꞌaxtesi li ralal re ca̱mc. Aban quikꞌaxtesi̱c cuiꞌchic re chi yoꞌyo xban li Dios.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

Apocalipsis 19:5

Ut quicuabi jun yo̱ chak chi a̱tinac saꞌ li lokꞌlaj cꞌojariba̱l ut quixye: Chelokꞌonihak li kaDios che̱junilex la̱ex li nequexcꞌanjelac chiru. Chelokꞌonihak li Ka̱cuaꞌ la̱ex li nequexucua ru, la̱ex li cuan e̱cuanquil joꞌ ajcuiꞌ li ma̱cꞌaꞌ e̱cuanquil.

Génesis 22:13

Laj Abraham qui-iloc chirix. Ut aran cuan jun li carner tꞌiltꞌo lix xucub saꞌ jun chamal pim. Ut laj Abraham co̱ chixchapbal li carner. Aꞌan li quixmayeja chokꞌ re̱kaj li ralal.

Génesis 22:16

Ut quixye re: —Joꞌcaꞌin xye li Ka̱cuaꞌ Dios: xban nak la̱at xamayeja raj la̱ cualal chicuu, relic chi ya̱l tinye a̱cue nak tatincuosobtesi.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.