Génesis 22:1 - Li Santil hu

¹ Mokon chic li Dios quixyal rix lix pa̱ba̱l laj Abraham. Li Dios quixye re: —Abraham.— Ut aꞌan quixye: —Cueꞌquin, Ka̱cuaꞌ.—

Q'eqchi Bible

¹ Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Génesis 22:1 ပူးပေါင်းရင်းမြစ်များ

Hebreos 11:17

Laj Abraham quiyaleꞌ lix pa̱ba̱l xban li Dios nak quixye re nak tixmayeja li ralal. Jun ajcuiꞌ li ralal cuan, aban xban nak naxpa̱b li Dios, laj Abraham quixqꞌue laj Isaac chokꞌ xmayej.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

Santiago 2:21

Cꞌoxlan caꞌchꞌinak chirix laj Abraham li kaxeꞌto̱nil yucuaꞌ nak quixqꞌue laj Isaac li ralal chokꞌ xmayej saꞌ xbe̱n li artal. Ut riqꞌuin aꞌan li Dios quixye nak ti̱c xchꞌo̱l laj Abraham.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Éxodo 3:4

Quiril li Ka̱cuaꞌ Dios nak laj Moisés quijiloc chixcꞌatk. Ut saꞌ li qꞌuix li yo̱ chi cꞌatc, quia̱tinac li Dios ut quixye: —At Moisés, chan. Laj Moisés quixye: —Cueꞌquin, chan.

Génesis 22:11

Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

Génesis 22:7

Junpa̱t na chic nak laj Isaac quixye re laj Abraham: —At inyucuaꞌ, chan. —¿Cꞌaꞌru ta̱cuaj, at cualal? chan laj Abraham. Laj Isaac quixye re: —Cuan li siꞌ ut cuan ajcuiꞌ li ru xam. Ut li carner li takacꞌat chokꞌ re li kamayej, ¿bar cuan? chan.

Isaías 6:8

Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

Éxodo 16:4

Li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu. La̱in tintakla chak le̱ cua saꞌ choxa. Rajlal cutan eb li cristian teꞌxxoc li joꞌ qꞌuial teꞌxcuaꞌ chiru li jun cutan. Tincuil ma yo̱queb chixpa̱banquil lin chakꞌrab.

Deuteronomio 13:3

me̱pa̱b li cꞌaꞌru tixye e̱re li profeta aꞌan, chi moco li naxye xya̱lal li matcꞌ. Li Ka̱cuaꞌ le̱ Dios yo̱k chixyalbal e̱rix re rilbal ma nequera li Ka̱cuaꞌ chi anchal e̱chꞌo̱l ut chi anchal e̱metzꞌe̱u.

Jueces 2:22

Tinba̱nu chi joꞌcaꞌin re xyalbal rixeb laj Israel ma teꞌxba̱nu na li cꞌaꞌru ninye joꞌ queꞌxba̱nu lix xeꞌto̱nil xyucuaꞌeb malaj ut incꞌaꞌ, chan li Ka̱cuaꞌ.

2 Samuel 24:1

Quichal cuiꞌchic xjoskꞌil li Ka̱cuaꞌ Dios saꞌ xbe̱neb laj Israel. Joꞌcan nak quixqꞌue xjoskꞌil laj David saꞌ xbe̱neb. Quiyeheꞌ re laj David nak ta̱rajlaheb chixjunileb laj Israel ut eb laj Judá.

Salmos 11:5

Li Dios naxnau ani li ti̱c xchꞌo̱l ut ani incꞌaꞌ ti̱c xchꞌo̱l. Ut xicꞌ narileb li nequeꞌba̱nun re li ra xi̱cꞌ.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Génesis 21:11

Nak laj Abraham quirabi li ra̱tin, quirahoꞌ saꞌ xchꞌo̱l chirix laj Ismael xban nak aꞌan ralal ajcuiꞌ.

Génesis 37:13

Laj Israel quixye re laj José: —Eb la̱ cuas yo̱queb chak chixberesinquil lin queto̱mk aran Siquem. La̱in tincuaj nak tatxic chirilbaleb, chan. Ut laj José quixye: —Us. La̱in tinxic, chan.

Génesis 46:2

Chiru li kꞌojyi̱n aꞌan, li Ka̱cuaꞌ Dios quia̱tinac riqꞌuin laj Israel chanchan saꞌ xmatcꞌ. —Jacob, chan li Dios re. —Cueꞌquin, cuanquin arin, chan nak quichakꞌoc laj Israel.

1 Samuel 3:4

Li Ka̱cuaꞌ Dios quixye: —At Samuel.— Quichakꞌoc laj Samuel ut quixye: —Cueꞌquin, chan.