Génesis 21:9 - Li Santil hu

⁹ Lix Sara quiril nak laj Ismael yo̱ chiretzꞌu̱nquil laj Isaac. Laj Ismael, aꞌan li ralal laj Abraham li quicuan riqꞌuin lix Agar. Aꞌan li mo̱s chalenak chak Egipto.

Q'eqchi Bible

⁹ Kiril lix Sara naq li ralal laj Abrahán li kiyo'laak rik'in lix Agar aj Ejiipt, yo chi b'atz'unk rik'in li xyum;

Génesis 21:9 ပူးပေါင်းရင်းမြစ်များ

Génesis 16:15

Nak quiyoꞌla li ralal laj Abram riqꞌuin lix Agar, laj Abram quixqꞌue aj Ismael chokꞌ xcꞌabaꞌ.

Gálatas 4:29

Najter li alalbej li quiyoꞌla riqꞌuin li mo̱s, aꞌan quirahobtesin re li alalbej li quiyoꞌla xban xcuanquil li Santil Musikꞌej. Ut chalen anakcuan joꞌcan ajcuiꞌ nacꞌulman.

Gálatas 4:22

Tzꞌi̱banbil retalil nak laj Abraham quicuan cuib li ralal, jun riqꞌuin li lokꞌbil mo̱s ut li jun chic riqꞌuin li tzꞌakal rixakil. (Gén. 21:2-9)

Génesis 16:1

Lix Sarai li rixakil laj Abram ma̱ jun xcocꞌal. Aꞌan cuan jun xmo̱s xAgar xcꞌabaꞌ. Aꞌan chalenak chak Egipto.

Lamentaciones 1:7

Nak cuanqueb saꞌ raylal ut xjuneseb, nequeꞌjulticoꞌ reheb laj Jerusalén chanru nak quicuan nabal xbiomaleb junxil. Najulticoꞌ reheb chanru nak xeꞌtꞌaneꞌ saꞌ rukꞌeb li xicꞌ nequeꞌiloc reheb ut ma̱ ani quitenkꞌan reheb. Eb li xicꞌ nequeꞌiloc reheb queꞌsahoꞌ saꞌ xchꞌo̱leb ut yo̱queb chixhobbal laj Jerusalén nak yo̱queb chixcꞌulbal li raylal.

Proverbios 20:11

Usta toj sa̱j junak, abanan nacꞌutun chanru lix naꞌleb riqꞌuin lix yehom xba̱nuhom.

Salmos 42:10

Toj saꞌ inbakel nacuulac xrahil li cꞌaꞌru nequeꞌxye cue li xicꞌ nequeꞌiloc cue. Rajlal yo̱queb chinhobbal ut nequeꞌxye, “¿Bar cuan la̱ Dios?” chanqueb.

Salmos 22:6

Chiruheb li tenamit chanchan li ma̱cuaꞌin chic cristian. Chanchanin chic li motzoꞌ chiruheb. Tzꞌekta̱nanbilin xbaneb ut xicꞌ niquineꞌril.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

2 Crónicas 30:10

Eb li takl queꞌco̱eb saꞌ li junju̱nk chi tenamit saꞌ eb li naꞌajej li cuanqueb cuiꞌ li ralal xcꞌajol laj Efraín ut laj Manasés. Queꞌcuulac toj saꞌ li naꞌajej li cuanqueb cuiꞌ li ralal xcꞌajol laj Zabulón. Eb li tenamit incꞌaꞌ queꞌabin chiruheb. Yo̱queb chixhobbal ut yo̱queb chixseꞌenquil.

Hebreos 11:36

Cuan queꞌhobeꞌ, cuan queꞌsaqꞌueꞌ, ut cuan queꞌbaqꞌueꞌ ut queꞌqꞌueheꞌ saꞌ tzꞌalam.

Génesis 17:20

—Xcuabi cꞌaꞌru xaye chirix laj Ismael. Matcꞌoxlac. Tincuosobtesi ajcuiꞌ aꞌan. Aꞌan ta̱cua̱nk ajcuiꞌ nabal li ralal xcꞌajol. Laj Ismael ta̱cua̱nk cablaju li ralal. Ni̱nkakeb xcuanquil saꞌ lix tenamiteb ut nimak ajcuiꞌ lix tenamiteb.

Li xHu LAJ JOB 30:1

Abanan anakcuan eb li toj sa̱jeb chicuu niquineꞌxseꞌe. Lix yucuaꞌeb aꞌan ma̱cuaꞌ raj xcꞌulubeb nak xeꞌcuan saꞌ xya̱nkeb lin tzꞌiꞌ li xeꞌiloc re lin queto̱mk.

Génesis 21:8

Nak ac nim chic laj Isaac, quimakꞌeꞌ xtuꞌ xban lix naꞌ. Saꞌ li cutan aꞌan laj Abraham quixba̱nu jun li ninkꞌe.

Proverbios 22:10

Isihomakeb saꞌ e̱ya̱nk li nequeꞌhoboc. Chi joꞌcan ma̱cꞌaꞌak chic pletic ut hoboc saꞌ e̱ya̱nk.