Génesis 21:7 - Li Santil hu

⁷ ¿Ani ta cuiꞌ raj xyehoc re laj Abraham nak ta̱cua̱nk junak lix cꞌulaꞌal cuiqꞌuin? Ma̱ ani. Ut anakcuan saꞌ xti̱xilal laj Abraham, xyoꞌla jun lix cꞌulaꞌal cuiqꞌuin, chan lix Sara.

Q'eqchi Bible

⁷ Ani anchal xyehok re laj Abrahán naq lix Sara taatu'resinq k'uula'al? Us b'i', laa'in xink'e jun xk'uula'al sa' xtiixilal”.

Génesis 21:7 ပူးပေါင်းရင်းမြစ်များ

Isaías 66:8

¿Ma cuan ta biꞌ junak ani qui-abin re nak quicꞌulman ta jun sutak chi joꞌcan? ¿Ma cuan ta biꞌ junak qui-iloc re nak junak nimla tenamit queꞌtam chi junpa̱t? ¿Ma cuan ta biꞌ junak tenamit quiniman chiru jun cutan? Abanan eb li tenamit Sión saꞌ junpa̱t teꞌta̱mk. Chanchan jun li ixk xyoꞌla xcꞌulaꞌal saꞌ junpa̱t.

2 Ts 1:10

Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

Efesios 3:10

Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

Números 23:23

Ma̱ ani naru ta̱tu̱la̱nk reheb chi moco laj kꞌe ta̱ru̱k tixba̱nu ma̱usilal reheb. Anakcuan eb li tenamit teꞌxye “Qꞌuehomak retal chanru nak li Dios quirosobtesiheb laj Israel, li ralal xcꞌajol laj Jacob.”

Salmos 86:10

Teꞌxqꞌue a̱lokꞌal xban nak kꞌaxal nim a̱cuanquil ut sachba chꞌo̱lej li nalaja̱ba̱nu. Caꞌaj cuiꞌ la̱at li tzꞌakal Dios.

Salmos 86:8

At Ka̱cuaꞌ, ma̱cꞌaꞌ chic junak Dios joꞌ la̱at. Ma̱cꞌaꞌ chic junak Dios naru tixba̱nu li cꞌaꞌru nacaba̱nu la̱at.

Isaías 49:21

Ut la̱at ta̱ye saꞌ a̱chꞌo̱l, “¿Bar xeꞌchal chak li tenamit aꞌin? La̱in ra saꞌ inchꞌo̱l xban nak lin tenamit xcana chi ma̱cꞌaꞌ chic cristian chi saꞌ. Xintzꞌekta̱na̱c ut quincꞌameꞌ saꞌ jalan naꞌajej. Quincanaba̱c injunes. Ut ¿bar xeꞌchal chak eb li tenamit aꞌin?”

Génesis 17:17

Laj Abraham quicuikꞌla ut quixxulub lix jolom saꞌ chꞌochꞌ ut qui-oc chi seꞌec. Laj Abraham quixye saꞌ xchꞌo̱l: —¿Ma kꞌaxal ya̱l ta cuiꞌ nak ta̱cua̱nk junak cualal nak ac xinba̱nu li jun ciento chihab? Ut lix Sara, ¿ma ta̱cua̱nk ta biꞌ junak lix cꞌulaꞌal nak ac xba̱nu li laje̱b roꞌcꞌa̱l (90) chihab? chan.

Génesis 18:13

Ut li Ka̱cuaꞌ Dios quixye re laj Abraham: —¿Cꞌaꞌut nak xseꞌec lix Sara? ¿Cꞌaꞌut nak incꞌaꞌ naxpa̱b nak ta̱cua̱nk junak lix cꞌulaꞌal saꞌ xti̱xilal?

Génesis 21:8

Nak ac nim chic laj Isaac, quimakꞌeꞌ xtuꞌ xban lix naꞌ. Saꞌ li cutan aꞌan laj Abraham quixba̱nu jun li ninkꞌe.

Jeremías 20:15

Tzꞌekta̱nanbil taxak li cui̱nk li quixye resilal lin yoꞌlajic re lin yucuaꞌ. Tzꞌekta̱nanbil taxak li cui̱nk li quixqꞌue xsahil xchꞌo̱l nak quixye nak xyoꞌla jun li chꞌina ralal.

1 Reyes 3:21

Ac sake̱uc re nak quincuacli chixqꞌuebal xtuꞌ lin cꞌulaꞌal. Quinqꞌue retal nak camenak. Nak ac cutan chic quicuil nak ma̱cuaꞌ cue li cꞌulaꞌal, chan.

1 Reyes 11:20

Li ri̱tzꞌin li reina Tahpenes quicuan jun lix cꞌulaꞌal riqꞌuin laj Hadad. Aj Genubat xcꞌabaꞌ li cꞌulaꞌal. Ut lix Tahpenes quixqꞌuiresi saꞌ li palacio rochbeneb li ralal laj faraón.