Génesis 21:6 - Li Santil hu

⁶ Lix Sara quixye saꞌ xchꞌo̱l: —Li Dios xinixqꞌue chi seꞌec xban xsahil inchꞌo̱l xban nak xcuan incꞌulaꞌal. Ut nak teꞌrabi nak xyoꞌla lin cꞌulaꞌal, chixjunileb teꞌsahokꞌ saꞌ xchꞌo̱leb cuiqꞌuin.

Q'eqchi Bible

⁶ Toja' naq kixye lix Sara: “Li Yos xinxk'e chi se'ek; chixjunil li taa'ab'inq re a'an, taase'eq wochb'een.

Génesis 21:6 ပူးပေါင်းရင်းမြစ်များ

Isaías 54:1

Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

Salmos 126:2

Coseꞌec ut cobichan xban xsahil li kachꞌo̱l. Ut eb li jalaneb xtenamit queꞌxye: Sachba chꞌo̱lej li xba̱nu li Ka̱cuaꞌ reheb lix tenamit, chanqueb.

Génesis 17:17

Laj Abraham quicuikꞌla ut quixxulub lix jolom saꞌ chꞌochꞌ ut qui-oc chi seꞌec. Laj Abraham quixye saꞌ xchꞌo̱l: —¿Ma kꞌaxal ya̱l ta cuiꞌ nak ta̱cua̱nk junak cualal nak ac xinba̱nu li jun ciento chihab? Ut lix Sara, ¿ma ta̱cua̱nk ta biꞌ junak lix cꞌulaꞌal nak ac xba̱nu li laje̱b roꞌcꞌa̱l (90) chihab? chan.

San Lucas 1:58

Nak queꞌrabi resil li rech cabal joꞌ cuiꞌ eb li rechꞌalal nak qui-uxta̱na̱c ru lix Elisabet xban li Ka̱cuaꞌ, queꞌsahoꞌ ajcuiꞌ saꞌ xchꞌo̱leb aꞌan.

San Lucas 1:14

Nak ta̱yoꞌla̱k la̱ cualal, cꞌajoꞌ nak ta̱sahokꞌ saꞌ a̱chꞌo̱l la̱at ut nabaleb ajcuiꞌ li cristian teꞌsahokꞌ saꞌ xchꞌo̱leb.

Isaías 49:21

Ut la̱at ta̱ye saꞌ a̱chꞌo̱l, “¿Bar xeꞌchal chak li tenamit aꞌin? La̱in ra saꞌ inchꞌo̱l xban nak lin tenamit xcana chi ma̱cꞌaꞌ chic cristian chi saꞌ. Xintzꞌekta̱na̱c ut quincꞌameꞌ saꞌ jalan naꞌajej. Quincanaba̱c injunes. Ut ¿bar xeꞌchal chak eb li tenamit aꞌin?”

Salmos 113:9

Naxqꞌueheb ralal xcꞌajol li ixk li incꞌaꞌ nequeꞌqꞌuiresin. Ut naxqꞌueheb xsahil xchꞌo̱l saꞌ li rochocheb. ¡Lokꞌoninbil taxak li Ka̱cuaꞌ!

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

Hebreos 11:11

Xban lix pa̱ba̱leb, laj Abraham ut lix Sara quicuan jun lix cꞌulaꞌal saꞌ xti̱xilaleb, usta lix Sara aꞌan jun ixk incꞌaꞌ naqꞌuiresin. Aban queꞌxnau nak teꞌxcꞌul li cꞌaꞌru quiyechiꞌi̱c reheb xban li Dios.

1 Samuel 1:26

Ut lix Ana quixye re laj Elí: —At ka̱cuaꞌ, relic chi ya̱l nak la̱in li ixk li quincꞌulun chi tijoc arin chiru li nimajcual Dios nak chunchu̱cat chire li oqueba̱l.

Isaías 49:15

Li Dios quixye: —¿Ma nasach ta biꞌ saꞌ xchꞌo̱l lix cꞌulaꞌal junak naꞌbej? ¿Ma tixcanab ta biꞌ xra̱bal? Usta li naꞌbej nasach saꞌ xchꞌo̱l lix cꞌulaꞌal, la̱in incꞌaꞌ texsachk saꞌ inchꞌo̱l.

Jeremías 20:15

Tzꞌekta̱nanbil taxak li cui̱nk li quixye resilal lin yoꞌlajic re lin yucuaꞌ. Tzꞌekta̱nanbil taxak li cui̱nk li quixqꞌue xsahil xchꞌo̱l nak quixye nak xyoꞌla jun li chꞌina ralal.