Génesis 21:33 - Li Santil hu

³³ Ut laj Abraham quirau jun to̱n li cheꞌ tamarisco aran Beerseba. Ut saꞌ li naꞌajej aꞌan quitijoc chiru li Ka̱cuaꞌ Dios.

Q'eqchi Bible

³³ Toja' naq laj Abrahán kiraw jun toon chi tamarisko aran Berseba ut kixyaab'a xk'ab'a' li Qaawa', li junelik Yos.

Génesis 21:33 ပူးပေါင်းရင်းမြစ်များ

1 Timoteo 1:17

Lokꞌoninbil taxak li tzꞌakal Rey li cuan chi junelic kꞌe cutan, li incꞌaꞌ nacam ut incꞌaꞌ na-ilman ru, li junaj chi Dios li numtajenak xnaꞌleb. Chikalokꞌonihak taxak anakcuan ut chi junelic kꞌe cutan. Joꞌcan taxak.

Isaías 40:28

¿Ma incꞌaꞌ ta biꞌ nequenau nak li Ka̱cuaꞌ ac aꞌan ajcuiꞌ chalen chak najter kꞌe cutan? Ut, ¿Ma incꞌaꞌ ta biꞌ e̱rabiom nak li Ka̱cuaꞌ, aꞌan li quiyoꞌobtesin re li cꞌaꞌru cuan saꞌ chixjunil li ruchichꞌochꞌ? Aꞌan incꞌaꞌ nalub chi moco nalaj lix metzꞌe̱u. Lix cꞌaꞌux ma̱ ani nataꞌoc re.

Salmos 90:2

Chalen chak najter kꞌe cutan nak toj ma̱jiꞌ nacayi̱beb li tzu̱l ut li ruchichꞌochꞌ, ac la̱at ajcuiꞌ chak Dios.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Romanos 16:26

Anakcuan xcutanoꞌ xya̱lal chiku xban li Santil Hu li tzꞌi̱banbil chak junxil xbaneb li profeta. Queꞌxtzꞌi̱ba chak li a̱tin joꞌ quiyeheꞌ reheb xban li Dios, li ma̱cꞌaꞌ rosoꞌjic. Ut aꞌin yo̱ xchꞌolobanquil xya̱lal yalak bar saꞌ chixjunil li ruchichꞌochꞌ re nak chixjunileb li tenamit teꞌrabi ut teꞌpa̱ba̱nk.

Génesis 12:8

Chirix chic aꞌan, laj Abram co̱ saꞌ li tzu̱l li cuan jun pacꞌal li tenamit Bet-el saꞌ xjayal bar na-el cuiꞌ chak li sakꞌe. Quixyi̱b lix muheba̱l saꞌ li naꞌajej aꞌan saꞌ xya̱nkeb li cuib chi tenamit Bet-el ut Hai. Ut laj Abram quixyi̱b aran jun chic li artal ut quixlokꞌoni li Ka̱cuaꞌ Dios.

Génesis 4:26

Ut mokon chic laj Set quicuan jun li ralal. Aj Enós quixqꞌue chokꞌ xcꞌabaꞌ. Nak ac cuan chic laj Enós, queꞌxtiquib xchꞌutubanquileb rib re xlokꞌoninquil li Dios.

Deuteronomio 33:27

Li Ka̱cuaꞌ li cuan chi junelic, aꞌan li nacoloc e̱re. Aꞌan natenkꞌan e̱re riqꞌuin lix cuanquil li incꞌaꞌ na-osoꞌ. Aꞌan li ta̱isi̱nk reheb li xicꞌ nequeꞌiloc e̱re saꞌ li naꞌajej li tixqꞌue e̱re. Aꞌan li quixye e̱re nak te̱sach ruheb.

Romanos 1:20

Chalen chak saꞌ xticlajic li ruchichꞌochꞌ nacꞌutun xcuanquil ut xlokꞌal li Dios riqꞌuin li cꞌaꞌak re ru quilajxyi̱b. Nacꞌutun nak aꞌan li tzꞌakal Dios ut kꞌaxal nim xcuanquil chi junelic. Joꞌcan nak ma̱cꞌaꞌ junak a̱tin teꞌxcol cuiꞌ rib chiru xjoskꞌil li Dios.

Amós 8:14

Eb li nequeꞌxba̱nu xjuramento saꞌ xcꞌabaꞌ li yi̱banbil dios li cuan Samaria, eb aꞌan teꞌosokꞌ. Cuanqueb li teꞌxpatzꞌ xcꞌabaꞌ lix yi̱banbil dios li cuanqueb saꞌ li naꞌajej Dan ut teꞌxpatzꞌ xcꞌabaꞌeb lix dioseb li cuanqueb aran Beerseba. Eb li tenamit aꞌan teꞌsachekꞌ chi junaj cua, chan li Dios.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Jueces 3:7

Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

Deuteronomio 16:21

Me̱rau li cheꞌ re xlokꞌoninquil li jalanil dios lix Asera, chi moco te̱qꞌue chixcꞌatk lix artal li Ka̱cuaꞌ le̱ Dios.

Génesis 26:33

Ut laj Isaac quixqꞌue Seba chokꞌ xcꞌabaꞌ li haꞌ aꞌan. Ut chalen anakcuan, Beerseba nayeman re li tenamit aꞌan li queꞌxtau cuiꞌ li haꞌ.

Génesis 26:25

Ut laj Isaac quixtus li pec ut quixyi̱b jun lix artal ut quixlokꞌoni li Ka̱cuaꞌ Dios. Laj Isaac quixyi̱b ajcuiꞌ lix muheba̱l re nak ta̱cua̱nk aran. Ut eb lix mo̱s laj Isaac queꞌxbec aran jun chic lix julel haꞌ.

Génesis 26:23

Ut laj Isaac co̱ saꞌ li naꞌajej Beerseba.

Hebreos 13:8

Li Jesucristo incꞌaꞌ najala chi moco najala lix naꞌleb. Ac aꞌan ajcuiꞌ chak chalen najter kꞌe cutan, aꞌan anakcuan ut aꞌanak chi junelic.

Génesis 21:32

Nak ac xeꞌxba̱nu li contrato, laj Abimelec rochben laj Ficol, queꞌsukꞌi saꞌ lix tenamiteb. Laj Abimelec ut laj Ficol, aꞌaneb laj filisteo.

Éxodo 15:18

Acuabej Dios, la̱at ta̱takla̱nk saꞌ kabe̱n riqꞌuin xnimal la̱ cuanquilal chi junelic kꞌe cutan.

Deuteronomio 32:40

La̱in nintaksi li cuukꞌ saꞌ choxa ut ninye: La̱in li yoꞌyo̱quil Dios chi junelic kꞌe cutan.

Salmos 93:2

At Ka̱cuaꞌ, chalen chak saꞌ xticlajic xakxo saꞌ xnaꞌaj la̱ cuanquilal xban nak la̱at ac cuancat ajcuiꞌ chak chalen najter kꞌe cutan nak toj ma̱cꞌaꞌ li ruchichꞌochꞌ.

Habacuc 1:12

Quixye laj Habacuc: —At Ka̱cuaꞌ, at inDios Santo, ¿Ma incꞌaꞌ ta biꞌ ac cuancat chak chalen saꞌ xticlajic? At Ka̱cuaꞌ, la̱at laj Colol ke. Incꞌaꞌ taxak toa̱qꞌue chi ca̱mc. La̱at tatqꞌuehok reheb laj Caldea chi numta̱c saꞌ kabe̱n re takatoj rix li kama̱c.