Génesis 21:31 - Li Santil hu

³¹ Li becbil haꞌ aꞌin Beerseba queꞌxqꞌue chokꞌ xcꞌabaꞌ xban nak aran queꞌxba̱nu li contrato.

Q'eqchi Bible

³¹ Jo'kan naq li na'ajej a'an Berseba naxk'ab'a'in, xb'aan naq aran laj Abrahán ut laj Abimélek ke'xk'e rib' sa' aatin rik'in jurament.

Génesis 21:31 ပူးပေါင်းရင်းမြစ်များ

Génesis 26:33

Ut laj Isaac quixqꞌue Seba chokꞌ xcꞌabaꞌ li haꞌ aꞌan. Ut chalen anakcuan, Beerseba nayeman re li tenamit aꞌan li queꞌxtau cuiꞌ li haꞌ.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

1 Reyes 4:25

Nak cuan chokꞌ rey laj Salomón chixjunileb li cuanqueb saꞌ eb li naꞌajej Israel ut Judá saheb saꞌ xchꞌo̱l chalen saꞌ li tenamit Dan toj saꞌ li tenamit Beerseba. Li junju̱nk cabal cuan li racui̱mkeb uvas ut higos.

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

Josué 15:28

Hazar-sual, Beerseba, Bizotia,

Génesis 26:23

Ut laj Isaac co̱ saꞌ li naꞌajej Beerseba.

Génesis 21:32

Nak ac xeꞌxba̱nu li contrato, laj Abimelec rochben laj Ficol, queꞌsukꞌi saꞌ lix tenamiteb. Laj Abimelec ut laj Ficol, aꞌaneb laj filisteo.

Génesis 26:31

Joꞌ cuulajak chic ekꞌela nak queꞌsake̱u, queꞌxba̱nu jun li contrato chi ribileb rib. Laj Isaac queꞌxchakꞌrabi rib saꞌ usilal. Ut eb aꞌan queꞌco̱eb.

Génesis 46:1

Laj Israel qui-el aran ut quixcꞌam chirix chixjunil li cꞌaꞌru cuan re. Ut nak quicuulac saꞌ li naꞌajej Beerseba, quimayejac chiru li Ka̱cuaꞌ Dios, li naxlokꞌoni laj Isaac lix yucuaꞌ.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

Amós 5:5

Mexxic chic aran Bet-el chi lokꞌoni̱nc chi moco texxic chic Gilgal. Ut mexnumeꞌ chic aran Beerseba xban nak eb laj Gilgal teꞌchapekꞌ ut eb laj Bet-el teꞌosokꞌ, chan li Ka̱cuaꞌ.

2 Samuel 24:7

Mokon chic, queꞌco̱eb saꞌ li tenamit Tiro, li kꞌaxal cau rib chi pletic. Ut queꞌco̱eb saꞌ chixjunileb lix tenamiteb laj heveo ut eb laj cananeo. Ut queꞌco̱eb saꞌ li tenamit Beerseba, li cuan saꞌ xcue̱nt Judá ut queꞌcuulac toj Neguev.

Nehemías 11:27

Ut cuanqueb ajcuiꞌ li queꞌco̱eb chi cua̱nc saꞌ li tenamit Hazar-sual, ut Beerseba. Ut cuanqueb ajcuiꞌ li queꞌco̱eb saꞌ cꞌaleba̱l.