Génesis 21:3 - Li Santil hu

³ Laj Abraham quixqꞌue aj Isaac chokꞌ xcꞌabaꞌ li ralal li quicuan riqꞌuin lix Sara.

Q'eqchi Bible

³ Ut laj Abrahán kixk'e Isahak cho'q xk'ab'a' li k'uula'al li kiyo'laak, a' li kiyo'laak rik'in xSara.

Génesis 21:3 ပူးပေါင်းရင်းမြစ်များ

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

Romanos 9:7

Cuanqueb li ralal xcꞌajol laj Abraham incꞌaꞌ queꞌxcꞌul li quixyechiꞌi li Dios xban nak ma̱cuaꞌeb aꞌan li ralal xcꞌajol li yechiꞌinbil re laj Abraham najter xban li Dios nak quixye re: Saꞌ xcꞌabaꞌ laj Isaac teꞌcua̱nk la̱ cualal a̱cꞌajol li xinyechiꞌi a̱cue. (Gén. 21:9-12)

Génesis 21:6

Lix Sara quixye saꞌ xchꞌo̱l: —Li Dios xinixqꞌue chi seꞌec xban xsahil inchꞌo̱l xban nak xcuan incꞌulaꞌal. Ut nak teꞌrabi nak xyoꞌla lin cꞌulaꞌal, chixjunileb teꞌsahokꞌ saꞌ xchꞌo̱leb cuiqꞌuin.

Hebreos 11:18

Quixqꞌue li ralal chokꞌ xmayej, usta aꞌan li quiyechiꞌi̱c re xban li Dios re nak teꞌta̱mk li ralal xcꞌajol.

San Mateo 1:2

Laj Abraham, aꞌan xyucuaꞌ laj Isaac. Laj Isaac, aꞌan xyucuaꞌ laj Jacob. Ut laj Jacob, aꞌan xyucuaꞌ laj Judá joꞌ eb ajcuiꞌ li ras ut li ri̱tzꞌin.

Josué 24:3

La̱in quincꞌamoc re laj Abraham la̱ xeꞌto̱nil yucuaꞌ jun pacꞌal li nimaꞌ Éufrates. La̱in quincꞌamoc be chiru nak quinumeꞌ saꞌ chixjunil li naꞌajej Canaán. Quinqꞌue laj Isaac li ralal ut quinqꞌue ajcuiꞌ chi ta̱mc li ralal xcꞌajol.

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Génesis 22:2

Li Dios quixye re: —Cꞌam la̱ cualal li jun ajcuiꞌ cha̱cuu. Aꞌan laj Isaac li kꞌaxal raro a̱ban. Ta̱cꞌam aꞌan saꞌ li naꞌajej Moriah saꞌ li tzu̱l li tincꞌut cha̱cuu. Ut aran ta̱qꞌue la̱ cualal chokꞌ jun cꞌatbil mayej chicuu, chan li Dios.

Génesis 21:12

Abanan li Ka̱cuaꞌ Dios quixye re laj Abraham: —La̱at ta̱ba̱nu li cꞌaꞌru xye lix Sara. Matcꞌoxlac chirix laj Ismael joꞌ ajcuiꞌ chirix la̱ mo̱s. Laj Isaac, aꞌan la̱ cualal li xinyechiꞌi a̱cue. Saꞌ xcꞌabaꞌ laj Isaac teꞌcua̱nk la̱ cualal a̱cꞌajol li xinyechiꞌi a̱cue junxil.

Génesis 17:21

Abanan lin contrato junelic cua̱nk riqꞌuin laj Isaac. Aꞌan la̱ cualal li ta̱cua̱nk riqꞌuin lix Sara chiru li chihab jun, chan li Dios re laj Abraham.

Génesis 25:19

Aꞌaneb aꞌin chixjunileb li ralal xcꞌajol laj Isaac, li ralal laj Abraham.