Génesis 21:21 - Li Santil hu

²¹ Laj Ismael quicuan saꞌ li chaki chꞌochꞌ Parán. Aran quisumuba̱c xban lix naꞌ riqꞌuin jun li ixk aj Egipto.

Q'eqchi Bible

²¹ Kiwank sa' li chaqich'och' Parán xk'ab'a', ut li xna' kisik'ok re li rixaqil sa' li tenamit Ejiipt.

Génesis 21:21 ပူးပေါင်းရင်းမြစ်များ

1 Corintios 7:38

Joꞌcan nak li ani naxsumub lix rabin, cha̱bil naxba̱nu. Ut li incꞌaꞌ naxsumub lix rabin, kꞌaxal cuiꞌchic us naxba̱nu.

1 Samuel 25:1

Nak laj Samuel quicam, chixjunileb laj Israel queꞌxchꞌutub ribeb. Queꞌya̱bac xban xrahil xchꞌo̱leb. Laj Samuel quimukeꞌ saꞌ lix chꞌochꞌ aran Ramá. Chirix aꞌan laj David co̱ saꞌ li chaki chꞌochꞌ aran Parán.

Jueces 14:2

Co̱ cuiꞌchic saꞌ rochoch ut quixye re lix naꞌ ut lix yucuaꞌ: —Xcuil ru jun li sa̱j ixk aj filisteo aran Timnat. Nintzꞌa̱ma che̱ru nak te̱tzꞌa̱ma chak chokꞌ cuixakil, chan.

Números 13:26

Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

Números 13:3

Joꞌcan nak laj Moisés quixtaklaheb li cui̱nk nak cuanqueb chak saꞌ li chaki chꞌochꞌ Parán joꞌ quiyeheꞌ re xban li Dios. Chixjunileb li cui̱nk li queꞌtakla̱c, aꞌaneb li nequeꞌcꞌamoc be chiruheb li junju̱nk xte̱paleb laj Israel.

Números 12:16

Nak ac xcꞌulun lix María saꞌ xya̱nkeb, queꞌel saꞌ li naꞌajej Hazerot. Queꞌco̱eb saꞌ li naꞌajej Parán ut aran queꞌcana.

Números 10:12

Joꞌcan nak eb laj Israel queꞌel saꞌ li chaki chꞌochꞌ li cuan Sinaí ut queꞌco̱eb. Ut li chok yo̱ chi cꞌamoc be chiruheb toj retal quicuulac saꞌ li chaki chꞌochꞌ Parán ut aran quixakli.

Génesis 27:46

Joꞌcan nak lix Rebeca co̱ chi a̱tinac riqꞌuin laj Isaac ut quixye re: —La̱in xintitzꞌ xbaneb li rixakil laj Esaú. Eb aꞌan aj hitita. Cui laj Jacob naxcꞌam junak li ixk aj hitita chokꞌ rixakil, ¿cꞌaꞌru aj e nak cua̱nkin arin? Us raj nak tinca̱mk, chan lix Rebeca re laj Isaac.

Génesis 14:6

Ut queꞌnumta ajcuiꞌ saꞌ xbe̱neb laj horeo li cuanqueb saꞌ li tenamit Seir li tzu̱l ru. Ut queꞌcuulac saꞌ li tenamit Parán li cuan toj saꞌ xnuba̱l li chaki chꞌochꞌ.

Génesis 25:18

Eb li ralal laj Ismael queꞌcuan saꞌ li chꞌochꞌ li naticla saꞌ li tenamit Havila ut naxic toj saꞌ li tenamit Shur ut nacuulac toj saꞌ li nuba̱l re li tenamit Asiria. Li naꞌajej aꞌin cuan saꞌ xcaꞌyaba̱l Egipto. Ut aran queꞌxyi̱b lix naꞌajeb laj Ismael usta incꞌaꞌ queꞌraj lix comoneb.

Habacuc 3:3

—Aꞌan aꞌin li quicuil saꞌ li visión, chan laj Habacuc. Quicuil nak li Dios yo̱ chak chi cha̱lc saꞌ li naꞌajej Temán. Li Dios santo xchal saꞌ li tzu̱l Parán. Lix lokꞌal nacꞌutun saꞌ choxa, joꞌ ajcuiꞌ saꞌ chixjunil li ruchichꞌochꞌ.

Génesis 16:3

Nak quicꞌulman aꞌin ac laje̱b chihab roquiqueb saꞌ li tenamit Canaán. Lix Sarai quixkꞌaxtesi lix mo̱s saꞌ rukꞌ laj Abram re nak ta̱cua̱nk riqꞌuin.

1 Reyes 11:18

Queꞌel saꞌ li naꞌajej Madián ut queꞌco̱eb Parán. Aran queꞌxjunaji ribeb riqꞌuineb li cuanqueb Parán ut queꞌco̱eb Egipto. Laj faraón quixqꞌue lix chꞌochꞌ laj Hadad. Ut quixqꞌue ajcuiꞌ li rochoch ut lix tzacae̱mkeb.

2 Crónicas 24:3

Laj Joiada quixsicꞌ ruheb cuib li rixakil laj Joás ut queꞌcuan li ralal ut eb lix rabin riqꞌuineb li ixk aꞌan.

Jeremías 29:6

Chexsumla̱k re teꞌcua̱nk e̱ralal e̱cꞌajol. Sicꞌomak li rixakileb le̱ ralal ut qꞌuehomakeb le̱ rabin chi sumla̱c re nak teꞌcua̱nk ajcuiꞌ li ralal xcꞌajoleb. Chexnabalokꞌ ut chexqꞌuia̱nk.