Génesis 21:2 - Li Santil hu

² Quicuan jun lix cꞌulaꞌal te̱lom. Ac ti̱x chic laj Abraham nak quiyoꞌla li ralal. Quiyoꞌla li cꞌulaꞌal tzꞌakal saꞌ li cutan li quixye li Dios.

Q'eqchi Bible

² Lix Sara kikanaak sa' yu'am ut kirala jun xk'uula'al laj Abrahán sa' xtiixilal, sa' xq'ehil yeeb'il chaq re xb'aan li Yos.

Génesis 21:2 ပူးပေါင်းရင်းမြစ်များ

Hebreos 11:11

Xban lix pa̱ba̱leb, laj Abraham ut lix Sara quicuan jun lix cꞌulaꞌal saꞌ xti̱xilaleb, usta lix Sara aꞌan jun ixk incꞌaꞌ naqꞌuiresin. Aban queꞌxnau nak teꞌxcꞌul li cꞌaꞌru quiyechiꞌi̱c reheb xban li Dios.

Gálatas 4:22

Tzꞌi̱banbil retalil nak laj Abraham quicuan cuib li ralal, jun riqꞌuin li lokꞌbil mo̱s ut li jun chic riqꞌuin li tzꞌakal rixakil. (Gén. 21:2-9)

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

San Lucas 1:36

Joꞌcan ajcuiꞌ lix Elisabet la̱ cuechꞌalal yaj aj ixk anakcuan. Ac cuakib po chic xcanajic chi yaj aj ixk, usta ac ti̱x chic ut usta chixjunileb queꞌxye nak aꞌan incꞌaꞌ ta̱cua̱nk xcocꞌal.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Génesis 18:10

Ut jun li cuan saꞌ xya̱nkeb li oxib quixye re: —Toline̱lk cuiꞌchic saꞌ li chihab jun cha̱cuilbal. Ut lix Sara ac cua̱nk chic junak xcꞌulaꞌal te̱lom, chan re laj Abraham. Lix Sara cuan saꞌ cab ut quirabi li cꞌaꞌru yo̱queb chixyebal.

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

Génesis 17:21

Abanan lin contrato junelic cua̱nk riqꞌuin laj Isaac. Aꞌan la̱ cualal li ta̱cua̱nk riqꞌuin lix Sara chiru li chihab jun, chan li Dios re laj Abraham.

Romanos 9:9

Aꞌan aꞌin li quixyechiꞌi li Dios re laj Abraham nak quixye re: Nak toline̱lk saꞌ li chihab jun chic, lix Sara cua̱nk chic lix cꞌulaꞌal te̱lom. (Gén. 18:10)

Josué 24:3

La̱in quincꞌamoc re laj Abraham la̱ xeꞌto̱nil yucuaꞌ jun pacꞌal li nimaꞌ Éufrates. La̱in quincꞌamoc be chiru nak quinumeꞌ saꞌ chixjunil li naꞌajej Canaán. Quinqꞌue laj Isaac li ralal ut quinqꞌue ajcuiꞌ chi ta̱mc li ralal xcꞌajol.