Génesis 21:17 - Li Santil hu

¹⁷ Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.

Q'eqchi Bible

¹⁷ Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Génesis 21:17 ပူးပေါင်းရင်းမြစ်များ

Génesis 16:11

Qꞌue retal, la̱at yaj aj ixkat. La̱ cꞌulaꞌal ta̱yoꞌla̱k chꞌina te̱lom. Aj Ismael ta̱qꞌue chokꞌ xcꞌabaꞌ. Joꞌcan lix cꞌabaꞌ ta̱qꞌue xban nak li Dios naxnau li raylal li yo̱cat chixcꞌulbal, ut aꞌan tatxtenkꞌa, chan.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

San Marcos 5:36

Nak quirabi li Jesús li cꞌaꞌru yo̱queb chixyebal re laj Jairo, quixye re: —Matcꞌoxlac. Caꞌaj cuiꞌ ta̱pa̱b nak ta̱qꞌuira̱k la̱ rabin, chan.

San Mateo 15:32

Ut li Jesús quixbokeb lix tzolom riqꞌuin ut quixye reheb: —Nequeꞌcuil xtokꞌoba̱l ruheb li tenamit. Ac oxib cutan xchaliqueb chicuix ut ma̱cꞌaꞌ xcuaheb. Ut incꞌaꞌ nacuaj xtaklanquileb saꞌ rochocheb chi incꞌaꞌ teꞌcuaꞌak. Naru nequeꞌlub saꞌ be, chan.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Isaías 22:1

Aꞌan aꞌin resil li cꞌaꞌru ta̱cꞌulma̱nk saꞌ li ru takꞌa li quicꞌutbesi̱c cuiꞌ li visión chicuu xban li Dios. ¿Cꞌaꞌru xecꞌul anakcuan? ¿Cꞌaꞌut nak che̱junilex yo̱quex chi takecꞌ saꞌ xbe̱n le̱ rochoch xban le̱ xiu?

Salmos 65:2

xban nak nacasume li cꞌaꞌru nakatzꞌa̱ma a̱cue. Chixjunileb li cuanqueb saꞌ ruchichꞌochꞌ, a̱cuiqꞌuin teꞌxtzꞌa̱ma li cꞌaꞌru teꞌraj.

2 Reyes 13:23

Abanan li Ka̱cuaꞌ Dios quiruxta̱naheb ru laj Israel ut quiril xtokꞌoba̱leb ru. Incꞌaꞌ quixcanabeb chi sachecꞌ ruheb xban li contrato li quixba̱nu riqꞌuineb laj Abraham, laj Isaac ut laj Jacob. Incꞌaꞌ quixtzꞌekta̱naheb toj chalen anakcuan.

2 Reyes 13:4

Laj Joacaz quitijoc chiru li Ka̱cuaꞌ ut quixtzꞌa̱ma xtenkꞌanquileb. Ut li Ka̱cuaꞌ quixsume lix tij xban nak quiril nak yo̱queb chi rahobtesi̱c laj Israel xban laj Hazael lix reyeb laj Siria.

1 Samuel 11:5

Laj Saúl yo̱ chak chi sukꞌi̱c saꞌ cꞌaleba̱l rochben lix bo̱yx. Quixye: —¿Cꞌaꞌru xeꞌxcꞌul li tenamit nak yo̱queb chi ya̱bac? chan. Ut queꞌxye re li cꞌaꞌru queꞌxye li takl li queꞌchal chak Jabes.

Jueces 18:23

Queꞌxtauheb ut queꞌxjap reheb chixbokbaleb. Ut eb li ralal xcꞌajol laj Dan queꞌxsukꞌisi ribeb ut queꞌxye re laj Micaía: —¿Cꞌaꞌru nequecꞌul? ¿Cꞌaꞌut nak nequejap e̱re chikix? chanqueb.

Éxodo 22:27

xban nak caꞌaj cuiꞌ aꞌan li tꞌicr li naxtzꞌap cuiꞌ rib. ¿Chanru nak tixtzꞌap rib nak ta̱oc chi cua̱rc chi ma̱cꞌaꞌ lix tꞌicr? Nak tixtzꞌa̱ma xtenkꞌanquil cue, la̱in tincuabi xban nak la̱in nin-uxta̱nan u.

Éxodo 22:23

Cui la̱ex te̱rahobtesiheb, la̱in tincuabi nak teꞌxtzꞌa̱ma xtenkꞌanquileb cue.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Génesis 46:3

Ut li Ka̱cuaꞌ Dios quixye re: —La̱in li Ka̱cuaꞌ Dios li quixlokꞌoni la̱ yucuaꞌ. Matxucuac chi xic Egipto xban nak aran tinqꞌueheb chi qꞌuia̱nc nabaleb la̱ cualal a̱cꞌajol. Riqꞌuineb aꞌan ta̱cua̱nk jun nimla tenamit.

Génesis 16:9

Lix ángel li Dios quixye re: —Sukꞌin cuiꞌchic riqꞌuin la̱ patrón. Tatcua̱nk saꞌ xya̱lal riqꞌuin ut ta̱pa̱b li cꞌaꞌru tixye a̱cue.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Génesis 16:7

Lix Agar yo̱ chi be̱c saꞌ li chaki chꞌochꞌ. Quicuulac cuan cuiꞌ li yuꞌam haꞌ saꞌ li be naxic saꞌ li tenamit Shur. Ut aran quitaꞌeꞌ xban lix ángel li Ka̱cuaꞌ Dios.

Génesis 22:11

Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

Génesis 24:7

Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Éxodo 3:2

Aran quixcꞌutbesi rib lix ángel li Ka̱cuaꞌ Dios chiru laj Moisés saꞌ rakꞌ li xam saꞌ li jun to̱n chi qꞌuix. Laj Moisés quiril nak yo̱ xxamlel ut incꞌaꞌ na-osoꞌ li qꞌuix.

Deuteronomio 26:7

La̱o kaya̱ba lix cꞌabaꞌ li Ka̱cuaꞌ, lix Dioseb li kaxeꞌto̱nil yucuaꞌ. Li Ka̱cuaꞌ quirabi li katij ut quiril xtokꞌoba̱l ku. Quixqꞌue retal nak cuanco saꞌ cacuil cꞌanjel ut rahobtesinbilo.

Salmos 6:8

La̱ex aj ba̱nuhom ma̱usilal, canabomak inchꞌiꞌchꞌiꞌinquil xban nak li Ka̱cuaꞌ Dios xrabi nak xinya̱bac chiru.

Génesis 16:8

Ut li ángel quia̱tinac riqꞌuin ut quixpatzꞌ re: —Agar, at xmo̱s lix Sarai, ¿bar xatchal chak? Ut, ¿bar yo̱cat chi xic? chan. Ut lix Agar quixye re: —La̱in yo̱quin chi e̱lelic chiru lix Sarai lin patrón, chan.

Salmos 10:14

La̱at nacacuil li ma̱usilal nequeꞌxba̱nu ut la̱at ajcuiꞌ tatqꞌuehok reheb chixtojbaleb xma̱c. Li nequeꞌcꞌuluc raylal nequeꞌxkꞌaxtesi rib saꞌ a̱cuukꞌ ut la̱at nacattenkꞌan reheb.