Génesis 21:16 - Li Santil hu

¹⁶ Ut lix Agar co̱ chi chunla̱c najt caꞌchꞌin riqꞌuin lix yum. Incꞌaꞌ quiraj rilbal nak ta̱ca̱mk. Chunchu aran lix Agar nak quirabi nak yo̱ chi ya̱bac lix yum.

Q'eqchi Bible

¹⁶ ut koxchunub' rib' najt kach'inaq rik'in li ch'ina'al, xb'aan naq kixye sa' xch'ool: “Ink'a' nawaj rilb'al chi kamk linyum”. Ut naq chunchu aran lix Agar, ke'ok chi yaab'ak rochb'een li ch'ina'al.

Génesis 21:16 ပူးပေါင်းရင်းမြစ်များ

Isaías 49:15

Li Dios quixye: —¿Ma nasach ta biꞌ saꞌ xchꞌo̱l lix cꞌulaꞌal junak naꞌbej? ¿Ma tixcanab ta biꞌ xra̱bal? Usta li naꞌbej nasach saꞌ xchꞌo̱l lix cꞌulaꞌal, la̱in incꞌaꞌ texsachk saꞌ inchꞌo̱l.

Ester 8:6

¿Chanru nak tincuy rilbal li raylal li teꞌraj xba̱nunquil reheb li cuech tenamitil? La̱in incꞌaꞌ tincuy cui teꞌcamsi̱k li cuechꞌalal, chan lix Ester.

1 Reyes 3:26

Abanan li tzꞌakal naꞌbej cꞌajoꞌ nak quirahoꞌ xchꞌo̱l xban nak quixra lix cꞌulaꞌal. Quixye: —At rey, nintzꞌa̱ma cha̱cuu nak incꞌaꞌ ta̱camsi li cꞌulaꞌal. Qꞌue re li ixk aꞌan, chan. Abanan li ixk jun chic quixye re: —Incꞌaꞌ. Ma̱qꞌue cue, chi moco ta̱qꞌue re aꞌan. Jach saꞌ xyi li cꞌulaꞌal, chan.

San Lucas 15:20

Saꞌ junpa̱t quicuacli ut quisukꞌi saꞌ rochoch lix yucuaꞌ. Toj cuan ajcuiꞌ chak chi najt nak qui-ileꞌ xban lix yucuaꞌ. Ut li yucuaꞌbej quiril xtokꞌoba̱l ru. Co̱ saꞌ a̱nil chixcꞌulbal li ralal. Quixkꞌalu ut quirutzꞌ ru.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

1 Samuel 30:4

Laj David ut eb li cuanqueb rochben queꞌxjap reheb chi ya̱bac. Ut incꞌaꞌ queꞌxcanab toj retal queꞌlub.

1 Samuel 24:16

Nak quirakeꞌ chi a̱tinac laj David, laj Saúl quixye: —At David, at cualal, ¿ma la̱at li yo̱cat chi a̱tinac? chan. Ut qui-oc chi ya̱bac laj Saúl nak quirabi xya̱b xcux laj David.

Li xHu LIX RUT 1:9

Ut aꞌ taxak li Dios chiqꞌuehok e̱re nak texsumla̱k cuiꞌchic ut chexcua̱nk taxak chi sa saꞌ e̱chꞌo̱l saꞌ le̱ rochoch, chan lix Noemí reheb. Ut quixchakꞌrabiheb ut quirutzꞌ ruheb. Ut eb li alibej queꞌoc chi ya̱bac.

Jueces 2:4

Nak queꞌrabi li cꞌaꞌru quixye li ángel, eb laj Israel queꞌoc chi ya̱bac chi cau.

Génesis 44:34

¿Chan ta cuiꞌ ru nak tinxic riqꞌuin lin yucuaꞌ cui ma̱ anihak chic laj Benjamín chicuix? Incꞌaꞌ tincuy rilbal inyucuaꞌ nak cꞌajoꞌak xrahil saꞌ xchꞌo̱l, chan laj Judá re laj José.

Génesis 29:11

Laj Jacob quirutzꞌ ru lix Raquel ut quiya̱bac xban xsahil saꞌ xchꞌo̱l.

Génesis 27:38

Laj Esaú quixye re lix yucuaꞌ: —¿Ma chi ti̱c incꞌaꞌ tatru̱k chicuosobtesinquil? Ba̱nu usilal, at inyucuaꞌ, china̱cuosobtesi taxak, chan. Ut laj Esaú quixjap re chi ya̱bac.

Génesis 21:15

Nak qui-osoꞌ lix haꞌeb saꞌ lix bo̱ls tzꞌu̱m li naꞌbej quixcanab laj Ismael chi yocyo saꞌ xmu jun li cheꞌ.

1 Reyes 17:12

Li ixk quichakꞌoc ut quixye re laj Elías: —Ma̱cꞌaꞌ caxlan cua cuiqꞌuin ac yi̱banbil. Li Ka̱cuaꞌ la̱ Dios naxnau nak ya̱l li yo̱quin chixyebal. Caꞌchꞌin ajcuiꞌ li cꞌaj cuan saꞌ jun li ucꞌal ut caꞌchꞌin ajcuiꞌ li aceite cuan saꞌ lin chꞌina cuc. Ut anakcuan xinchal xxocbal coꞌxibak insiꞌ re nak tinyi̱b li caxlan cua chokꞌ re lin yum ut chokꞌ cue ajcuiꞌ la̱in. Nak takachoy aꞌan, ma̱re toca̱mk xban katzꞌocajic xban nak ma̱cꞌaꞌ chic cuan ke, chan.

Jeremías 6:26

Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.